News Tatar news add news

Ätisen ütergäç, äniseneñ dä başın kisep ala...

40 yäşlek ir-at äti-änise belän talaşa.

Samara ölkäsendä hokuk saklauçılar kotoçkıç cinayatneñ säbäplären açıklıy. 40 yäşlek ir-atnı üzeneñ ätise belän änisen üterüdä gayıplilär. Faciga Samara şähärendäge yortlarnıñ bersendä bula. Bu turıda Tolyatti.onalyn saytı häbär itte.

40 yäşlek ir-at äti-änise belän talaşa. Annarı ul äti-änisenä berniçä tapkır pıçak belän suga. Şunnan soñ bu ir-at äniseneñ başın zur pıçak — maçete belän kisep taşlıy, diyelä bu häbärdä.

Samaranıñ Promışlennıy rayonı tikşerü bülege 40 yäşlek ir-atka karata cinayat eşen tikşerep betergän. Anı ike keşene üterüdä gayıplilär. Bu turıda Rossiyä Tikşerü komitetınıñ Samara ölkäse buyınça Tikşerü idaräseneñ matbugat hezmäte häbär itte.

Tikşerü versiyäse buyınça, cinayat 25-31 avgust könnärendä bula. 40 yäşlek ir-at üze belän bergä fatirda yaşäüçe ätiseneñ gäüdäsenä kimendä un tapkır pıçak belän suga, änisenä dä yakınça şul sanda pıçak kadıy, annarı pıçak belän äniseneñ başın kisep ala. İmgängän ir belän hatın urında hälak bula. Märhümnärneñ cinayatçe ulları isä bu urınnan kaçıp kitä.

4 sentyabrdä bu ir-atnı Sankt-Peterburg şähärennän Samaraga kiterälär. İr-atka psihologiyä-psihiatriyä ekspertizası yasıylar. Näticädä bu keşeneñ psihik taypılışları buluı açıklana. Aña mahsuslaşkan tiptagı psihiatriyä hastahanäsendä statsionarda küzätü astında mäcbüri räveştä dävalau taläp itelä,

Häzerge vakıtta mäcbüri çaranı kullanu öçen, cinayat eşen sudka tapşırgannar, diyelä bu häbärdä.

Çıganak: İntertat


5 days, 5 hours ago
4 visists
Source: shahrikazan.ru