Şiğırlär - Galiaskar Kamal

«BÄDEVAM» KİTABI
(şiğırlär)

Tüş kiyermäk bayga yuk,
Şikär dä yuk, may da yuk;
Kara ikmäkkä härkem tuk
Ber çamada, bädävam.

Rus, tatarı, bolgarı,
Nemets, frantsuzları —
Yarlı halıknıñ barı
Berläşüdä, bädävam.

Bay akça öçen cılıy,
Çönki ul — akça kolı:
«Kalam bit inde korı
Kul belän»,— di, bädävam.

Cäberlände küp keşe,
Talau ide bar eşe;
Cılaganda aç keşe,
Kölep tordı, bädävam.

«Min bay»,— diyep yörgäne,
Yarlılardan kölgäne
Üz başına bulganı
Kürnä inde, bädävam.

Bayga ülärgä genä,
Bezgä kölärgä genä,
Malın bülärgä genä
Kaldı inde, bädävam.

Yaña «Başmak» köye

Başmagımnıñ başı başka,
Ayırıldı elägep taşka,
Kiyärlek tügel — çıgarıp taşla,
Birçe yaña başmagımnı.

Bu eşkä häyran kalırlık,
Oltanı käğaz kalınlık,
Akça yuk bit tagı alırlık,
Yukka kidem başmagımnı.

Başmak başı bik zur tişek,
Äyterseñ lä açık işek,
Kiyärgä inde bunı niçek,
Mä, al kire başmagıñnı!

Click or select a word or words to search the definition