Soldatlar cırı

Kulda mıltık ta pulemet, alda matur al flag;
Kurkıtabız aldagı şaytan halıknı kan sorap.

Cırlıybız yarlı halıknıñ baydan östen çıkkanın,
Baynı yaklauçı yılannarnıñ häzer tonçıkkanın.

Kıçkırabız: tiz citte, dip, yarlınıñ zur bäyräme,
Belderäbez kulga algannı häzer bar dönyanı.

Bez arıslan, bez kaharman, bez — fäqıyrneñ küz yäşe.
Bez — böten cirdä izelgän eşçelärneñ yul başı.

Bez kurıkmıybız ülemnän, bezgä ul berni tügel,
Bezgä karşı kul kütärü, uyla, ul uyın tügel.

Bez ciñärbez, köl itärbez aldagı doşman köçen,
Kan koyarbız, can birerbez şul mökatdäs eş öçen.

Kürsäterbez dönyada tizdän gadälät közgesen,
Yuk itärbez eşçene baskan kahärneñ köllesen.

Bez menä şul eşkä başlauga häzer ber yıl tula,
Ah, yavızga kurkınıç, bezgä koyaşlı kön tua.

Äydä, iptäşlär, tagın da şul mökatdäs kön öçen,
Alga atlap cilketik doşman köçen bolgar öçen.

Yarlılarnıñ bar ömetläre terälgän köçle bez,
Äydä, bäyrämgä alarga zur büläklär kiteräbez.

Bez kaharmanga büläkläü hiç kileşmi az belän,
Yarlını şatlandıru bezgä tiyeşle can belän.

Ul menä şul karşıda torgan hainnar tezmäsen
Yargalau, beterü, kıru eşkä köysezläp yörmäsen.

Bez monı eşli alabız, bez — kaharman törkeme,
Kotlıybız şul eş belän bu yarlınıñ bäyräm köne.

Click or select a word or words to search the definition