Tuyda Söyäk Biyetü

Hikäyä

Hösnullanı çibär hatını belän bergä zatlı tuyga çakırgannar. Kazan şähäreneñ miçle-morcalı zamannarı ikän. Tuyga da halıknıñ at cikterep, minlek märtäbäse kuıkların kabartıp kilüläre — ğadätendä. «Dvorlarga» qadär yuıp, tazartılıp kuyılgan. Hösnullalar öç kön tuyda bulası, kime — yaramıy, oyat belergä kiräk, koda keşelärgä kileşmi!

Bäyrämneñ berençe çärkäsennän ük tatlı süz söyläşü yolanı totu däräcäsendä yörtelä. Ul maktau häm mataşuda çik digäne yuk. Cırı da, bi̇yüe dä — tamak kibüne arttıra, çärkä yanına tustaganı belän dä sıya, digändäy, Hösnulla berençe könne ük ayakları sataşuın toyıp, adäm kölkese buludan kotılu isäbendä yokı urını ezläp taba da — şunda çuma. Erep tä kitä. Çamalaganı buyınça, bu urın miç aralıgında ikän. Monısın gına Hösnulla yahşı häterläp ölgergän. Salkın cirdä tügel. Annarı, aulak urın da bit, anısın-monısın tıñlaştırgalap ta yatarga bula!

Tön yokısı yöräge sak keşegä bik ozın bit ul. Hösnulla, ike-öç tapkırlar uyanıp, yanına kilep yatkan hatının da kuandırıp übep-koçıp, digändäy, irkä uçlarında mayday eretä.

İrtänge yakta uyanıp kitkänendä, miç aralıgındagı yatakta üze genä cäyelep yoklavına beraz säyersenä, östäl yanında söyläşep utıruçılarga kolak sala. Anda ber hatın:

— Äbi, tege koda abıy digännäre söyäkläreñne vatmadımı?— dip sorıy.

— Yuk, kızım, yuk, ber dä vatmadı, cılı da buldı, yomşaktan alıp, yomşakka gına kuydı,— dip cavap birä. Şunda uk Hösnulla kemne töne buyı irkäläp çıkkanın añlap ala häm, kıyafäte nindiräk ikän dip, äbine çamalar öçen çarşau artınnan gına, aralıkta torıp küz sala.

Baksa, üze bökre, üze kara yözle, kıyık avızlı, kalcaygan başmak kebek ällä nindi äkämät borınlı äbine kürep, küñele ukşıy başlıy. Ak yözle, kara bödräle çäçle, ut küzle, batır bädänle Hösnulla elgäre ni citte kızlarga da çirkanıp kına karauçan bula. Ä monda...

İmeş, başın da tözätep tormıyça, hatının da taşlap kaldırıp, digändäy, Hösnulla tuydan çıgıp kaçkan dip söylilär. Bezneñ belüebez buyınça, ber çärkä dä totmas däräcädä ant itkän, tuylarga yörmi, di. Haktır, söyäkne dä biyetä şul ul. Änä bit, bökre äbi dä tuyda bulgan.

01.04.07.