Şiğırlär - Galiyä Mortazina

I Cırga ğaşıyq bulıp yäşim
Tugan avılım Söyendek

Söyenderä tönboyıklı
Zöyä, serle tugaylarıñ.
Basuında can şatlıgı —
Cırçı turgaylarıñ.
Yaratam çäçäkle bolınıñ.
Sandugaç sayravın tiräktä,
Yaratam cırlarga tañnarda
Eşkä därt uyatıp yöräktä.
Yaratam-yaratam
Can cılım, şifalı yazıñnı.
Yalkınlı yäşlekkä
Çın büläk—nazıñnı.

kuşımta:

Söyendegem, söyeneçem,
Yäşlek tañım.
Kuyınıñda böreländem,
Çäçäk attım.
Söyendegem, söyeneçem
Yäşlek bakçam, gölem.
Sin minem bähetem,
Sünmäs mähäbbätem.
Kiläçägen uylap

Söyendek babay
Üz avılın
Urnaştırgan tau başına.
Bırılıp akkan
Talgın yılgasın,
Çişmälären kuyıp karşına.
Çişmäsennän
Şifa-täm tapkan,
Elgasında yal itep yatkan.
Eylänädä gellär
Çäçäk atkan,
Tal-tiräktä bılbıl sayragan.
Dönya maturlıgın
Tanıp-belgän.
Güzällekne bik nık yaratkan.
Duslar belän
Urtak fiker tapkan.
Kiläçäkkä eşkä därt artkan.
Köräş näticäse -
Berdämlekne,
Duslık elemtäsen yañartkan.
Duslar belän hezmät
Ciñel bulgan.
Kaygıların ciñel taratkan.
Nıklı nigez:
Duslık, berdämlektä
Aldan kürüçänlek köräştä.
Bügen belän genä
Yaşämiçä
Kiläçägen uylıyk här eştä.
İl baylıgı öçen köräşkä!
Ğaşıyq min

Cırga ğaşıyq
Bulıp yäşim
Moñaysa da kayçak küñel

Cırlarımda
Sine küräm
Şuña hiç tä yalgız tügel.

Cirgä ğaşıyq
Bulıp yäşim,
İrkäli ul küñelemne.
Cirdä duslık —
İlahi köç,
Beläm yalgız tügelemne. Tabiğatkä
Ğaşıyq bulıp yäşim,
Göllärgä ürelä küñel,

Gölneñ çäçäkläre
Äytä miña:
Sin bit yalgız tügel.
Bezneñ avıl

Tarhan minem tugan avılım,
Äylänäse gel urman,
Çitkä kitsäm dä kaytırmın
Sagınırmın, küp tormam.
Kuşımta:

Şunda minem tugan öyem,
Üskän bala çaklarım.
Çäçäkkä kümelgän bakçam,
Güzäl almagaçlarım.

Çelter-çelter çişmälären
Taba agar yulların.
Saf küñelle eşçän yäşlär
Sineñ söygän ullarıñ.
Kuşımta:

Turgayım moñına kümelä
Kiñ kırlar, basularıñ.
Cırlarıma kuşıp basam
Yörägem yarsuların.

Kuşımta:

Şunda söydem matur yarlar
Yäşlegem töse itep.
Yuk, taba almam bähetemne
Avıldan çitkä kitep.
Äytär süzlärem bar

Tugan avılıñ
Buyların,
Basuların, kırların,
Tınga kalıp
Tıñlaçı ber
Bılbıllarnıñ cırların.

Şatlıgın da,
Moñnarın da
Cıyıp sal küñeleñä.
Bala çaknı
sagınasıñ
Menep küñeleñ kügenä.

Rähät, bay tormışta,
Yaşäp ahır çiktä.
Rähmät äyterme
kemder çittä?

Avılıñ bähete äçen
Köçen birsäñ,
Şiğri cır bulıp,
Mäñge kalırsıñ istä.

Ä sez yırakta
Sagındırıp,
Sagınıp yäşisez anda.
Kötäbez, kaytıgız
Avılga, olannar,
Kötäbez, kotäbez haman da!
Alama bit, özelsä dä,
Almagaçtan
Erak tägärämi, yugalmıy.
Gazizlärem, Tugan
Avılın taşlap.
Bähet ezläp çitkä yul almıy.
Sezneñ barmı bezneñ avılda bulganıgız?

Sezneñ barmı bezneñ avılda bulganıgız?
Barmı anıñ maturlıgın kürgänegez?
Yaşel bolını — şifalı.
Tugayı — sandugaçlı.
Zöyäse — tönboyıklı.
Kırları — uñdırışlı.
Halkı altın kullı.
Ballı telle, keşelekle.
Balalar äti-eniläre tösle —
Här eştä ölger, eşlekle.
Ölkännär hörmätle.
Kilegezçä, duslar, bezgä
Keşelär bik kunakçılı bezdä!
Kizläüdäge çişmä
Nigä Kizläü? Belmim.
Tik çişmäse
Mäñge agadır kük şul ezdän.
Tınıç kına
Moñga tulıp aga
Nider ömet itä ul bezdän.
Su östenä kalkıp
Küpme yıllar buyı
Ülän üskän kat-kat kizlänep.
Babaylarıbız bälki
Şuña da äle
Atagandır anı Kizläü dip.
Yal itkänder şunda
Çalkan yatıp,
Ni uyladı ikän şul çaknı.
Ulak buylap aga
Salkın çişmä
Kemnär batırdı ikän ulaknı?
Avır bulgan tormış
Tik şulay da
Güzällekne tanıy belgännär.
Kiräk bulgan cirdä
Köç kuyılgan
Yakşılıknı aldan kürgännär.
Kizläü sazlıgınnan
Çişmä aga.
Nigä moñlı ikän tavışı?
Zamanında
Kader-hörmät kürgän
İl kartlarındadır sagışı.
Çişmä tüzde.
Annan äytte özep:
Gomer buyı eşläp,
Agar yulım tuzdı,
Bura, ulak büläk itsägez,
Yarsıp agar idem,
Şatlık çäçep,
Saf suımnı kilep eçsägez!

Balaçak
Bik yırakta kaldılar şul
Balaçaklar.
Kayta almıym aña häzer
Berinçek tä.
Ätiyem cırın, äniyem moñın
Tıñlıy-tıñlıy.
Yoklar idem rähät kenä
Ber bişektä.
Ayagımda yükä başmak
Bulsın ide,
Tik änkäyem koçıp mine
Söysen ide.
Art ayakka baskan
“Akbaylı” kitapnı —
Älifoamnı ätiyem
Birsen ide.
Öyrän balam, küp bel
Disen ide.
Zur üsäseñ, bähetneñ dä
Üssen disen ide.
Diñgez dulkınnarın ciñep
Yözär idem.
Okeannar töbe seren
Uzlär idem.
Cırlıy-cırlıy ğaläm kiñlegendä
Gizär idem,
Veneraga menü yulın
Bizär idem.

II Min gel uncidedä

Oçar koştay

Atlap baram cirdän.
Cem-cem igep
Ap-ak kar
Tüşälgän yullarga.
Zäñgär kükneñ
Saf havasın
Tomırıp totam
Kebek kullarga.
Şifalı köç alam
Tabiğattän,
Koyaş nurın
Yotam aşkınıp
Oçar koştay
Karıym kiñleklärgä.
Kanatlarsız
Köçle talpınıp.
Yazlar yäme

Avır çaknıñ
Hörmätle dusların
Yuksınudan mikän yarsına.
Küñelem alanında cırçı koşlar
Utlı yıllar moñın köylilär.
Yaz çäçäkläreneñ
Serlelege
Duslar hatiräsen söylilär
Yäşlek yäme birep
Yazlar kilä,
Çäçäklänä tugay-kırları.
Küñellärgä
Oçar kanat kuya
Basularda turgay cırları.
Tiñsez güzällektän
Küñelem oça
Tik yöräkkäy nikter tarsına.
Yaña yılnı kötäm

Kübäläk karlar,
Ay, şayannarg
Kerfeklärgä kunalar.
Erilär dä
Tamçı bulıp
Küzläremä tulalar.
Üzem atlıym,
Kölä-kölö,
Ezlärem kala karda.
Şatlanışıp
Äylänämdä
Kölälär tösle bar da.
Yamle yaznı
Yakınaytkan
Yaña yılnı min kötäm.
Üzem tirän
Uyga çumıp,
El yomgakların sütäm.
Yaña karlarga manılıp,
Min haman atlıym alga.
Yahşı añlıym
Ömetlärneñ
İñ zurları äle alda.
Tınıç kına
Karlar yava
Cir ananı söyep,
Dönyalarga öläşep
Hörlek tañın
Yaña yıl kilä biyep.
Min gel unidedä

Cir açar da
Ak yurganın:
—-İsänmesez, duslarım, diyär kük.
İlahi Koyaş ta
Şulvakıt—
Elmayır, özleksez nurların koyar kük.
Börelär açarlar
Serle küzlären
Çäçäkkä kümeler zifa kuaklar,
Çır-çu kilerlär,
Şatlanıp sayrarlar
Kaytıp yıraktan hörmätle kunaklar
Küñelem oçına,
Aşkına, talpına—
Ђyterseñ kız bala yäş kenä.
Yuk, yuk,
Miña gel uncide!
Timägez—timä citmeş yäşemä!
Ällä...

Ällä siksän,
Ällä unäide yäş
Yäräk belmi, mesken, aşkına.

Yäşlär kebek
Serne birmi äaman
Kälä-kälä iyelä baş kına.

Ällä siksän,
Ällä unäide yäş
Sag ınıp cırlıym ätkännäremne.

Gel häterlim
Yalgız gomerem äçen
Küz yäşläre tükkännäremne.

Säyä almadım,
Säyelmädem,
Sugış garipläde äannarnı.

Täzälmäslek
Tirän yara yasap
Aguladı bezneä kannarnı.

Ällä siksän,
Ällä unäide yäş
Säyer yazmışıma äpkälim

Cırlıy-cırlıy,
Berni bulmaganday
Gomerem kiläplären sätkälim.
Soñlagan yäşlek

Sin yäş. dilär,
Işanıymmı moña?
Yäşlek kayttı mikän aşkınıp,
Adaşıp yorde mikän
Sahralarda,
Yalgız kanşat bulıp talpınıp.
Häterlämim,
Yäşlek buldı mikän
Iñgıraşulı avır yıllarda.
Yuktır,
Bulsa, häter beler ide
Yugaldı ul utlı yullarda.
Ruhım köçle, yäşmen şuñarga...
Üpkälämä

Min-min inde, min sin tügel.
Citä almıym siña talpınsa da
küñel.
Balalarıñ üste, ireñ bar yaklarga
Avırlıknı ciñep, bergäläp atlarga.
Min ber üzem:
Uñda da yuk, sulda da yuk keşem,
Avırı da, ciñele dä miña
barlık eşneñ.
Üpkälämim, yazmışım bu.
Çakırmadım, üze kilde.
Buysındım şul ul kahärgä
Karşı bulıp, nişlim inde?..
Uynagız, garmunnar!

Garmun telläre söyläcen
Bezneñ ütkän könnärne.
Söygän yarlar belän bergä
Kalgan aylı tönnärne.
İh! Kaytır idem yäşlegemä
Garmunda uynap kına,
Sagınam şul, yäşlek, sine
Tik kalam uylap kına.
Sızdır äle, yäşlök dustım.
Yöräklärgä därt birep,
Yäş vakıtnı sagındırıp,
Nik ütteñ ikän diyep.


III Yöräk cırları
Sälam aldım

Cillär aşa "sinnän"
Sälam aldım.
Yäşlegemä kildem uylanıp.
Gomer ütep bara,
Ђ sin miña
Küz kısasıñ serle yılmaep.
Kem ikän sin,
İsemeñ niçek sineñc
Nik soñ belmi isnän cillär dä?
Ak çäçemnän sıypap
Söyär ide:
—Galiyä, min bu, — disäñ cillägä.
Yazgı moñnar

Kayda soñ sin üzeñ,
İke küzem,
Nigä yuk soñ
Miña ber süzeñ?!
Yöräkkäyem özelä
Sine ezläp,
Kaytır yullarıñnı
Gel küzläp.
Karşıladım yalgız
Azmı yazlar!
Alıp bılbıllardan
Sazlı nazlar.
Kayda soñ sin üzeñ,
İke küzem,
Nigä yuk soñ
Miña ber süzeñ?!
Yazgı moñnar

Kayda soñ sin üzeñ,
İke küzem,
Nigä yuk soñ
Miña ber süzeñ?!
Yöräkkäyem özelä
Sine ezläp,
Kaytır yullarıñnı
Gel küzläp.
Karşıladım yalgız
Azmı yazlar!
Alıp bılbıllardan
Sazlı nazlar.
Kayda soñ sin üzeñ,
İke küzem,
Nigä yuk soñ
Miña ber süzeñ?!
Nigä yazım kilmi ikän?

Yaz gölläre
Çäçäk atkan
Alarnıñ yazı kilgän.
Minem yazım
Nigäder yuk,
Yulların tuzan kümgän.
Kötäm üzen.
Sagınıp kötäm,
Şulay da sabır itäm.
Çäçäklärne söyä-söyä
Uy buylap yırak kitäm.
Ni buldı soñ,
Yazım siña,
Cılı cilläreñ ismi?
Küzläremne
Bolıt basa,
Küñelemdä göllär üsmi.
Ayaz könnär
Şatlandırmıy,
Suık cil haman cilli.
Belsäm ikän,
Äytegezçe!
Nigä soñ yazım kilmi?
Kıñgırau çäçäge

Kıñgırau çäçäk,
Üpkälämä, zinhar,
Özäsem kilsä dä özmädem.
Gölçäçäkläredäy
Özelep kalgan
Yäşlek dustım diyep küzlädem.
Özä almadım
Kulım suzılsa da,
Kükelem tozak buldı üzeñä.
Kıñgırau çäçäk tügel,
Yäşlek dustım bulıp
Kürendeñ sin minem küzemä.
Urman alanında
Kıñgırau çäçäk
Ak takıya kiyep bizängän.
Urman eçe
Koşlar cırı belän,
Gölçäçäklär belän bizälgän.
Här tarafta
Saflık, sadäleklär.
Hozurlıklar dönyasın küzlim.
Şul dönyadan
Şiñmäs küñelem gölen
Kıñgırau çäçägemne min özlim...
Yöräk cırları

Kaytmadıñ, kitmiseñ yöräktän,
Cırımda irkälim üzeñne.
Kabatlıym irtän dä, kiçen dä
"Onıtma!" digän süzeñne.
Şäfägım batmançı onıtmam,
Küñelemä urnaştıñ gel genä.
Yäş bulıp yäşärgä därt birgän.
Yaratkan yoldızım sin genä.
Tormıştan zarlanmıym — gölbakça,
Kük yözen balkıtıp tañ ata.
Yözkäyem yuıla yäş belän
Bılbıllar sayraşa şul çakta.
Siren çäçäge

Siren çäçäklären
özä-özä,
Küñelemä beräm-beräm
tözä-tözä.
Uyım kitte
Erak yäşlegemä.
Siren çäçägen
ap-agın,
Yäşlekkä tiñ iñ safın
Sinnän algan idem
Elmayıp, däşmi genä...
Yaz sayın sirennär,
Huş islär taratıp,
Çäçäkkä kümelä.
Küñelem haman da
Ütkänne yañartıp,
Alarga ürelä...
Sirennär iyelä,
Ak taclar
Oçına, söyelä.
Aşkına yörägem
Gel izge
Hislärgä birelä.
Sagınam da sine —
Siren çäçäyemne
Kiläm biregä.
Bulmadı şul nasıyp

Küpkän inde,
oçraşkançı uk sineñ belän
Tanıp beldem:
Kük yöze dä zäñgär ikän.
Häzer menä bu dönyaga yoldızlarnıñ
Kirteklegeñ belmäm.
Tanıdım da, tatıdım da.
Tormış yämle ikän
Ägär gomer itsäñ
Söygän ñeşeñ belän.
Yazmışımnan
Kotılmadım kaçıp.
Keşelärçä yäşäü miña
Bulmadı şul nasıyp.
Yoldızım

İsläreme töşerep bılbıl sayrıy,
Ezlim çäçäklärdän üzeñne.
Ber genä kat tagın äyt, balakay,
“Nänam” digän altın süzeñne!
Nindi gorur yañgırıy ana süeye —
Bulır idem ana millionga.
Nişlär idem ikän dönyalarda
İreşer bulsam, ägär min moñ?!
Şatlık belän eşkä kitä idem,
Kayta idem sine sagınıp.
“Nänäm” kayttı diyep nazlıy ideñ,
Koçagıma kilep sarılıy.
Bödrä çäçläreñne yomşak cillär
Beräm-beräm söyep sanadı.
Tibränderep tupıl yafrakların
Sandugaçlar oçınıp sayradı.
Sin yuk inde, läkin sin — bar —
Yörägemne biläp algansıñ,
Eraktagı yakın yoldız bulıp
Küñelemä sukmak salgansıñ.
Sin özelep "nänäm" diyä ideñ
— Äü! — dip endäştem siña, kızım,
Uylarıma alıp, küzläreñnän übäm,
Balkıp torgan, sünmäs yoldızım?
Onıt dimägezçe

Äle salkın,
Äle cılı cillär
Çäçläremnän übep söyälär
Nigä gomereñ ütä
Yalgızlıkta,
Bähetsezem minem, diyälär.
Ayaz töndä äle yoldız,
Äle aynı kzli küzlärem
Erak alar, läkin
Yakın küräm,
Söylim barlık süzem,
serlärem.
Äytçi, äytçe miña,
Yaktı yoldız,
Nigä bähet tigez
bülenmi?
Nigä yäşli söygän
Mähäbbätem
Zarıgıp kötäm, ä ul
Kürenmi.
Ul yuk, dilär,
Läkin küñelem öçen
Avtomatın koçıp
Ul yäşi.
Bakçadagı göllär
Yam birälär -
Göllär dä bit şulay
endäşmi.
Gomerlekkä diyep,
Özelep söydem,
Yugalttım da
Yandım utında.
Äytmägezçe,
Onıt dimägez lä
Rähät mina
Yanuları anın utında.
Küñelem yoldızı

Yoldızlarga karıym,
Kürä almıym,
Läkin yoldız balkıy
Küñelem kügendä.
Härçak annan üzemä
İlham alam,
Härçak yäşi
Yöräk türemdä.
Ul bit sin, bäğrem,
Eraktagı yoldız.
Yaktı nurıñ, sibep
Söyäseñ,
Hıyalımda haman
Uralasıñ,
— Sin onıtma.
Mine!—diyäseñ.
Sagınu

Yazdan sälam sezgä! — diyä
Al koyaş, kölä-kölä.
İrkäli ul bezne şulay
Nurların sibä-sibä
Almagaçnıñ çäçägenä
Soklanıp karıy-karıy.
Haman sine kötäm, irkäm
Tañnarnı sanıy-sanıy.
Ägär bulsam yaz koyaşı
Çäçeñnän söyär idem.
Kır kazları kayttı, bäğrem.
Sin dä kayt, diyär idem.
Nurlı koyaş
Nur sibäseñ, Koyaş,
Sineñ öçen
Böten cihan berdäy bähetle.
Tik tormışka
Üpkälämim tügel,
Kıyırsıttı minem bähetne.
Umırzayalar da
Siñ karap,
Kar eçennän sabak suzalar.
Kır kazları
Moñlı köy kaldırıp,
Baş oçınnan nazlap uzalar.
Özelep şiñmi kalgan
Çäçäk bulıp,
Gomeremne ütep barışım.
Nurlan, Koyaş,
Elmayıp ütärmen
ärnetsä dä mine sagışım.
Tagın da kötim mikän?

Uylarım şul par kanatlı
Erakka oça ala.
Miña isä moñga tulıp.
Ence tezärgä kala.
Ence dä, märcän dä tezdem,
Baş iyep haman tüzdem.
Uylarım "kaytır, köt" dide,
Büläkkä göllär özdem.
Özelgän çäçäkle gölem
Siña tiñ, göllär ikän.
Ömetem kaytırsıñ kebek
Tagın da kötim mikän ?!

V Min yäşim
40 YıL ÜTKÄÇ

Doşmannarga karşı
Sugıştılar.
Kan koydılar.
Can birdeler
Sugış kırında.
- Bez cicärbez
Berdäm bulıp
Uylasak gel
İlebez turında, -
Dide alar,
Kıyu karap
Doşman yagına.
Atakaga äydi
Yarsu yöräk,
Açu utı
Dörläp kabına:
- Al kulıönı
İzge Moskvadan,
Stalingrad,
Birmä İdelne.
Leningrad, tuz
Ñäm köräş
Teräge sin -
Sakla ileöne!
Uz kirägen aldı
Yavız faşist
Oyasına çigep
Kol buldı.

Ciñü tantanası
Hörmätenä
Reyhstagka
Äläm kuyıldı.
Bügen Planetada
Ciñü köne —
40 yıllık bäyräm—
Tantana.
Avır yıllar
Yaraları haman
Yöräklärdä
Äle saklana.
Onıgın koçkan ana
Küz yäş aşa
Könbatışka
Karap sızlana.
Göl bäbäkläredäy
Yäş gomerlär
Özelep kaldılar,
Dip kızgana.
Bügen millionnarnıñ
Küz karaşı
Onıklarga—
Sezgä yünälgän.
Dönya tınıçlıgı
Sezneñ kulda
Içkınmassıñ,
Doşman, yögännän!


ÄTİYEM

Koçagına alıp üpkän ideñ,
Äle dä toyam cılı sulışıñ.
Kaytuıñnı köttem, äti, sineñ
Tuktaluın köttem sugışnıñ.

Könnär, aylar, yıllar sanap ütte,
Sin kaytmadıñ ulıñ yanına.
Yaşem aşa küzlim Könbatışnı,
Räncep karıym sugış yagına.

Endäşäsem kilä, äti, diyep,
Yögerek uylar ütä başıma.
Olı yuldan sin kaytasıñ kebek,
Atılıp baram tösle karşıña.


BALA ÄTİSENÄ SIENA

Äti, sineñ dä ätiyeñ, bulgan, äyeme?
— Bulgan, ulım, beläm, läkin az.
İkäü basularda yöri idek
Hiç onıtılmıy andıy matur yaz.
Äti diyep söyep endäşäseñ,
Onıtılıp tıñlıym süzeñne.
Ber mizgelgä alıştırıp kuyam
Sineñ urınıña üzemne.
Bi" sagındım, ulım, ätiyemne,
Tilmersäm dä inde kaytmadı.
Kükrägenä kısıp, übä-übä,
Ulım! diyep kabat äytmäde.
—Äti, minem bii beläsem kilä
Babam seziye nigä taşlagan?
—Gitler digän yavız ilebezgä
Märhämätsez sugış başlagan.
Ätiyem ўäm anıñ kebek küplär
Uz burıçın kitkän ütärgä.
Doşmannarnı kuıp ilebezdän
Kiräk bulgan bezgä üsärgä.
Ätiyem kayta almadı avılıbızga
Kurgaş pulya gomeren çikläde.
Ellar ütkän sayın anıñ yakınlıgı
Küñelemnän ўiç tä kitmäde.
— Äti, sugış kabat bulmasmı?
— Sugış bulmas, ulım, monıñ öçen
Tırış hezmät kiräk, nıklı
berdämlek.
Doşmannarnıñ akılın uyatırlık
Cirdä duslık kiräk, kürkämlek!


KARÇIKLAR, KARÇIKLAR

Belem, gomeregez
Kötep utte
Kaytır ul, isän diyep.
Yoldı alı
Pilotka belän
Körän şinilen kiyep.
Kaldı alar
Erak kırda
Göllärgä cirlek bulıp.
Can dustıgıznı
Köngegez
Gomer buyınça sulıp.
Cıyırçıklar
Karçıklarnıñ
Yözlären bizädelär.
Kaytmas bulıp
Saubullaşıp
Kulların izädelär:
— Kötmä inde,
Bäğrem, mine.
Yazmışka buysın inde.
Bezneñ yazmış
Yäş buınga
Kilmäslek bulsın inde!


CIRLIYM CIRIMDA

Kır çäçäklärenä söyep karıym
Özep ala almıym kulıma.
Näfis çäçkä bulıp sin torasıñ
Sineñ şäüläñ minem yulımda.
Çäçäkkä tiñ gomereñne özep,
Hälak buldıñ sugış kırında.
Çäçäklärgä karap sagınam sine
Cırlıym häzer haman cırımda.


MİNEM CIRLARIM

Küñelem berläşmiçä kitim mikän.
Eşem yulda kala tügelme?
Dönya dulkınında yözäm haman,
Basa almıym yarsu küñelemne.
Balalarım bulıp cıyılıp kilep,
Üpkälilär kebek üzemä
Coñgı tapkır talpınsañçı diyep,
Mölderäp karıylar kük küzemä.
Çın şagıyrlär baskan basmalarga
Basa almadım inde basuın.
Üz çorımnıñ çın barlıgın cırlap.
Basa aldım yörägem yarsuın.
Nindi bulsalar da balalarım alar,
Yöräk kanım beläñ şıttılar.
Tugaydagı kıñgırau çäçäk bulıp,
Yörägemnän üsep çıktılar.
Näfislekkä çama belän, läkin
Utta yanıp, suda batmaslar.
Nazlar kötkän minem ul cırlarım
Çäçäk atmıy cirdä yatmaslar.

VÄSSÄLÄM

Şulay itep
Minem çişmäm
Agıp bette mikän,
Tugayımnan
Bılbıllarım
Sayrap ütte mikän.
Hisläremä
Tozak kuyar könnär
Citte mikän.
Yöräk soñgı tapkır
Turgay moñın
Üpte mikän.

MİN KABAT UKITUÇI

Atlıy-yägerä baram
Siña, mäktäbem.
Yörägemä äle äytmädem,
Ul bolay da sizä
Minem küñelne.
Bügen mina şundıy küñelle!
Yäşlegemä kayttım,
Beläsezme,
Şat yılmaya minem küzlärem.
Ukuçılarıma söylim.
Däres biräm
Oçkın bulıp tezelä süzlärem.
Şatlanmassıñmıni
Alar küñelendä
Kiläçäkkä yullar salınsa.
Köçe taşıp torgan
Yarsu yöräklärdä
Oçkınnardan yalkın kabınsa!..


MÄRMÄR HÄYKÄL BULIP

Nigä ikän, belsäm ide,
Yörägem tınıç tügel.
Oçarga talpına haman
Kübäläk bulıp küñel.
Uylarımnıñ oçlarına
Barıp citärlek tügel.
Oçına-oçına kanat kaga
Cilpenä minem küñel.
Üzeñ dä aşkınma, yöräk,
Tınıçlandır küñelne.
Yarsıp-yarsıp uylanular
Buşka gına tügelme?!
Kanatlı yäşel yäşlegeñ
Artta kaldı kañgırıp.
Gomereñ buylap ütäseñ
Nindi ezlär kaldırıp?
Mäktäp yullarında kaldı
Kırık yıl yörgännärem.
Tormış sabagın ukıtkan
Tärbiyä birgännärem.
Ukıtuçı näni yöräk öçen
Onıtılmaslık näfis gölçäçäk.
Cuyılmaslık märmär häykäl bulıp
Küñel tarihına keräçäk.


ĞAŞIYQ BULIP YaŞÄÜ KİRÄK

İsänläşep, yoldız karlar änä
Cirne koçıp sälam birälär.
Agaçlar da ak külmäklär kiyep,
Kiläseñme, kışkay, diyälär.
Çäneçkele cillär söykälgändä
Göllär çäçäk ata yözlärdä.
Cillär belön yarışıp yögergändä
Yoldız bulıp yana küzlär dä.
Nindi rähät sindä, güzäl dönya.
Yaz gölläre nazlıy küñelne.
Kışkı cillär saf näzakät belen
Oçındıra küñel-kügemne.
Tabiğatneñ törle küreneşlären
Gölzar itep toya yörägem.
Tirän añlıym, güzällekkä
Ğaşıyq bulıp yäşäü kirägen.


SİN BÄHETLE

Üz ileñneñ,
Güzäl kızı bulıp,
İage küñel belän yäşädeñ.

Namuslı köç kuydıñ
Här urında,
Keşelär bähete öçen eşlädeñ.

Hörmät 6elän
Rähmät yaudı siña,
Şatlanırlık Gomereñ baskıçı.

Kiläçägeñ yaktı,
Gorur yäşä,
Kullarıñda bähet açkıçı.
Yäşim min
Çäçäkläre gölneñ koyıldılar,
Tamırçadan bäbäklär üsä.
Yäş buınga birep barlık köçen
Ana golem dönyadan küçä.
Huş, şatlıgım minem
Yuanıçım, yöräk daruım.
Sine uylıy-uylıy, matur gölem.
Artka karap, alla baruım.
Alda küpme yullar ütep bulır,
Atlap bulır gomer sukmagın
Donyaga ğaşıyq min, yäşim äle,
Gölemdäy vakıtsız sulmamın...


MİN BER DULKIN.
Min ber dulkın
Zur yılgada,
Yarga yakınayıp tirbäläm.
Yaktı yoldız bulıp
Yana almadım,
Bula almadım cirdä ber äläm.
Utlı yullar aşa
Eraklarga karap
Ütte yıllar .. Küñelem izgedä.
Böyeklektä tügel,
Gadi tärbiyäçe itep
Küräm sine, gomerem, üzemdä.
İzge eştä,
İzge köräş belän
İlemä layık bulıp yäşädem.
İlem küge
Ayaz bulsın didem,
Yaşen bulıp cirdä yäşnädem.

Click or select a word or words to search the definition