News Tatar news add news

Tagın 10 000 sum. Bu yulı kemnärgä?

Ministrlar Kabinetı älege täqdimne öyränä.

Rossiyädä kovid yoktırgan avırular belän eşli torgan tabiblarga taksi çakıru öçen ay sayın 10 meñ sumga kadär akça bülep birergä täqdim ittelär. Bu hakta Rossiyä vitse-premerı Dmitriy Çernışenkoga sıltama belän RİA Novosti häbär itä.

Anıñ süzlärençä, töbäkkä karap, küz allangan limit 5-10 meñ sum täşkil itäçäk.

«Kayber töbäklärdä här tabibka taksi çakırtu kuşımtalarında anıñ nomerı buyınça virtual akça limitı birelergä mömkin. Bu akçalarnı eş urınına barganda taksi öçen tülärgä totarga mömkin. Tabibka älege çıgımnar, ütelgän yulına karap, ayga yakınça 5-10 meñ sum bulaçak. Yağni tabib bu limitnı ay dävamında kirägençä üze tota», - dip añlattı vitse-premer.

Ministrlar Kabinetı älege täqdimne öyränä. «43 subektta taksiga ihtıyac barlıgı bilgelände - anda yakınça 7 meñ tabib, alarga könenä urtaça 10-15 tapkır taksi çakırtırga kiräk», - dip östäde ul.

Çıganak: Tatar-inform


5 days, 16 hours ago
0 visists
Source: shahrikazan.ru