News Kazakh news add news

Býrabaı ulttyq parkiniń 70 gektar aýmaǵy otqa orandy

KÓKShETAÝ. QazAqparat- «Býrabaı» memlekettik ulttyq tabıǵı parkiniń aýmaǵynda orman alqabynda qýraǵan shóp órtendi, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.

Vedomstvonyń málimetinshe, órt qazannyń 17-de tutanyp, qatty jel onyń órship, úlken aýmaqqa jaıylýyna sebep bolǵan.

«Tilsiz jaýdy aýyzdyqtaýǵa «Býrabaı» memlekettik ulttyq tabıǵı parkiniń jumysshylary men aýmaqtyq TJD jeke quramynan 107 qyzmetker jáne 16 arnaıy órt sóndirý tehnıkasy ttartyldy. Sondaı-aq, «Qazaqstan temir joly» AQ bir órt sóndirý poıyzy jumyldyryldy. Órt 70 gektar aýmaqty sharpydy» dedi vedomstvodan.

Aıta keteıik, jalyn búgin tańǵy saǵat 05:40 kezinde aýyzdyqtaldy. Qazirgi kezde «Qazavıaormankúzeti» memlekettik mekemesiniń tikushaǵy arqyly órt bolǵan aýmaqqa áýeden baqylaý júrgizip jatyr.


5 days, 10 hours ago
1 visists
Source: www.inform.kz