Şiğırlär - Gubaydulla Radudi

* * *

Üzeñne tanımak fikrendä bulsañ, yalgışasıñ, dust!
Küz üz almasını kürmi, belägen totmıydır şul uç.

Yanıñda bulsa yalmanuçı, aldauçı mödahinnär(1),
Sineñ ilä hakıykat arasında sädter (2) ul cennär.

Sineñ iñ dustlarıñ — noksannarıñnı äytüçelärder,
Vä iñ doşmannarıñ — maktap sine öyrätüçelärder.

Firasät ähle (3) — şuldır: ul äzerlär üzenä yullar
Vä şunnar ilä här gayıben belep noksanını yullar.

Çın ir — şul: üzenä söymi keşegä söymägän eşne,
Üzen onıtıp ta hiçber başkalar ilä dä bulışmıy.

Cäy

Törle saçkälär, änvağ göllär —
Sayrar östendä moñlı bılbıllar.

Ul... irtän isä saba cilläre,
Yaşel kelämtik bolın cirläre.

Yaşel zöbärcät kebi uysular,
Kük atlas kebi havalar, sular.

(1) Mödahin — yalagay, ikeyözle.
(2) Säd — kirtä.
(3) Firasät ehle — sizger, zihenle keşe.

Kızıl yakuttay tüşälgän ciläk,
Yöri hatın-kız berämläp cıynap.

Käkkük kıçkıra köndez urmanda,
Baka bakıldıy kiçen küllärdä.

Havanı bolıtlar yabıp ala,
Küklär kükräp, yağmurlar yava.

Törle cimeşlär peşä, örkelä,
Tälgäşlär, çuklar cilgä selkenä.

Altın şikelle ikende vaktıy,
İgendä altın tul kın yalkıltıy.

Kış


Gülägän urman, şaulagan urman
Anadan tugantik tıp-tım bulgan.

Nurlı koyaşnıñ nurları süngän,
Şaulaşıp akkan çişmälär tuñgan.

Adäm balası cılı kiyemdä,
Bala-çagası barı öyendä.

Böten cänleklär oyalarında,

Ul koşlar küptän däryaryagında(1).

Ozın tönnäre, küñelsez könnäre,
Bitne çemetä açı cilläre.

Şartlıy suıklar işegaldında...
Cemeldäp tora yoldızlar anda.

(1) Däryaryagında — därya aryagında.

Click or select a word or words to search the definition