Yañadan Tugan Kön

(erotik yazmalar)
Kaysıgız hatınına tugan kön büläge dip närsä alıp birä? İl burı abramoviçlarnı soramıym da, alar – samolet yäki parahuttır inde. Prezident-işe berär barzuynıñ küten yalap keşegä çıkkan maymıllar – mersedes yäisä kottec, prastuy halık arasındagı tümgäk mörtätlär – altın ıbır-şıbır... Minem ällä nigä häl yuk bıyıl. Häyer, mindä akçanıñ küp bulganı da yuk. Keçe sercant uniforması tuzdırıp gomer ütä. Ment min. Akça kayan kilsen?!

Minem, ya-ke-le-me-ne, gel şul! Bäyräm yakınlaşa – uylana başlıym. Berär atnalap uylanam. Kıymmät tä bulmasın, istälekle dä bulsın! İstä kalırlık kızık ütsen tugan kön!

Uzgan yıl, nu, kılanıp kürsätkänmen! Göländämemneñ biş dus hatını cıyılgan ide. Bäyräm tabınında şäp kenä “töşerep” alıngan. Şıpırt kına kerep kitelgän yokı bülmäsenä. Hatınnıñ iñ intim kiyemnäre aktarıp çıgarılgan. Syurpriz äzerlim ikän imeş. Üzemneñ böten kiyemnärne doloy! Göländämneñ sızık kiñlegendäge trusigın, lifçigın (eçenä mamık tutırıp), annarı kütkä sılanıp torgan yıfäk ıştanın, kendekkä qadär genä ozınlıktagı topigın kigänmen. Hatın belän ikebezneñ tän razmerları ber çama. Hätta biyek ükçäle tüfliläre dä sıydı. Anısı nik hätergä señep kalgandır... Avırrak kergänder küräseñ. Şunnan soñ, gel yäş hatınnar kebek bulsın dip, irennärne, kerfeklärne buyaganım, başnı kosınkaga tıkkanım. Ansız bulmıy da şul – kolaklar Çeburaşkanıkıday tırpayıp tora. Ä yözgä-bitkä üzem çibär genä, anısı. Şuña kürä, üzemçä kileşle genä kilep çıkkanım. Közgegä karagaç aynıp kitkän kebek buldım. Şunnan soñgıları istä. Söykemle genä hatın-kızga äylängän üzemne tagı ber kat küzdän kiçersäm... ya-ke-le-me-ne, üzemä-üzem ğaşıyq bula yazdım. Şul qadär dä şäp nämästäkäy ki, uramga çıksam, biş-altı yeget, mine çamalau maksatı belän, pılt itep torgızıp bastıraçak bit inde tege nämälären. Tfü-tfü! Geylarıñnıñ kütenä tibim, didem dä... çıktım hatın-kız kötüe yanına. “Çao, Bambino! – min äytäm. – Mayne Ryahim obıy biyergä çakırgan iye. Disko”. Altısı da iserek. Gacäplänüdän avız açıp telsez kaldılar. Üzem muzıkanı kabızıp cibärdem. İ, totındım biyergä! Baştan salmak kına, kızgannan-kıza barıp, annarı oçıp-oçıp bii başladım. Tege, “Klon” digän serialdagı Cadi kebeklär itterep! Berni añlamıylar. Annan çegän kızları sımagrak itterep cilkälärne dä açkalap alam. Küzläre tongan, tanu kaya inde ul! “Kem soñ bu?” diyeş kitte dä, “Rähim üze kaya soñ?” diyeş. Annarı, gomer buyı striptiz kürsätep yörgän kızlar kebek kılana-kılana çişenä başlagaç kına, añlıy başladılar. Salgan baş bit, artıgın da kılanıp cibärgänmen bugay, ya-ke-le-me-ne – minem hatın süzlärenä ışansañ, kolgotki häm lifçiknı salgaç ta tuktamaganmın. Göländämneñ tege string digän trusigın, ike baş barmak belän tıgılıp, kütne borgalıy-borgalıy, aska şudıra başlaganmın. Şunda gına mine tuktata algannar... Göländämneñ dusları, yarıy äle, zamanadan artta kalgan hatınnar tügel – köleştelär dä köleştelär genä. Berse, Miläüşä Kamilovna isemlese bugay, trusiknı totıp karagan bulıp, uçı belän minem “äğzamım”nı da sıpırıp alırga ölgerde. Umırıp totarga da isäbe bulgandır, älbättä, ämma läkin minem Göländäm üz kükäyen keşegä aşata torgan çukça hatını tügel ul!

- Maladis, Rähimçik, - didelär, kul çaba-çaba. – Şäp büläk yasadıñ. Semeçkı satıp yörüçe äbilärne kuıp yögerüdän buşagan arada striptizer bulıp ta eşliseñder äle...

Ah, yöräkkä bärelde şul süzläre! Uh, agulı uk bulıp canga kagıldı kinayaläre! Nu, küñelne räncettelär! Gomeremdä anıñ işe äbi-çäbigä bäylängänem yuk iç minem!

- Ya-ke-le-me-ne, - min äytäm, - nahak bäla yagasız. Luççı äydägez, üzegezneñ ostalıknı kürsätegez äle. Atu bit, - dim, - min açulanırga da magu. Kaysıgıznıñ mäktäp direktorı belän, kaysıgıznıñ fizruk belän... ni... ikänen belmi disezme ällä.

- Oy-oy-oy, - dip şayartuga borıp karadılar, - ğalämät ikän.

Göländäm bu diskussiyäne yañadan üz ineşenä kaytardı:

- Yä inde, iptäş mayor, üpkälämä. Uynap kına bit...

Menä dürt yıl torabız, ä anıñ öçen sercant ni dä, mayor ni – ber kuzaktan çıkkan ike borçak şarigı.

- Adnakı, - didem min, şul minutta uk facigale tavışı belän. – Yaramagan yaraga kagıldıgız. Häzer şunıñ gayıben yuıp karagız inde.

- Nişlik soñ, - dide berse. Şul Miläüşä Kamilovna bugay.

- “Nişlik, nişlik?” – didem min. – Bii-bii çişenäsez häzer. Min garemlı soltan kebek karap utıram, ä sez miña striptiz kürsätegez.

Berse dä karşı kilmäde. İsereklär iç! Altı ukıtuçı (iñ olısı digän Käüsäriyä Gosmanovnasına da, minemçä, utızdan artık tügel, ä başkaları gel instituttan öç-dürt yıl elek çıkkan kızlar) “dlya hrabrosti” digän östämä tost kütärdelär dä...

Äy kittelär kılanışıp! Bersen-berse uzdırırga tırışalar, kılanışalar: gäüdälär niçeklär genä bögelmi dä, kütlär niçek kenä borgalanmıy! Berzaman karıym, ike minut ta ütmägänder, öske yaklarında lifçiklar gına kaldı. Tagın berazdan, ber-bersenä karaşa-karaşa, kaysı yubkasın, kaysı çalbarın sala başladı. Ya-ke-le-me-ne, artistlarmıni! Student çaklarında striptiz biyep kenä yörgännärmeni! İskitkeç osta başkardılar bu öleşne dä. Häzer barısınıñ da östendä tar häm neçkä string belän lifçiktan başka ber närsä dä kalmadı. Minem hatın, barısın da uzdırmasa, minem hatın bulamıni ul – yalt itep minem yanga oçıp ta kilde, artı belän borılıp, lifçik sädäflärenä işaräläde: “Içkındır äle!” Başkaları çäbäkli-çäbäkli Göländämne huplap tordılar. Vät bozıklar! Artistlar da bazarda satışuçılar gına şundıy dip tora idem, ukıtuçılar da şul ikän, ya-ke-le-me-ne! Utıram şulay, tege tar string eçendä baş kalkıta başlagan därtle “äğzamım”nı nişlätergä belmiçä. Ul bit, ahmak, üz hatınıña kızıgırga yarıy, ä Miläüşä Kamilovna belän Käüsäriyä Gosmanovnanıñ imçäklärenä, trusiklarınnan taşıp çıgıp torgan küt almalarına kızıgıp, “smirno!” katırga yaramagannı belmi. Belergä dä telämi. Zurayıp tordı da bastı. Oyatsız! Ya-ke-le-me-ne, string ul string inde, minem “mayor” anda sıyışa almıy. Komandirı aldında ürä katkan ryadovoy ment diyärseñ! Anıñ kızıl şoma başı, korsak östenä çıgıp, kendekkä qadär citte. İserek baştan oyaldırtmıy ikän ul. Uçastkovıy bulıp eşli başlagannan birle, gomumän, oyalunıñ närsä ikänlege onıtıla başladı. Şuña kürä trusik astınnan baş törtkän bu “uçastkovıy”nıñ ärsezlegenä dä isem kitmäde, yäşerergä mataşmadım, kızarınıp çıkmadım.

- Do pobednogo kansa!- dip kıçkırdım tegelärgä.

Anısı, “pobednıy kanis”ka qadär barıp citmädek, bilgele. Ni disäñ dä, alar – ukıtuçılar, min – militsiyä sercantı. Käüsäriyä Gosmanovna belän minem hatın, stringi trusıyların salıp taşlap, kütne kütkä teräp biyegännän soñ “stop!” komandasın birdem. Dälşe yaramıy ptamuştı! Nu, şulay da küzgä bärelde minem: bik tekälep karamaska tırışsalar da, minem trusik astınnan başın tıgıp üzlären manzara kılgan “uçastkovıy mayor”ga küzläre terälä dä kala, terälä dä kala...

İnde bıyıl da menä şul kön yakınlaşa. Nindider şundıyrak ber strategik operatsiyä kiräk, min äytäm. Şunıñ taktik detallären planlaştıruga kereştem. Min äytäm, yübiley uk bulmasa da, tügäräk san tula bit söyekle hatınıma – 30 yäş. Ozak uylanıp yördem. Şaktıy baş vatkannan soñ ber fiker kilde fantaziyälär tulı başıma: kunaklar çakırmıybız, ikäü genä şämnär yandırıp utırabız. Annarı, Göländämneñ başına kitäçäk. Annarı seksual hezmät agentlıgına şaltıratam, öygä ber kuätle genä yäş yegetne çakırtam! Kızdırsın , mäytäm, Göländämne! Yandırsın energiyäse belän! Töne buyına ikäüläşep yaratırbız, söyeşerbez... Şul fikerne därtle hatınıma äyttem.

Kulında durşlag. Rakovina östendä vermişel sözep tora ide – ber genä süz äytte:

- Dur-rak!

Durşlagı başıma töşüdän kurıkmadım anısı – küp töşkän. Añladım: ya-ke-le-me-ne, eşne üzem bozdım bugay. Fikerne başkaçarak citkerergä ide, yugıysä. Yäisä bötenläy söyläşep-kiñäşep tormıyça gına tormışka aşırırga ide.

Ä hatın durşlagın kulıma tottırdı da, taktikanıñ da, strategiyäneñ dä nämä ikänen belmägän kileş üz planın tormışka aşıruga kereşte:

- Mä, totıp tor äle suı agıp betkänçe, - di. – Miña bulışsañ, başıña tile-mile fikerlär kilmäs.

- Ä närsä bulgan, närsäse bar inde anıñ, - digän bulam. – Kızık bulır ide bit inde.

- Miña ber polkovnik ta citä! Änä, Rişat belän Rumiyä “kiläbez” dip şaltırattılar. Zalda utırırbızmı ikän?

Şöker, inde polkovnik ta buldım, ya-ke-le-me-nesen tegim!

Söyläşä torgaç, kuhnyada gına östäl äzerlärgä buldık. Üzem Göländäm kuşkannarnı eşläp yörim şunda, üzem uylanam: bu duslar bik küptänge ahirilär inde anısı, ber-ber kızık nästäkäy oyıştırıp bula. Rumiyäse minem cariyäneñ ällä niçänçeder tersäktäge señelese bugay. Ä Rişat... Anısı... Ber karıysıñ – “telen yotkan” avıl malayı. Ä yakın-tirädä yünleräk hatın-kız bulsa, bötenläy aza: küzläre maylana, tele bertuktausız leperdi başlıy, bozık holkı bäbäklär aşa tışka atılıp çıga da böten iğtibarnı üzenä çäpäp kuya. Hatın-kız şundıylardan başın cuya bit ul. Bigeräk tä mineke kebek kızu temperamentlıları.

Rumiyälär kärt uynarga yarata. Kilsälär, gel şul kärt bitlärendäge şärä fahişälär turında köleşä-köleşä, ber-berebezgä pogon çäpäşäbez. Akçaga da uynıybız, bolay gına da. Bersendä şulay “akçası betkän keşe menä bu kızlar kebek kiyemnären sala başlıy” digän täqdim äytelgän ide. Rişat tarafınnan, bilgele. Yalgız hatınnar öyendä vatık santehnika remontlap yöri bit ul. Öyrängän! Şul slesarnıñ bu fikerenä min yöz pırsint teläktäşlek belderdem. Ämma ul çakta Göländämneñ cılı koftasınnan uzıp bulmadı. Menä bügen küpsanlı erotik genplannarnıñ bersen tormışka aşırıp bulmasmı äle...

Kildelär...

İşekne açıp ta cibärdem – sügenä-sügenä atılıp kilep tä kerdelär bolar.

- Nu, koydı, enäseneñ tişegen yabıem, - Rişatnıñ, kolakka bärelep, mäğnäse añlaşılgan berençe süzläre şul buldı.

Ösläre manma su.

- Maşinasızmıni? – didem min, aptırap.

Sävit bistäsennän bezgä qadär kilerseñ cäyäü! Yartı kön kiräk. Maşina belän kilep, anı bezneñ uramnıñ tege yagındagı yort artında, tüläüle “malaylar postı”nda kaldırıp kergännär ikän.

- Sibäläp kenä tora ide, enäseneñ tişege, bez uramnı çıgıp barganda kilde dä çäpäde genä...

- Nu, koyındık, Göländäm apa, - dip süzgä kuşıldı Rumiyäse.

Kunaklarnı bolay, lıçma yüeş kileş, tabınga utırtıp bulmıy bit inde. Bez, muciklar, ber bülmägä, hatınnar ikençe yakka kiyem alıştırırga taralıştık.

- Trusikka hätle ütkän, enäseneñ küte, – dip mıgırdana-mıgırdana, Rişat çişenä başladı. Annarı minem kiyemnär arasınnan aña yaraklıların ezläp karadık. Trusıy yuk inde, çönki bu ambalnıñ äbi yastıgı hätlem tazına yurgan hätlem kiräk ul. Andıy miña kayan kilsen?! Uniforma çalbarınıñ da kemnänder, kayçandır urlanganın kiderergä turı kilde. Külmägen dä. Karışmadı üze, kide. Ä nişliseñ, kire borılıp, kaytıp kitä almıy bit. Arakı eçäse kilä bit! Minem hatın belän lah-loh kölä-kölä läçtit satası kilä bit! Cayı çıkkan sayın külmäk aşa gına bulsa da anıñ küten sıypap alası kilä bit!..

Käyef bulganda tamak tuk kileş tä aşala ul. Bigeräk tä yahşı eçemlek kapkalaganda. Min üzem, tozlap kipterelgän kaz yä ürdäk kapkalıy-kapkalıy, ber utıruda ike ballon sıra ”sıta” alam. Annarı arakıga küçsäm dä – Tın okean tubıktan!

- Äydä inde, iptäş sercant, - di miña Rişat, - sıra belän avız pıçratıp utırma, kütärik katıragın! Yuksa, hatınnar da eçmi bit...

Soñgı argument, çınlap ta, möhim. Çönki eçmäsälär, alarnı kızdırıp cibärep bulmayaçak. Şuña kürä çirattagı tosttan başlap min dä “edinoliçnik” buludan tuktadım – ryumka korıtu eşenä kereştem. Hatınnar bezdän kalışmıy ul yaktan. Älbättä inde, alar da käyef hakına gına eçmilär. Eçep isergäç iñä torgan küñel rähätlege hakına gına da tügel. Can irege dä alar öçen ikençe urında gına. Hökümätebez häm hörmätle prezidentıbıznıñ yäşerten programmasın ütäü hakına şulay tırışıp eçäbez. Soñ, bez dä eçmäsäk, kürşelär häm ukıtuçılar eçmäsä, ministrlar häm bomclar eçmäsä, oligarhlar häm yazuçılar eçmäsä, mentlar häm pensionerlar eçmäsä, il byudcetına akça kayan cıyılır ide? Bolay da finans krizisına batkan iç inde. Ayıruça bez – şul däülät sagında toruçılar.

Bez tämäke tartıp balkonda torganda täräz aşa kuhnyanı küzätäm: hatınnarnıñ ikese dä mineke kebek, çönki Rumiyädä dä Göländäm kiyemnäre bit. Küzlär aldanıp bette. Kızık ikän ul, ya-ke-le-me-nesen bögim! Tışta közge yañgırlı salkın kiç dimässeñ dä, şunıñ qadär ciñel kiyengännär. Menä ber sorau kerde başka: Rumiyä lifçik kimägän ştuli. Üze Göländämnän kıskarak buylı bulsa da, imçäkläre olı anıñ. Yüeş lifçigın alıştırırga çamalı razmerlısın taba almagannar bulsa kiräk. Menä şul kükräkkä tiyep karıysı, ciñel näzek külmäk aşa gına bulsa da ul olı imçäklärneñ yomşaklıgın toyası kilep kitte.

Tänäfes tämäke belän genä özelmäde – bez balkonnan öygä kergäç, hatınnar bezne kärt uynarga zur bülmägä kıstadılar.

- Äy, - didem min, beraz santıyklanıp, - haman şul kärt tä kärt. Kızıgı bette. Tuydıra bit, gel ber uyın uynap.

- Ä närsä eşlik soñ? – dide Göländäm.

- Uyın şartların üzgärtik, - didem dä suıtkıç başında yatkan kärtlärne alırga dip suzılganda kulım belän sizdermiçä genä Rumiyäneñ imilärenä kagılıp uzdım. İmeş, yalgış...

Miña “cält” borılıp karadı bu. Küzlärendä - sizeler-sizelmäs yılmayu. Ärläü, ğayepläü tösmere yuk! Min kärtlärne uçlap cıyıp algançı, bu “vıct” itep çügäli töşte dä minem kul astınnan uzıp ta kitte. Üze çıga-çıgışka ör-yaña fikeren äytep birde:

- Äydägez, alaysam, durak kalgan parnı cäzalıybız.

Bu täqdim miña, mäsälän, bik tä oşadı. Cäzanıñ bit nindiyen genä uylap çıgarırga bulmas ide. Hätta ki şärä...

Zur bülmägä kerdek. İdängä tezeleştek. Uyınnıñ yaña şartları bergäläşep tikşerelde. Aynık bulsak, hiç mondıy geroylıkka kizänmäs idek mögayın. Ä monda!.. Kemneñ başı nindi fantaziyägä citä - şunı äytep birä.

Baştan üz parlarıbız belän parlaştık. Min tarattım. Karşımda – üz hatınım, sulda – Rumçik. Bu kolodanı min yattan beläm. Kemgä nindi kärt kergänen çamalap bardım. Aldaşmadım, härämläşmädem, kärtneñ väcniräklären, taratu çiratın butaştırgan bulıp kılanıp, yä üzemä, yä Gölänçikkä salıp bardım. Mondıy şartlarda, älbättä, berençe uyın tegelärgä pogon belän tögällände. Aldan söyläşengänçä, pogon öçen cäza altı tapkır katlaulırak.

- Altışar ryumka cibäräsez! – dip yaran saldı mniyem Gölänçik, kölä-kölä.

- Şas! – dip, kulındagı kärtlären urtaga taşladı Rumiyä. – Şunda utırgan kileş tünäbez iç!

Anısı da döres inde, şunda tünep kalsalar, ni mäğnä bolardan? Niyemä kiräkläre bar? Luççı isererlek kenä eçertergä...

- Eçüen anısı bergäläşep “eppärerbez”, ä annarı... ni... - dip mıgırdana-mıgırdana ber-ber ğadättän tış cäza uylap çıgarırga aşıktım min. – Çişenä-çişenä tansavayt itep karagız.

Ozak bähäsläşep tormadılar, ikesenä bergä cıyıp sanaganda altı danä kiyem salu şartı belän kündelär.

Şndıy momentlarga turı kiterep yazalar bit muzıkanı kapitalistlar. Kırgıy Könbatış kompozitorları. Ä bit hatın-kıznı koçaklap, anıñ tänenä sırpalana-sırpalana, kullarıñ belän çişendergändäy billären sıypıy-sıypıy tanets biyergä disäñ bezgä, tatar yegetlärenä genä, kuş inde! Tik menä tatar kompozitorları andıy muzıkanı yazmıylar nikter. Ällä haman tatarda seks yuk digän mifka ışanıp yatalarmıdır. Menä şunıñ öçen yaratmıym da min üzebezneñ köylärne. Moñ dilär anda, sagış dilär. Kabatlanmas ahäñ, imeş. Başkalarda bulmagan uyçanlık, yänäse... Ä minem moñayıp, sargayıp, uylanıp utırırga vakıtım bulmasa nişlärgä?.. Häm teläk tä bulmasa...

Berençe predmet itep Rişat oyıkların salıp attı da “İkäü buldı” dide. Läkin bu kürälätä härämläügätüzep tormadım – aferaga tamırınnan uk balta belän kiterep çaptım.

- Yuk inde, - min äytäm, - oyatıñnı alay uk biteñä kaplama! Oyık bavçı kiyemgä sanalmıy! Tim bule, sineñ ayaktagı minem tişek naskilar...

- Niçek inde, - dip iren yaklap mätäşte Rumiyä, - oyık kiyem tügelmeni?

Göländämgä bu oçrakta mirovoy sudya bulırga turı kilde:

- Nu, yarar soñ, - dide ul, - ber parnı ber predmet dip sanasak, pcalıy, kileşerbez.

Annarı şul uk Rişat östennän yäşel militsioner külmäge salındı.

- İke buldı, - didem min, eçtän genä bolarnıñ öslärendäge äyberlären çamalıy-çamalıy.

Öçençegä Rumiyä tuflilären salıp attı. Añlamadım, kay arada kiyep kuygan soñ äle ul alarnı? Vät citez dä inde üze, ya-ke-le-me-ne! Yalanayak utırdı-utırdı da, inde mäcbüri çişenderü cäzasın üti başlar aldınnan kiyep tä kuygan. Läkin bez dä töşep kalgannardan tügel.

- Bolarnı da ber parın ber kiyemgä sanıybız, - didem min.

Nindi ärsez bulsalar da, karışıp torunıñ faydasız ikänlegen añladılar. Ber-bersenä bötenläy oyatsız dip äyterlek yabışıp koçaklaştılar da çış-pış pışıldaşıp aldılar. Annarı Rumiyä ak flag kütärde:

- Bireläbez, - dide ul ufıldap, - bezneñ näq öç kiyem kaldı. Alarnı salsak, bötenläy şärä kalabız... Bulmıy.

Cäzanı tulısınça ütämi kalunıñ avtoritetlarına bik nık bäräçäge turında hay-vay kuptargan idem – faydası timäde. Bezgä bik nık karşılık kürsättelär. Argumentları - “Bez bit sezgä bozık striptizerlar tügel” imeş. Şunnan soñ min törmä saklap ütkärgän dürt aylık praktikamnı eşkä ciktem – Rossiyäneñ ugolovnıy kodeksınınıñ fälän statyasında cäzanı ütäüdän kaçkan öçen östämä cäza birelü karalganlıgı turında kontrargumentım belän kiterep ordım başlarına. Mondıy tukmaktan görseldäp aumadılar avuın, ämma da läkin oboronaları yomşardı. Rişatta ber çalbar gına ikänlekne belgängä kürä, çınlap torıp Rumiyägä kanıktım:

- Bez kontributsiyä itep kiyemnäreñne alıp kalmabız, tik bu lokal konfliktnıñ trofeen çıgarıp sal, davay, ya-ke-le-me-ne!

- Vat bäylänçek bulsa da bula ikän bu yefreytorlar, - dip ürtäşä-ürtäşä, iyelep, ike kullap külmäk çabuı astına tıgıldı bu.

Häzer külmägen kütärä bu, dip tatlı hıyallarga çumdım. Annan şärä botları kürenäçäk. Şunnan soñ kullarga iyärep, ul külmäk Rumiyäneñ çäçäkle trusigın bezneñ hozurga açıp salaçak. Bilne uzıp kitäçäk. Annan inde tege olı imçäklärgä dä karap soklanırga mömkin bulaçak. Häzer... häzer...

Şul arada Gölänçik “Nu, yarar soñ inde!” dip, miña karata oppozitsiyägä küçä başlamasınmı?! Satlık! Dezertir, ya-ke-le-meneñne orıym! Yarıy la, häzer inde Rumiyäneñ pozitsiyäse printsipial bulıp çıktı. Ul tartınıp-nitep tormadı – tuñkaya töşkän kileş ayakların beräm-beräm kütärgäläde dä turayıp bastı. Kulındagı trusigın yomarlap totıp öskä kütärde.

- Saldım bit, - dide iskitkeç gorur kıyafättä. – Külmäk aşa tänemne kapşap karıy alasız – bütän nämä yuk.

- Enäñneñ tişegen yabıym, - dip üzençä sügenep kuydı Rişat. – Monıñ hätle çişengäç, bötenläy salıp beter inde.

- Närsä, ällä bulmas diseñme, - dip kızdı anıñ hatını. – Çit keşelär yuk! Mo-gu! Leg-ko!

Şulay dide dä tagın iyelde. İyelüen iyelde. Külmägeneñ çabuın da eläkterep aldı, läkin kütärergä ölgermäde – işekkä şaltırattılar.

- Yaptı vagon işegen, - dip açudan üz-üzemne beleştermiçä sügenep, uyanıp kitkändäy buldım.

Kem ul? Ni häl bu? Berkemne dä kötmibez läbasa!

Rişatnıñ avızınnan ıçkındı:

- Tektem enä kolagın!

- Kürşe Räşidäder inde, ber kütenä urın taba almas, – dip mıgırdana-mıgırdana, Göländäm işekkä yünälde.

Kem bulsa da işekne açırga bit inde!? Açmas ta ideñ, böten tirä-kürşe bügen Göländämneñ tugan köne ikänlegen belä. Şuña kürä kaçıp-posıp kalıp bulmas.

- Yuk inde, - dide Göländäm, minem uylarımnı ukıgan kebek. – Moñardan kaçıp kotılıp bulamı soñ?

Bez Rişatlar belän, dönyasına ber tärtiple, ädäple häm tärbiyäle arestantlarmıni, divanga tezeleşep utırdık. Televizornıñ tavışın aça töştek. Därräü kuanışa-kuanışa, respublikabıznıñ avıl hucalıgı ölkäsendäge uñışların karıybız, yänäse. Uh, sin! Karale nindi fidakar hezmätçännär ikän bit bu fermerlar! Nindi ziräk häm akıllı ikän bezneñ respublikanıñ hökümäte – ras tegelärneñ böten çıgımnarın dotatsiyä yärdämendä kaplap bargan häm bara. Cäy mäñge kürenmägänçä korı kilügä karamastan, açlık bulmas dilär bit. Gomumän bernindi produktka kıtlık bulmas, dilär. Bäyälär dä artmayaçak, di. Işandırırlık söylilär. Rähmät, rähmät! Menä bu içmasam prezident! Moña niçek tugrı hezmät itmiseñ inde?!

Böten rähmätle uylarımnı bülep, kinät böten işek töbenä çır-çu tavış sibelde. Ber Räşidädän monıñ hätle tavış çıkmas! Döres tä, torıp karasam, dürt hatın-kız karşına çıgıp eläktem. Pedagoglar kompaniyäse ikän! Bette baş, min äytäm, bolar belän dä eçäse, bolar belän dä kärt sugası bula ikän. Ä min monda, Rumiyäne çişenderüne strategik maksat itep, plan korıp yatam. Bolay bulgaç, plannar üzgärde digän süz.

Käüsäriyä Gosmanovna zur bülmägä atılıp kilep tä kerde, muyınga kilep tä asılındı.

- Sälam, iptäş general!

Pedagogik kategoriyäsenä tökerim, nik mine haman keşe aldında ürtärgä genä karap tora soñ bu prastuy halık?! Köç-häl belän tıyılıp, üpkämne büksämä yäşerep kaldım. Militsene yaratmıy halık, nu, yaratmıy i vässälam. Pistoletıñ belän mañgayına teräp kenä yarattırıp ta bulmıy, ya-ke-le-me-ne!

Anıñ artınnan uk Miläüşä Kamilovnası koçaklap aldı. Bötenläy ücät – avızga-avız kaplanıp, suırıplar torıp irengä yabıştı. Çakırılmagan kunaklar arkasında böten äpitite erep akkan häm bezneñ kılanmışlarnı karap torgan Rumiyä yözen çıtıp: “Äy, bozıklar, nişlisez sez?” dip kıçkırıp cibärde.

Ul da bulmadı, tagın ber kız bülmägä işektän genä başın tıktı da: “İsänmesez!” digän tıynak sälame belän nişlärgä belmiçä basıp kaldı.

- Äydä, Läysän, uz inde! Närsä terälep kaldıñ? – dip, anı zur bülmägä etep diyärlek kertte Göländäm. – Tanışa tor, ä min östälne karıym äle.

- Min siña bulışam, - dip, Rumiyä anıñ artınnan iyärde.

Rişat belän min öç çit kıznıñ küñelen kürergä tiyeş bulıp kaldık. Öçençese bigeräk yäş kürende. Ul başta minem karşıga kilep basıp kulın suzdı da:

- Läysän, - dide.

Tegelär Rişat belän tanış tügel idelär äle - öçesenä dä anı täqdim ittem.

- Nişlibez, televizor karap utırabızmı, - dip soraunı sırtı belän kiterep kuydı Miläüşä Kamilovna.

- Sin närsä, - dip karşı töşte Käüsäriyä Gosmanovna. Rişat östendäge külmäkneñ kaptırılmagan sädäflären umırıp tottı da dävam itte: - Ällä bolarnı şul ärcädäge tuzga yazmagan yañalıklar tıñlap utırgan diseñme?! Busı yartılaş çişengän, ä hatını, sizdeñme, lifçiksız da trusıysız da ide.

Ya-ke-le-me-ne, niçek belgän digen?! Hatın-kız cen-pärilär tokımınnandır şul ul!

Miläüşä Kamilovnanıñ da televizor karap utırırga isäbe yuk ide anısı, ul bit näq menä “şunnan başka şögılegez yukmıni soñ” digän mäğnä belän soradı.

- Äydägez, - didem min, parad belän citäkçelek itüne üz kulıma alıp, - başlap cibärer öçen berär zalp yasıyk.

Beräü dä karşı kilmäde – tost urınına “hop!” kına diyeştek. Ryumkalarnı kütärdek. Kaplap kuydık. Döres, bez bolay da şaktıy iserek. Niçek tä bulsa bu çit hatınnarga, östävenä yäş çit hatınnarga, maylı küzlär belän genä tügel, ä tännärebezneñ başka öleşläre belän yabışırga, terälergä, orınırga çama ezli başlagan idek inde. Şuña kürä Rişat ta säyäsi ziräklek ürnäge kürsätep aldı.

- Kızlar, - dide ul, şeşäne yugarı kütärep, - eçke eşlär ministrlıgı çıgargan yaña prikaz nigezendä sezgä ştrafnoy tiyeş!

Berse dä karşı kilmäde. İkençe zalpka bezne dä kuşılırga kıstaşa-kıstaşa, tagın kütärep kuydılar. Şuña iğtibar ittem, hätta yap-yäş Läysän dä ostazlarınnan kalışmadı.

Aşamıyça rättän ikeşär ryumka çip-çista arakı eçkän hatın-kız nişli? İserä! Kisken kabına ul. Ällä niçä tapkır küzätkänem bar: vakıtnı suzıp, aşıy-aşıy eçkän hatın-kız äkeren iserä, läkin tirän iserä, andıy çakta anı şturm belän alırga yaramıy, ä kolak mayın kızdırırga kiräk, söylärgä dä söylärgä, kıskası, üzen küklärgä mengezergä; ä menä kıska gına vakıt eçendä ike-öç uymak yotkan hatın-kız tiz iserä, añı çıtıklana anıñ, eçendäge tege bozık şaytannarı temperament öçen cavaplı küzänäklärne aktivlaştıra häm hatın-kız üzen maturlarnıñ maturı itep toya başlıy, aña böten ir-at anı gına küzätä, anıñ gına avızına karap tora sıman bulıp kürenä. Änä bit Miläüşä Kamilovna nişli, ya-ke-le-me-ne?! Rişatnı koçıp ta aldı, sikerep-sikerep biyergä dä totındılar. Öç hatın-kız, ike ir-at – tansavayt itep bulmıy. Şuña kürä bez dä kuşıldık bolarga. Käüsäriyä Gosmanovna belän Läysän urtasına çıgıp, kütemne äle berseneñ kütenä, äle ikençesenekenä ışkıy-ışkıy biyedem. Kabındılar. Öçese dä kıp-kıska itäkle külmäktän bit, şul itäklären kütärä-kütärä, botların küt töbenä qadär kürsätä-kürsätä äyländelär. Miläüşä Kamilovna bötenesen uzdıra – kayçak hätta trusıyına hätle kürenep-kürenep kitä. Kızgannan kıza barıp, tämam kızdılar. Tirläp çıktık. Bolarnı häzer eçertergä dä eçertergä, uynatırga da uynatırga, söyärgä dä söyärgä bula ide.

Minem fikerlärne raslaganday, Käüsäriyä Gosmanovna, mışnıy-mışnıy, telgä kilde:

- Ofitser, dama vıpit celayut!

Rus tele häm ädäbiyätı ukıta şul, Tolstoyınıñ ya-ke-le-menesenä tökerim, ällä nindi tsitatalar belä!

Kay arada yanıbızga kilep kısılgan häm üzemä dä sizdermiçä miña yabışkan digen bu Rumiyäne – Miläüşä Kamilovna belän übeşä-übeşä tansavayt itügä küçkän irennän küzen almıyça gına aña cavap kaytardı:

- Bez prablim! Sal, Rähimçik, tege azgınnar tik yalaşıp torsınnar şunda!

“Tege azgınnar”, bilgele, yalaşıp kalmadılar kaluın, agitatsiyäne işettelär. CD-uynatkıçtagı İshak hannıñ avızın tomaladık. Kem niçek buldıra şulay kılanışa-kılanışa, keçe bülmä yagına borıldık. Läysän belän bez iñ artka kaldık. Minem ber kul, älbättä, Läysänneñ bilen bogaulagan bit inde. Döresen genä äytkändä, ul daimi räveştä bildän aska tabarak şuıp töşä dä, küt almaların sıypaştıra-sıypaştıra, yubkanıñ askı kırıyın eläkterergä çamalıy. Nihayät, telägenä ireşte, urta barmak yubkanıñ çiten kütärde. Kul çeltärle çüpräkkä tiyep kitte. Bu string tügel! Bu şoma yıfäk trusiknıñ çäçäkle çeltäre. Läysän, başkalarga kuşılıp kölä üze, ä üze tege yaktagı kulın artka borıp suzıldı da minem kulnı yomşak kına eläkterep aldı. Tik kategoriçno tügel! Şuña kürä unike sekund eçendä barıber anıñ şärä küten kapşap kaldım.

Östäl yanında şaktıy ozak utırıldı: tokmaç aşı, annarı bäleş, arakı belän aralaştırıp, aşkazanga señderelde. Aş tabınında bez yuk-bar oyatsız anekdotlar söyläşmibez, bilgele. Andıy bozıklar tügel bit! Kısışıp yäki übeşep, östäl astına tıgılıp ber-berebezneñ tezlären, botların sıypau da yuk andıy vakıtta. Küñel açabız. Yal itäbez. Köç cıyabız. Başlarda erotik pafos taşıp tora. Şunıñ östenä tmaknıñ tuklıgı, dönyanıñ tulılıgı, kızlarnıñ maturlıgı, küñelneñ körlege turında uylar kilep tora. Soñ, karşıñda üz hatınıñnan tış tagın dürt yäş hatın-kız, küzläre belän sine aşarday bulıp, isereşep utırsın äle! Rähät ul! Vallahi, bişese belän dä bergä yurgan astına kerep çumır idem. Şunda, übeşä-übeşä, beräm-beräm çişenderer idem. Annarı rähätlänep böteneseneñ imilären kısır idem. Çıynata-çıynata kütlären çemeter idem. Bürtep-kabarıp, maylanıp çıgarırlık itep censi irennären sıypar idem. Annarı mine nişlätergä ikänen üzläre beler ide äle.

- Ofitser, dama tantsevat celayut! – dip, Käüsäriyä Gosmanovna üzeneñ berençe tormışında Nataşa Rostova buluın iskä töşerde.

Rişat dustım üz teläge belän Per Bezuhov rolen cilkäsenä saldı:

- Pozvolte, madam, - dide ul, torıp basıp. Kavaler, ya-ke-le-me-nesen satıym!

Bolar ikäü zur bülmägä yünäldelär. “Äydägez, beraz selkenep alıyk” diyeşä-diyeşä, Miläüşä Kamilovna belän Göländäm dä alarga iyärde.

- Balkonga çıgıp keräm äle, - didem min. – Ber taym tartkan yuk.

Nindi şaytannarı kotırtkandır – Rumiyä belän Läysän dä balkonga çıgıp kerü teläge belderdelär. Yänäse, beraz saf hava sulıylar. Kayan kilsen bezneñ balkonga saf hava?! Anda “Näfis”tän añkıp torgan bik ük näfis bulmagan sası is kenä! Monıñ şulay ikänlegen belä torıp, miña iyärdelär.

Çıktık. Zatlı tämäke paçkasın çıgardım kesädän. Bersen alıp avızga tıgırga ölgermädem – Läysän şul paçkaga ürelde dä: “İptäş general, röhsätme?” – dide. Ya-ke-le-me-nesen tartıym, niçek “yuk!” diseñ inde?!

- Leyka, miña da berne eläkter äle!

Ayaktan yıgıla yazdım. Kütemä utıram dip toram. Bu süzlärne Rumiyä äytte tügelme soñ?!

Min añıma kilgänçe, Läysän ike sigaretnı şoma gına itep suırıp çıgardı da, bersen Rumiyägä suzdı. Ayaktan yıgıtırlık, kütkä utırtırlık ike operativ fakt açıldı miña: berençese – bolar ber-bersen bik yahşı belälär; ikençese – bolar ikese dä tämäke tartalar.

Sizdermäskä tırışsam da, añladılar bugay – törtterep aldılar:

- Närsä, Rähim abıy, ulika taptıñmı ällä? Bezneñ doselarga östärgä onıtma!

Üpkälämädem. Hatın-kıznı söyläşterä beläm anısı. Yıgılıp tägärärlek kölderdem. Beraz töten suırıp alalar da kölälär, suırıp alalar da kölälär. Şundıy caylı momentta bolay buşka köleşep toru bik zur cinayät bit inde ul, minemçä. Geroylanıp, ücätlänep, atakaga ırgıldım:

- Nik haman tämäke suırasız, bütän närsä yukmı ällä suırırga, - didem.

Reaktsiyäneñ şulay kisken buluın üzem dä kötmägän idem – parlaşıp cavap kaytardılar:

- Kakiye voprosı, general!

- Nikakih problem!

Tämäke töpçekläre sulı kalay savıtka çumdı. Läysän muyınımnan koçıp aldı. Avızga yabıştı. Suırıp übergä totındı. Min karşı kilmädem – telem belän avızına kerep çumdım. Ul arada Rumiyä ber kulı belän mine koçaklap aldı. İkençe kulı çalbar aşa Oyatsız Äğzamımnı kapşap ezläp taptı. Ul uyana başlagan ide inde. Bötenläy därtlänep kitte. Üzem Läysän belän übeşäm, üzem uylanam: nişlär ikän bu Rumçik? Suırırmı, yukmı? Ber kulım Läysänneñ imilären mäş kiterä, ikençese, yubkasın kütärep, trusik astına kerep kitte. Şul çak küzem kuhnyaga töşte. Bezneñ tege oyatsız nahal mäçe bötenläy azgan - östälgä sikerep mende dä tälinkädän tälinkägä isnänep yörep kitte. Kıçkırası ide dä bit “Gölänçik, mäçeñne kara!” dip. Niçek kıçkırasıñ? Avız buş tügel. Kullar buş tügel. Rumiyä bötenläy kızdı – şirinkanıñ molniyäsen töşerde dä, tıgılıp, Oyatsız Äğzamnı österäp çıgardı. Menä sizdem, cılı avızga kerep eläkte minem “malay”. Nu, nişliseñ inde?! Oyalsañ da tüzäseñ. Hodayım, min äytäm, hatın gına kilep çıkmasın! Biyesennär genä ide tagın ber yartı säğat! Kıçkırmıym. Nahal mäçe dip kenä şundıy mäslihättän keşe baş tarta dime?!

Minem şiklänüem beraz Läysängä sizelgän ikän, ul üzençä mine tınıçlandırdı:

- Borçılma, iptäş kapitan, alar üzläre dä öçäüläşep Rişatnı kısalar häzer anda.

Ya-ke-le-me-nesen kısıym! Änä niçek ikän bit!

Läysängä dä bolay übeşep toru gına az sizelde küräseñ, ul tezlände dä Rumiyägä kuşıldı. İkäüläşep suırırga, yalarga kereştelär. Küräm: mäçe kaymakka yabıştı. Başka vakıtta mondıy ärsezlege öçen sugıp töşerer idem. Ä häzer andıy küreneş miña kölke toyıldı. Minem öçen häzer, kuhnyadan töşep torgan ut yaktısında aldıma tezlänep, avızları yärdämendä seks belän şögıllänüçe Rumiyä belän Läysänneñ selkenep torgan başları gına bar. Alar ara-tirä ıñgıraşalar. Çalbar aşa bulsa da minem kütne kısalar. Min alarnıñ başların sıypıym. Seksual häräkätlär yasap talpınam, tiränräk tıgırga tırışam imeş. Rähätemä çıdaşa almıyça pışıldıym:

- Şäp! Menä şulay, kızlar, menä şulay! Nıgrak suırıgız şul malaynı, tämläp suırıgız! Kükäylärennän dä avız itegez!

Menä Rumiyä tezlängän kileş kenä artı belän borıldı. Tuñkaydı. Ber kulı belän ürelep külmäk itägen arkasına kütärde. Botları ayırıldı. Anıñ bılkıldap torgan tüp-tügäräk küte arasınnan çulpankayı kürende. Çip-çista itep kırılgan, ya-ke-le-menesen sıtıym! Şäp-şärä yaltırıy. Oyatsız Äğzamnı çakırıp tora. Avızın açıp. Bu küreneşkä çıdait nelzya! “Ho-ho-ho!” dip ihahaylıy-ihahaylıy, çalbar kayışın ıçkındıra başladım. Şaytan, hatın gına ezläp kilmäsä yarar ide! Bolarnıñ ikesenä dä berärne menep töşärgä ölgeräse ide!

Niklär genä şaytannı iskä töşerdem ikän?! İnde Rumiyäneñ tuñkayıp torgan şärä kütenä yılışıp tezländem, çalbarnı, annarı trusiknı tezgä hätle töşerdem, Äğzamnı çıcıldatıp çulpanına tıgıp cibärergä dip ike kullap şul kütne ike yakka ayırdım häm...

İşek zvonogı çarıldap akırıp cibärde. Ya-ke-le-menesen totıp kıynım! Cinayät kılıp yatkanda totılgan şpana kebek, kurkışıp, ber-berebezgä karaştık. Läysän minem çalbarnı töymälärgä bulıştı. Rumiyä çäçlären tözätkälägän bulıp aldı. Annarı tup-turı küzemä karadı da:

- Pogonnarıñnı salma! Buldırırbız äle, - dide.

Yanäse, cayın çıgarırbız.

Öydäge iñ izge ğailä patriotı däräcäsendä başnı yugarı kütärep, kittem işek açırga. Zur bülmägä küz töşte. Bez tiz cıyınganbız ikän, ä bolar äle haman añnarına kilep betmägännär. Kabalanalar. Kızlar izülären töymäli, Rişat – çalbar şirinkasın.

- Buldımı soñ, - dip kıçkırdım uzıp barışlıy.

Söyläşerlekläre yuk ide bugay – cavap işetmädem. Üreldem dä, işekneñ törmädän urlangan olı yozakların borgalıy-borgalıy, tişegenä küz saldım. Bädbähet! Tönge unike tulıp uzgaç kem yörer? Şul Räşidä inde! Anıñ gına oyatı bratında! Yortlar idaräsendä eşli. Alar oyatnıñ nindi töstä bulganın küptän onıtkanar.

Şatır-şotır borgalıy-borgalıy, Gölänçigemä kıçkıram:

- Karşı al yaratkan kürşeñne!

Räşidäneñ yöze kızıl, käyefe kızmaça. Dimäk, salgan. Älegäçä bezgä kermiçä niçek tüzgän digen?!

- Nanım, tugan köneñ belän kotlamasam, burıçlı bulıp kalırmındip kurkıp kerdem, - dip başladı ul süzen.

- Nindi tugan kön inde ul, - dip yarımşayartıp kaprizlandı Göländäm. – Säğatne kara!

Çınlap ta, bügen tugan yaña kön ber dä Göländämneñ tugan köne tügel bit!

Räşidä kerügä bäsläre sargan pedagog kızlar tabınga uzıp tormadılar – därräü kiyenergä totındılar. Alar işek töbendä ıgı-zıgı kilgän arada rişat belän Rumiyä dä yokı bülmäsenä kerep üz kiyemnärenä törenep çıktılar.

Kittelär. Minem därt sürelde. “Uçastkovıy mayorım” sälperäyep töşep bette. Fi, bu äzmäver hatın yanıñda bulganda erotika ällä kaya kaça ul! Anıñ belän söyläşkändä seks turındagı uylar ıştan töbenä kerep kaça. Ni häl itäseñ? Ber ni häl itep bulmıy, utırabız inde häzer ber-ike säğat, monıñ gaybätlären tıñlap. Tugan kön tämam. Bayagı tamaşalar tämle töş bulıp kına kaldı inde. Belmim, Rumiyäne tagın niçeklär turı kiterermen ikän dä, kayçan, kayda basırmın ikän soñ inde? Bu kızlarnı üzemneñ tugan köngä dä çakırsam, Läysänne caylap bulırmı ikän?