Şiğırlär - Fathi Burnaş

* * *

Tabiğatneñ seren açtı,
Kotıplarnı totaştırdı,
Kom çüleneñ cilen kudı,
Däryalarnıñ yulın budı —

eşçelärneñ köçle kulı.
Kazalarga oçıp mende,
Cir astına kazıp ütte,
Esse çüldä göl üsterde,
Sazlıklarnı ul kipterde —

eşçelärneñ köçle kulı.
Su astınnan yullar saldı,
Cir baylıgın yaulap aldı,
Taşlar vatıp, taular işte,
Sahralarda tormış tözede —

eşçelärneñ köçle kulı.

Bügengeneñ — tayanıçı,
Kiläçäkneñ — ışanıçı,
Cirgä, kükkä, utka, suga,
Cir şarına haklı huca —
eşçelärneñ köçle kulı.

Click or select a word or words to search the definition