News Kazakh news add news

ShYU kelesi jyly halyqaralyq boks týrnırin ótkizbek

BEIJIŃ. QazAqparat – Shanhaı Yntymaqtastyq Uıymynyń qurylýyna 20 jyl tolýyna oraı kelesi jyly halyqaralyq boks týrnırin ótkizý josparlanyp otyr. Jeksenbide Beıjińde ótken 2020-2021 jyldar aralyǵyndaǵy halyqaralyq uıymnyń mádenı-sport is-sharalarynyń tanystyrylymynda ShYU Bas hatshysy Vladımır Norov osylaı málimdedi, dep habarlaıdy QazAqparat tilshisi.

«Kelesi jyly ShYU-nyń qurylǵanyna 20 jyl tolady. Mereıtoı jylynda resmı sharalardan bólek kınofestıval, «Ioga men taıtszı kúni», stýdentter arasynda fýtbol jarysy, boks týrnıri, uıymǵa múshe elderdiń qalalarynda marafon ótkizý josparlanyp otyr», - dedi V.Norov.

Onyń aıtýynsha, bıyl altynshy jeltoqsanǵa josparlanǵan ShYU-nyń dástúrli Kýnmın marafony onlaın formatta ótkiziledi.

«Álemniń kásipqoı jáne áýesqoılar sportshylary marafonymyzǵa arnaıy qoldanba arqyly qatysýy kerek. Qoldanba qytaı, aǵylshyn, orys tilderinde jumys isteıdi», - dedi uıymnyń bas hatshysy.

«Nazarlaryńyzǵa usynylǵan is-sharalar memleketter arasyndaǵy mádenı, sport baılanysyn damytýǵa, ulttar arasyndaǵy dıalogke septesýge baǵyttalǵan», - dedi V.Norov.

Eske sala ketsek, Shanhaı Yntymaqtastyq Uıymy Qazaqstan, Qytaı, Qyrǵyzstan, Reseı, Tájikstan, Ózbekstannyń qatysýymen 2001 jyly qurylǵan halyqaralyq uıym. Onyń aldynda «Shanhaı bestigi» jumys istedi.

2017 jyly Úndistan men Pákistanǵa ShYU-ǵa múshe memleket mártebesi berildi.

Avtory Rýslan Súleımenov


5 days, 5 hours ago
1 visists
Source: www.inform.kz