Takmaklar - Sabirov Ravil

TAKMAKLAR
(çastuşki)

1
Tizdän bezgä köz dä kiler,
Ä min utıram kiçen bügen eger-möger,
Kem tırışa, dönya hälen añlap beler,
Ä añlagaç, hıyallınnan utırıp köler...

2
Sin bäläkäç, ä min – olı...
Sin üzeñä üzeñ huca,
Ä min olı – tormış kolı,
Häm tormışım – häsrät-nuca...

3
Et tä yuk, mäçe dä yuk...
Berüzem karap utıram,
Kino bara, tamagım tuk,
Şulay yulnı yoklap baram...

4
Kön bolıtlı, min kulçatır alıp
Ällä kaya kittem uram buylap.
Belmim, kayadır, ämma yırak barıp
Bulmas bügen, kaytıym tübän karap...

5
Dönya törle: kemgä – bähet,
Kemgä – lähet, kemgä – cäza,
Bu dönyanıñ maturlıgı – şul törlelek,
Törlelektä yäşi çın moğciza...

6
Uyan, mucik, uyan, ih, qaderlem –
Eşçän, çista, karday sin ak bul...
Tik sin tizräk kenä aynı, bägırem,
Aç küzeñne! Kara: dönya bu!

7
Balaçakka kaytıp kitär idem,
Olılıknıñ cimerep keläten.
Häzer genä şunı añlap cittem,
Balaçakta bulgan cännätem...

8
Nigä keşe kinät olaya ikän?
Ä olayıp şunnan oyala...
Färeştädän çıga küzle bükän,
Häm annarı belmi: yulı kaya?

9
Ä annarı keşe kartaya –
Akıl artmıy anıñ – şundıy hikmät,
Dönya gına aña karaya,
Şunnan ber yul kala: lähet kinät...

10
Tiz tuabız, tiz kiläbez,
Üzebezne belderäbez
Balaçak ta tiz kitä,
Aşap-yoklap ölgeräbez:
Gomer şunnan gölt ütä!

11
Öyränmägännärem äle bik küp,
Minem gomerem aña citmi –
Dönya, nık töşensäñ, şır çüp,
Häm ul cibärmiçä tota,
Üze dä ber kitmi...

12
Kükkä kara da batır bul:
Bernärsädän kurıkmıyça,
Sineñ gäüdä bar, sindä kul:
Sin kiläçäkkä burıçta!..

13
Kaya gına dönya alıp barsa,
Tormış tınıçrak bulmıy, ul gel görli:
Ä insanda beraz akıl bulsa,
İşek bulıp täräzädän yörmi...

14
Bezneñ akıl bik küp, kayçak artık,
Häm här mizgel anı satıp yöribez lä,
Tormışıbız – simez dinsez sarık:
Eşlämibez berni, beläbez genä...

15
Başımnı yantaytıp min äkren genä
Siña närsäder däşäm.
Dönyadagı möhimlek – ul töten genä,
Köräşäm...
Yantayam, sugışam, basarga tırışam,
Möhitem minnän kılana,
Eçtän gomer çıga minem här sulışta:
Närsäder sagınam...

16
Karıym: ä möhitem minem – vatık közge,
Hıyal oça minnän yırakka.
Gomerebez ul ber genä mizgel,
Sınık adım, yalgış dakika.

17
Mäñgelektä yörüebez – bezneñ yuldır,
Kayvakıt adaşıbız bez anda.
İsän çakta sin üzeñä häykäl kuydır –
Kübräk tıñla söyläveñnän karaganda...

18
Yaşägännär, di, Tölke belän Bolan
Nık duslıkta, di, sıman ike tugan,
Ä läkin duslıkta daimi şundıy hikmät:
Kemgä rähät ul, ä kemgä kelät...
Tölke: “Minem yäşäven avırrak,
Miña bit it kiräk, totıp kara kuyan!”
Ä närsä ul Bolan, ülän aşap torak,
Ul bit yırtkıç tügel, ul bit şundıy hayvan.
Äkiyätneñ ahırın beläsez, ukuçı,
Ertkıç Tölke öçen äzer inde kapkan,
Ä tik ülän aşap kurkak bulıp toruçı
İsän kalgan. Ozın gomer itkän tupas Bolan...
Uylama lä!
Änä nindi güzäl göllär!
Änä niçek matur itep üsä şalkan!
Häm ukıma kiräkmägän hikäyälär:
Anda mäğnäsezlek küle,
Anda häter batkan...

19
Bügen munça, muyınıma min munçala eldem,
Yuınam, kaplıym östemä lägän...
İh, dönyanıñ şul kırıyın tapsam ide:
Anı şulçak totıp äyländeräm!

20
Çalbar tişek, çalbarımnı yamıym...
Külmäk tişek, min anısın tegäm,
Häm kürşemä tekälänep karıym:
Ul kürgänne et tä kürmägän...

21
Sin televizordan ällä nilär kürsäñ,
Barısına da turıdan ışanma;
Çınbarlıkta törle yäşär hislär,
Tiz-tiz yörsäñ, aşıgıp abınma...

Çınbarlıkta tizräk yäşi başla,
Hıyal dönyalarnı çäynäp taşla...

22
Bu könnärdä tormış ällä nilär çıgarıp birde,
Borgalandı, ışkılıp çualdı,
Bu gomerneñ söyäklären bez ozak kimerdek –
Bügen oçmak ğaläm tuktadı...

Äy, äylänep kara tirä-yakka,
Galäm sıman oçma yırakka...

23
Bezdä yazın köçle taşular
Baş İdelgä taba yünälep
Görli-görli aga başlıylar,
Ä min yäşim ber cirgä bäylänep...

24
Tormışka küp yavız karşılıgım,
Ämma çitkä kaldırırga alar barın –
Berdän Kızıl Bayrak – minem avılım,
Sineñ belän böten yazmışlarım...

25
Tormış şaktıy gına mine taptadı,
Gomer izde, şunnan añladım:
Yazmış tatar itep mine sapladı:
Häm berkayçan
Tatar buluımnan oyalmadım...

Click or select a word or words to search the definition