News Tatar news add news

Äfganstan - 2019 nçı yılda da terrordan iň küp zıyan kürgän il

Uzğan yıl Äfganstandağı terror höcümnärendä 5 meň 725 keşe can birgän

Üzäge Avstraliyädä urnaşqan İq’tisad häm tınıçlıq institutı “Global’ terrorçılıq indeksı 2020” xisabın bastırıp çığardı.

Älege xisapta 163 ildä yıl buyı küzätelgän terror waqıyğaları urın ala.

Xisaptan kürengänçä, Äfganstan,2018 nçe yıldağı kebek, 2019 nçı yılda da terrordan iň küp zıyan kürgän illär arasında berençe urında tora.

Uzğan yıl dönya külämendäge terror höcümnärendä tuplam 13 meň 826 keşeneň ğomere özelgän , monıň 41%ı , yäğ’ni 5 meň 725 keşe Äfganstandağı terror höcümnärendä can birgän.

Äfganstandağı höcümnärdä 6 meň 211 keşe yaralanğan.

2019 nçı yılda iň qurqınıç 20 terror waqıyğasınıň 7 se Äfganstanda bulğan.

Tuplam 493 keşe ğomeren yuğaltqan bu höcümnärneň 5 sen Taliban, 2 sen “DEAŞ” terror oyışması başqarğan.

Xisap Taliban oyışmasın dönyadağı iň qurqınıç, iň ütergeç terror oyışması dip atıy.

Mäğ’lümatlardan kürengänçä, uzğan yıl Äfganstandağı terror höcümnäre qorbannarınıň 87%ı Taliban höcümnärendä ülgän.

Taliban 2019 nçı yılda Äfganstan iminlek köçlärenä 508 tapqır höcüm itkän häm bu höcümnärdä 2 meň 900 dän kübräk keşe yaqtı dönyadan kitkän.

”DEAŞ” terror oyışması isä uzğan yıl 55 höcüm kereşüe başqarıp 320 keşeneň ğomeren özgän.

Xisap dönyada terrordan iň küp zıyan kürgän 10 ilneň Äfganstan, Ğıyraq, Nigeriya, Süriyä, Somali, Yämän, Paqıstan , Hindıstan , Kongo Demokratik Cömhüriyäte häm Filippinnar buluın belderä.

Bu isemlektä Törkiyä 18 nçe urında, Amerika Quşma Ştatları 29 nçı, Angliya isä 30 nçı urında tora.


5 days, 3 hours ago
0 visists
Source: www.trt.net.tr