News Kazakh news add news

Elordada Jýrnalıster úıi ashylady

NUR-SULTAN. QazAqparat - Buqaralyq aqparat quraldary men teleradıo habarlaryn taratý qyzmetkerleriniń «BAQ KASIPODAQ» salalyq kásipodaǵynyń tóraǵasy Zeıin Álipbek Nur-Sultan qalasynyń ákimi Altaı Kólginovpen kezdesti, dep habarlaıdy QazAqparat.

Kezdesý barysynda jýrnalısterdiń áleýmettik máselelerin sheshý joldary talqylandy. Atap aıtqanda, áleýmettik jaǵynan az qamtylǵan jýrnalısterdiń baspanamen qamtylýyna septesý joldary qaraldy.

Ákimdik pen kásipodaq osy baǵytta birlesip jumys isteıtin bolyp kelisti.

Sonymen qatar, kásipodaq tóraǵasy Z. Álipbek elordada Jýrnalıster úıin ashý jaıyn kóterdi.

«Qazir jýrnalısterdiń bas qosyp, ózderiniń máseleleri men usynystaryn, ıdeıalaryn talqylaıtyn arnaıy jeke orny joq. Mundaı ortalyq qalam ustaǵan qaýymnyń yntymaǵyn arttyra túser edi», - dedi Zeıin Álipbek.

Bul usynysty qoldaǵan qala ákimi qaladan orynjaı qarastyratynyn aıtty. ​

Kásipodaq basshysy tarapynan jasalǵan atalǵan uıym músheleriniń qaladaǵy sporttyq nysandar qyzmetin tegin paıdalanýyna jaǵdaı jasaý týraly usynys ta ákim tarapynan qoldaý tapty.

Kezdesýdiń nátıjeli bolǵanyn aıtqan kásipodaq tóraǵasy Zeıin Álipbek qala ákimine qoldaýy úshin alǵysyn jetkizdi.


1 week, 1 day ago
0 visists
Source: www.inform.kz