News Kazakh news add news

Aýyl - el besigi: Túlkibastaǵy eldimekenniń 16 kóshesi jóndelip, paıdalanýǵa berildi

TÚLKIBAS. QazAqparat - Túrkistan oblysy Túlkibas aýdanynda eldimekenderdiń ınfraqurylymdary retke keltirilýde. Sastóbe kentinde 16 kóshe jóndelip, paıdalanýǵa berildi, dep habarlaıdy QazAqparat tilshisi.

Aýdandyq ákimdiktiń málemetinshe, jyl basynan beri kent aýmaǵynda aýqymdy jumystar atqarylǵan. Aýyl ortalyǵynan «Aýyl - el besigi» baǵdarlamasy aıasynda kósheler aǵymdaǵy jáne kúrdeli jóndeýden ótip, túngi shamdar ornatylǵan.

Sondaı-aq, jaıaý júrginshilerge arnalǵan joldar salynǵan. Sońǵy jyldary kent turǵyndary tarapynan kóterilip júrgen basty máselelerdiń biri tozyǵy jetken elektr baǵanalary men jelini jáne transformatordy aýystyrý bolatyn.

Bul másele de tolyǵymen sheshimin tapqan. «Jumyspen qamtý jol kartasy» sheńberinde kenttiń ishki kósheleriniń tozyǵy jetken 8,4 shaqyrymdy quraıtyn elektr jelisi tolyǵymen jańartylyp, 120 baǵana men qýaty 400 KV quraıtyn jańa transformator ornatylǵan.

Sonymen qatar, kent ortalyǵyndaǵy kóp jyldan beri jóndeýdi qajet etetin soǵys ardagerler alleıasyda tolyǵymen jóndeýden ótip, kent sheginen zamanaýı kárizdik sorǵy stantsııasy men kárizdik sýlardy tazalaý orny boı kótergen.

Júıeniń ereksheligi - turǵyndar paıdalanǵan káriz sýyn qaıta óńdep, óńdelgen taza sýdy egin sýǵarý men balyq sharýashylyǵy syndy túrli baǵytta paıdalanýǵa bolady.

20 qazanǵa deıin atalmysh qurylǵyǵa qubyry daıyn 200 tutynýshyny qosý josparlanyp otyr.

Kentte jer kezeginde turǵan turǵyndardyń ótinishin qanaǵattandyrý maqsatynda da aýqymdy jumystar atqarylýda.

Bıyl kent shetinen 54,6 gektar jerge (150 jer telimi) ınfraqurylym tartyla bastady. Búgingi tańda elektr jelisin tartý jumystary aıaqtalǵan.


1 week ago
0 visists
Source: www.inform.kz