News Tatar news add news

Östenlek - Azärbaycan qulında

Ärmänstan tarafınıñ Azärbaycan ğaskärlären qamalışta totuı turındağı mäğ’lümatı yalğan

Azärbaycan armiyäse böten front buyınça operativ östenlekkä iyä. Bu xaqta ilneñ saqlanu ministrlığınnan yasalğan belderüdä äytelä. Anda Ärmänstan tarafınıñ Azärbaycan ğaskärlären qamalışta totuı turındağı mäğ’lümatlarnıñ yalğan buluı citkerelä.

“Çınlıqta wäzğıyät’ bötenläy başqaça. Böten front sızığı buyınça östenlek Azärbaycan qulında,”-diyelä belderüdä.

Şul uq waqıtta, Ärmänstan köçläreneñ Cäbrail şähäre tiräsenä häm Araz yılğası buyınça qotqarlğan awıllarğa ut açuı belderelde. Azärbaycan ğaskärläre arasında yuğaltular yuq. Ärmänstan köçlärenä kiräkle cawap yasalğan.

Ministrlıqnıñ başqa belderüendä isä kiçä utnı tuqtatu ğamälgä kergänçe Ärmänstan armiyäseneñ 2 S-300 oçqıçtan saqlanu sistemasınıñ raketa atu stantsiyäse, 5 T-72 tankı, 3 Grad raketası sisteması, 2 Smerç’ raketalar sisteması, 1 gaubitsa häm koral taşuçı 6 texnikanıñ yuqqa çığarıluı citkerelgän ide.

Azärbaycan häm Ärmänstan arasında gumanitar maqsattan utnı tuqtatu qararı bügen tön urtasında ğamälgä kerde.


1 day, 18 hours ago
0 visists
Source: www.trt.net.tr