Şiğırlär - Kol Şärif

Başıñ kütär gaflätdin, gafil torma, hu tigel,
Küzeñ açkıl uykudin, gafil torma, hu tigel.
Hu-hu tiyü hu koşı, akar küzendin yäşe,
Köyep eçe häm tışı, gafil torma, hu tigel.
Ğaşıyqları oçarlar, garşe şahiga kunarlar,
hu dip didar kularlar, gafil torma, hu tigel.
Yite äqlim gizärlär, andin kükkä agarlar,
Ber kadämdä nitärlär, gafil torma, hu tigel.
Hu bährigä çumarlar, gauvas bulıp batarlar,
Hu dörrlärin tirärlär, gafil yörmä, hu tigel.
Därgyah kapug oçıkdır, rähmätläri anukdır,
Küzeñ açıp bakıp tor, gafil yörmä, hu tigel.
İ Kol Şärif, tınmagıl, tönlär yatıp oymagıl,
Hak zekreni kuymagıl, gafil yörmä, hu tigel.

Başıñ kütär vayımsızlıktan, belmi torma,
«Allahu» digen,
Küzeñ aç sin yokıdan, belmi torma, «Allahu» digen.
«Hu-hu» diyär hu koşı, agar küzennän yäşe,
Köyep eçe häm tışı, belmi torma, «Allahu» digen.
Ğaşıyq bulgannar oçarlar, garşe şahiga kunarlar,
«Allahu» dip oçraşu kötärlär, belmi torma,
«Allahu» digen.
Cide materik gizärlär, annan kükkä aşarlar,
Ber atlauda citärlär, belmi torma, «Allahu» digen.
«Allahu» diñgezenä çumarlar, su astı
yözüçese bulıp batarlar,
«Allahu» encelären çüplärlär, belmi torma,
«Allahu» digen.
Ocmah işege açıktır, rähmätläre bilgeleder,
Küzeñ açıp karap tor, belmi yörmä, «Allahu» digen.
İ Kol Şärif, tınma sin, tönnären yatıp yoklama,
Allahka ziker äytüne taşlama, belmi yörmä,
«Allahu» digen.

Hu koşı — Allahka birelgän keşe.
Garşe şahi — dini täğlimat buyınça, kükneñ iñ yugarı katlavında (tugızınçı katında)
urnaşkan Allah täheten totıp toruçı agaç botagı.

* * *

İ küñel, bil baglama, küpne kiçurgän dönyadır,
Bu ülüm şirbätin halıkga içurgän dönyadır.
Sän sagınma dönyada män bakıy kalgaytän tiyü,
Küp yanar vakıtta çiraglarnı. oçurgan dönyadır.
Ugılnı atadin ayurub, kıznı apadin täkıy,
Yıglatıb ber-ber işekdä, zari kıylgan dönyadır.
Äüvdleni kemsä bilmäs, ahırıni häm täkıy,
Äüväle hiç, ahırı hiç, ber köhnäi dönyadır.
Kol Şärif, atañ-anañ sändin borıngılar kani,
Barçani kuynıga (alıp), aşna kıylgan dönyadır.

İ küñel, bileñne buma (dönya dip), küpne kiçergän
dönya bu,
Bu ülem şirbäten halıkka eçergän dönya bu.
Sin uylama, dönyada min mäñgegä kalırmın dip,—
Küp yanar vakıtta utlar oçırgan dönya bu.
Ugılnı atadan ayırıp, kıznı da anadan şulay uk,
Elatıp ber-ber işektä, zar ittergän dönya bu,
Äüvälen berkem belmäs, ahırın da şulay uk,
Äüväle yuk, ahırı yuk, ber sälämä dönya bu,
Kol Şärif, atañ-anañ sinnän nikadär borıngılar ide,-
Barçanı kuyınına (alıp), äşnä itkän dönya bu.