News Azerbaijani news add news

İranda 23 deputat koronavirusa yoluxub

İranda 23 millət vəkilinin yeni tip koronavirusa yoluxduğu bildirilir.

“Qafqazinfo” xəbər verir ki, bu barədə İran parlamentinin sədr müavini Əbdulreza Mesri açıqlama yayıb. O, millət vəkillərini xalqla təmas qurmağı məhdudlaşdırmağa çağırıb.

Mesrinin sözlərinə görə, yaranmış vəziyyətə baxmayaraq, parlament fəaliyyətini davam etdirəcək.

Qeyd edək ki, fevralın 19-dan İranda 1501 koronavirusa yoluxma faktı qeydə alınıb, onlardan 66-sı ölümlə nəticələnib.

Xatırladaq ki, bu yaxınlarda İran İslam Şurası Məclisinin deputatı Məhəmmədəli Ramazani, ötən gün isə ölkənin Ali dini lideri Ayətullah Əli Xameneyinin Məsləhət Şurasının üzvü Seyid Məhəmməd Mirməhəmmədi virusa yoluxaraq vəfat edib.

İranda koronavirusa yoluxanlar arasında, həmçinin İran Parlamentinin Milli Təhlükəsizlik və Xarici Siyasət Komissiyasının sədri Müctəba Zünnur, vitse-prezident Məsumə İbtikar, Səhiyyə nazirinin müavini İrəç Hərirçi və Qum Tibb Universitetinin rektoru Məhəmməd Rza Qədir də var.


7 months, 4 weeks ago
37 visists
Source: big.az