Söygänen dä, anıñ äti-änisen dä ütergän

Kazanda Çuykov uramındagı yortlarnıñ bersendä 3 keşene üterü faktı buyınça cinayät eşe kuzgatılgan.

Alarnıñ törle däräcädäge tän cärähätläre bulgan üle gäüdälären politsiyä hezmätkärläre kiçä kiç belän tapkan.

Berençel versiyä buyınça, üterüdä hälaq bulgan kıznıñ dustı bulgan 22 yäşlek ir-at gayıple, dip farazlana. Hokuk sakçıları häbär itkänçä, söygäne belän aralaşuga karşı çıkkanga, mondıy kotoçkıç adımga bargan.

Yarsıgan yeget söygäneneñ üzen, 18 yäşlek kıznı, anıñ äti-änisen, 62 yäşlek ir-atnı, anıñ 59 yäşlek hatının hälaq itkän. Başlangıç mäğlümatlar buyınça, şunnan soñ ul üz-üzenä kul salgan, ir-atnıñ gäüdäsen işegaldında tapkannar.

"İke häm annan kübräk keşene üterü" maddäse buyınça cinayät eşe kuzgatılgan, dip häbär itä Tatarstan buyınça Rossiyä tikşerü komitetı matbugat hezmäte.

Foto: https://pixabay.com/


1 week, 2 days ago
0 visists
Source: shahrikazan.ru