Şiğırlär - Räşit Ähmätcanov

Akçarlaklar

Korab kitte yıraklarga, zur yullarga,
Karıym küzdän yugalgançı şul yaklarga.
Sez kitmägez, akçarlaklar, akçarlaklar,
Çit cirlärdä kayırıla par kanatlar.

Mähäbbätne ala almıy ber upkın da,
Hıyanätne kütäralmıy ber dulkın da.
Sau bulıgız, akçarlaklar, akçarlaklar,
Kavışunı väğdä itä par kanatlar.

Söygän yarım kitep bardı kulın bolgap,
Kaytır mikän tagın miña yullar urap?
Sau bulıgız, akçarlaklar, akçarlaklar,
Mähäbbätkä kiräk ikän par kanatlar.

Sandugaç kerde küñelgä

Mähäbbät mähäbbät inde,
Kaylarga kuyıym anı?
Avırmıni sagınırga
Özelep söygän yarnı?

Tallarga kaçtı sandugaç—
Min anı ezlimmeni?
Sandugaç kerde küñelgä—
Cırlamıy tüzimmeni?!

Sineñ külmägeñ alsu dip,
Kızarıp torıymmıni?
Yaratam diyep äytergä
Röhsätlär sorıymmıni?

Tallarga kaçtı sandugaç—
Min anı ezlimmeni?
Sandugaç kerde küñelgä—
Cırlamıy tüzimmeni?!

Sandugaçlarnı işetmi
Yörimme karurmanda?
Tamçılar kürmimmeni soñ
Şaulap yañgır yauganda?

Tallarga kaçtı sandugaç—
Min anı ezlimmeni?
Sandugaç kerde küñelgä—
Cırlamıy tüzimmeni?!

Ucımnar

Läysan yañgır... Yazgı yañgır yava,
Tamçılarda balkıy al nurlar.
Ofıklardan aga ofıklarga
Ucımnarım — yäşel dulkınnar,

Äy, häftä ucımnar!
Äy, därya ucımnar!
Kagınıp sayrar turgaylarga
Moñım bulsın, bu cırlar.

Kar suların İdellärgä koydı
Kırlar buylap akkan çişmälär.
Zäñgär taular aşa ilkäyemä
Turgaylarım kaytıp kilälär.

Äy, häftä ucımnar!
Äy, därya ucımnar!
Kagınıp sayrar turgaylarga
Moñım bulsın, bu cırlar.

Hezmätemne koyaş itim sezgä,
Yäşlegemneñ yäme — ucımnar.
Bu ızannar buylap miña karşı
Yögerep kilä sıman söygän yar.

Äy, häftä ucımnar!
Äy, därya ucımnar!
Kagınıp sayrar turgaylarga
Moñım bulsın, bu cırlar.

Click or select a word or words to search the definition