Şiğırlär - Fanavis Davletbayıv

SİNE YuKSINGANDA
(şiğırlär)

Sine yuksınganda

Gomerlekkä üz tiñemne
Taptım dip yörgän idem.
Mäñge bergä bulırbız dip
Väğdälär birgän ideñ.

Huşlaşmıy da kitep bardıñ,
Töşemdä tügel, öndä.
Parsız kalgan yalgız koştay
Yuksınam sine köndä.

Yuk ber yuatu häbäreñ,
Kitteñ dä sin yugaldıñ.
Äytçe irkäm, kaydan ezlim,
Kay tarafka yul aldıñ?

Yazmaganmı ällä bezgä
Bergä gomer kiçerü.
Belçe irkäm, gazap miña
Sine iskä töşerü.

Köndä sıkrap yödätä
Yöräktäne yaralar.
Niçek tüzärmen, tagın da
Eragaysa aralar.

Mähäbbätne danladım

Yukka tügel uçak bulıp
Yalkınlanıp yanganım.
Gomer buyı şiğırlärdä
Mähäbbätne danladım.

Ansız yäşäp bulmaganın
Küptän inde añladım.
Hisläremnän kükkä çöyep
Mähäbbätne danladım.

Çit itmädem sagışların
Özgälängän cannarnıñ.
Çäçäklärgä kat –kat kümep,
Mähäbbätne danladım.

Danlaganga çıktı cannan
Çişmä bulıp urgılıp.
Yauladı ul küñelemne
Tıñlap tuymas cır bulıp.

Sine kötkändä

Çäçäk atkan küñel gölläremne
Nazlı hisem belän sugardım.
Ul göllärne siña büläk itep
Tik birergä inde soñardım.

Ayaz köndä yäşen sukkan tösle
Kötmägändä taşlap kitüeñ.
Kitkän yaktan küzläremne almıy
Yukka ahrı sine kötüem.

Köt kaytırmın diyep yuatıp
Hat cibärsäñ inde ni bula?
Sizäseñme, arabızda upkın,
Torgan sayın nıgrak ubıla.

Upkının da ansın kiçep bulır
Ömet kanatları barında.
Äytçe irkäm, min ğayeple ällä
Gomer buyı yaratkanıma.

Ber häbär dä almıy yäşim yalgız
Bilgesezlek cannı yödätä.
Äy, söyeklem, sine sagındırıp
Söyü hise yäşi yöräktä.

Yuk söyeklem...

Kem ğayeple, sinme, minme –
Arabız özelgängä.
Taşlaşunıñ säbäplären
Sin ezlä üzeñnän dä.

Yalkıp minnän, yahşıraknı
Tabam dip ömetlänep,
Huşlaşunı kiräk tapmıy
İstä taşlap kitkäneñ.

Artıñnan ezläp barmadım,
Tıyıp kaldı gorurlık.
Beläseñ bit küñelemdä
Hıyanätkä urın yuk.

Küzläremne almasam da
Sin taşlap kitkän yuldan,
Yuk söyeklem, mähäbättä
Bulası inde bulgan.

Onıt diseñ

Hätereñnän alıp taşla,
Onıt diseñ ütkänne.
Täüge tapkır söygänemneñ
İrenennän üpkänne.

Dönyanıñ ber yäme kalmas
Onıtıp bulsa ul tämne.
İ canım, niçek onıtıym
Yäşli söygän irkämne.

Onıt diseñ korı gına,
Yañartma yaralarnı.
Yugaltkanga ömetlänmä,
Tap başka yaña yarnı.

Söyüem köçäyä genä
Sin onıt digän sayın.
Äytmä başka sin ul süzne,
Yuk, bulmıy canıkayım!

Söyü toygıları kabınganda

Bittän sıypap nazlap isä alar –
Tanış cillär, çıksam uramga.
Onıtmadı mikän minem irkäm,
Nişli ikän dimen ul anda.

Küñel öçen ara yıraklıgı
Möhim tügel ikän, kürsänä.
Haman da şul söyü toygıları
Sizdermiçä genä yörsäm dä.

Haman da şul söyü toygıları
Küñelemdä dörläp kabına.
Kayçan kaytır diyep özgälänäm
Yaşermimen irkäm, sagınam.

Ara yırak. Hiç tä belmim ansın –
Sineñ küñeleñdä ni gamder.
Küktä koyaş tik ber bulgan kebek
Sin dä minem öçen berdänber.

Sine genä söyäm. Mähäbättä
Kisäklärgä inde bülenmäm.
Kön tudımı kabat ömetlänep
Hatlar kötäm, irkäm, üzeñnän.

Mähäbbätem isän

Sagınganda alıp karar öçen
Fotañ haman mindä saklana.
Sin äytäseñ kebek miña annan:
Mähäbbätne berük taplama!

Yäşlek yarın onıtmadım disäm
Uylar kemder bu bit isär dip.
Canda sulmas tere çäçäk sıman
Mähäbbätem haman isän bit!

Yuksa küptän betkän bulır idem,
Ul isängä min dä yäşimen.
Niçek bulgan şulay mähäbbätem –
Berkemnän dä anı yäşermim.

Añlaganday yöräk hisläremne
Elmayasıñ irkäm nur çäçep.
Soñgı şatlık - kalgan miña, irkäm,
Fotañ belän yäşäü serläşep.

Sineñ karaş

Canıma balzam şikelle
Sineñ karaş yagımlı.
Kürermenme miña karap
Ber yılmaygan çagıñnı.

Kürsäm küñelemne azdıra –
Sineñ karaş siherle.
Kön buyı iserep yörim
Gipnozlangan şikelle.

Därtle toygılar uyata –
Sineñ karaş nazlıdır.
Eş tatısam ul karaşnı
Akılımnan yazdırır.

İ canıyım çınlap äytäm
Sineñ karaş isertä.
Ul şunda uk canda – tändä
Söyü hise kiçertä.

Tañda tugan koyaş tösle
Sineñ karaş yaktıdır...
Siherlägän ul karaşka
Karamavım yahşıdır.

Layık sin mähäbbätkä

Sineñ zäñgär küzläreñdä
Moñlanu bar, sagış bar.
Bähetle dä, bähetsez dä -
Törleçä şul yazmışlar.

İpläp kenä orınsañ da
Kitärseñ kük tügelep.
İnde küptän yäşiseñder
Sagışlarga kümelep.

Sizdermäskä tırışsañ da
Canıñ yalgız ikänen.
Tanıysıñdır gomereñnen
Sagışlanıp ütkänen.

Tıştan gorur kıylansañ da
Mohtac sin märhämätkä .
Serläreñne yäşersäñ dä
Layık sin mähäbbätkä.

Mähäbbät hakında

Belsä Hoday gına beler
Kem kemne yaratadır.
Hıyanätlär kabatlanıp
Yöräkne kanatadır.

Söyäm digän siherle süz
Añıbıznı tomalıy.
Küñel kat – kat aldansa da
Bulmıy anı tıñlamıy.

Mähäbbättä butalgan şul
Yalganı da, çını da.
Tatlı läzzät alabız da
Yäş tügäbez soñında.

Az – maz gına hatalansak
Çerki tösle bezlibez.
Söyü taşlap kitsä bezne
Gayıplene ezlibez.

Çın bulmagan mähäbbät dip
Güyä açış yasıybız.
Küperlärne yandırabız,
Näfrättän yarsıybız.

Añlamıybız mähäbbätneñ
İñ tatlı his ikänen.
Küñellärdä urın tapmıy
İnde ütep kitkänen.

Sin ul

Kürep küzem iyäläşkän
Tügel sin meñnän berem.
Cirdä tiñdäşe bulmagan
Sin – minem berdänberem!

Ber kürüdä äsir itteñ,
Yauladıñ küñel türen.
Gomeremä yäm östäüçe
Sin ul altın börtegem!

İrkäm nazlı karaşıñnan
Yuk berkayçan tuyasım.
Kügemdä yaktı balkuçı
Sin ul sünmäs koyaşım!

Güzällek alihäsenä

Sindäy hanımnar siräk ul
Matur göldäy balkıp torgan.
Karaşı belän siherläp
Gel üzenä tartıp torgan.

Karap hiç tä tuyalmaslık
Çın billähi söykemle sin.
Elmayganda nurga kümgän
Tañ koyaşı şikelle sin!

Bu dönyada maturlıkta
Çın billähi yuktır tiñeñ.
Tılsım belän öretelgän
Atlap yörüeñ dä sineñ.

İ güzällek alihäse
Küñelgä huş, zatlıdır sin.
Karaşıñnan iserterlek
Nazlıdır sin, tatlıdır sin!

... diseñ

Yaratammı, yaratmıymmı –
Barsın söyli küzlär diseñ
Küñelemne hiç eretmi
Sineñ tatlı süzlär diseñ.

Min bit sineñ Läyläñ tügel,
Yörmä Mäcnün bulıp diseñ.
Özgälänep yaratsañ da
Minem hakta onıt diseñ.

Sineñ öçen mäñgelekkä
Min bit süngän uçak diseñ.
Yalgızlıknı östen kürä
Minem kaynar koçak diseñ.

Äkäm – tökäm bulıp yäşä,
Çitkä küzeñ salma diseñ.
İkegä bit yarılalmıym
Hälläremne añla diseñ.

Hisläreñdä bul tıyınkı
Aygazıma, azma diseñ.
Minem hakta ürsälänep
Başka şiğır yazma diseñ.

Min yaratkan hanımnarnıñ
Buldıñ sin iñ serlese.
Üzemä tiz tabındırgan
Gacäyep siherlese.

Küz sirpep kenä karagan
Söykemlese, süzseze.
Mähäbbätne kire kakkan
Tügel läkin hisseze.

Sineñ kebek küñelemne
Siherläüçe tabılmas.
Uçak tösle ber sündeme
Söyü utı kabınmas.

Yaz çäçäge – umırzaya

Yaz çäçäge – umırzaya,
Kötmi kön cılınganın.
Äy söyeklem, sizäseñme
Küñeldä cırım barın.

Yaz çäçäge – umırzaya,
Kilä kulga alasım.
Kilä irkäm sine nazlap
Ozaklap yuanasım.

Yaz çäçäge – umırzaya,
Ällä soñ ul sin mikän?
Ber kürüdä yarattırgan,
Küñelne äsir itkän.

Umırzaya – tanış çäçäk,
Üsä ul yalan – kırda.
Väğdä biräm gomerlekkä
Tik sine yaratırga.

Sälam yullıym söygänemä

Küktä oçkan koşlar aşa
Sälam yullıym söygänemä.
Tañ koyaşı ireştersen
Sälam yullıym çibäremä!

Sabır bulsın minem irkäm
Borçılmasın, kaygırmasın.
Kaytır yulda yarsu cillär
Kanatlarnı kayırmasın.

Küñele tulıp taşsa da
Çit – yatlarga ser birmäsen.
Tüzem bulsın, moñaymasın,
Sagınsa da sizdermäsen.

Citez koşlar sälamemne
Tizräk aña ireştersen.
İrkäm minem şatlıgınnan
Gel yılmaep – kölep yörsen.

Sılu kızga

Moñsu közdä sine uylap
Aşkına yöräk yazga.
Küñelemne cılıtırsıñ,
Kümärseñ kebek nazga.

Äle berni bulmasa da
İkebez arasında.
Äy, sılu kız söyü toyıp
Tibräläm karaşıñda.

Bar bit äle karaşıñnan
Erep yukka çıguım.
Sizäseñme, huştan yazdım
Sine kürep, sıluım.

Kilä gel nazlap torası
Sine – yäşlek gölemne.
Nurlar çäçep yılmaydıñ da
Yauladıñ küñelemne.

Yäşlek yarıma

Kulyaulıgıñ – soñgı büläk,
Tüş kesämdä härçak yörtäm.
Min qaderläp saklıym anı,
Sagınganga sine, irkäm.

Urtak yäşlek hataları,
Urtak küñel yarabız da.
Küptän kiçep çıgalmaslık
Tirän upkın arabızda.

Yugaltuım – gomerlekkä
Soramıymın sin kayda dip.
Soradımmı äyterseñ kük
Ükenüdän ni fayda dip.

Äytçe irkäm, cillärgäme,
Serläremne söylim kemgä?
Yäşlektäge söygän yarım
Minem küñel haman sindä.

Yaralı yöräk

Yaşlegemdä hıyalımda
Uynadım yoldız atıp.
Uynasam da tik bulmadı
Gomerlek söyü tatıp.

Yazlar ütkän, közlär citkän,
Erak yäşlek tañnarı.
Yäşlektäge yugaltular
Gazaplıy ul cannarnı.

Küptän inde küñelemdä
Yoldız bulıp kabındıñ.
Sine uylap min kabattan
Yäşlegemne sagındım.

Ni häl itim, söygänemneñ
Yuk bernindi cavabı.
Atılgan koş ul min bulam,
Yöräk mäñge yaralı.

Kazan matur

Kazan matur, Kazan matur,
Kazan matur sıluım.
Küñelemä huş kiläder
Sineñ anda buluıñ.

Ul Kazannıñ uramnarı
Tar bulsa da taş kına.
Az gına kürmi torsam da
Küñel siña aşkına.

Kügärçennär cıyılışkan,
Çıgıp cimnär sipteñme?
Dürt küz belän ömetlänep
Kilüemne kötteñme?

Üsep citkäç talga kunıp
Sayrıy bılbıl balası.
Canıkayım sin bulganga
Matur Kazan kalası.

Sagınu

Kiyek kazlar tezeleşep
Kitälär cılı yakka.
Gomerlekkä tabınganım,
Sagınganım yırakta.

İsän kaytuların teläp
Ozatam min koşlarnı.
Bulmıy ikän, bulmıy duslar
Üzgärtep yazmışlarnı.

Yazlar citkäç kaytır koşlar,
Kaytmas ämma söygänem.
Gomergä dä onıtalmıym
Sau bul irkäm digänen.

İnde küptän hat – häbär yuk
Minem söygän yarımnan.
Soñgı sulışıma qadär
Kitmäs ul küz aldımnan.

Ber süzeñ citä

Köndä sıkrıy, töndä sıkrıy
Küñeldäge yaralar.
Sagışlardan, gazaplardan
Kem soñ mine aralar?

Vakıt ütep, köne citep
Yaralar tözälerme?
Sin irkämne yugaltuga
Küñelem tüzälerme?

Sızlandırgan yaralarnı
Bälki yıllar dävalar.
Yuk şul irkäm yakınaymıy,
Eragaya aralar.

Avır yöktäy yörtäm canda
Sin salgan yaralarnı.
Söyäm digän süzeñ citä
Tözätergä alarnı.

Uyın

Yanıñnan uzıp barganda
Yomarlangan kar attıñ.
Kar attıñ da, häyläkärem,
Sin üzeñä karattıñ.

Tiz kuşıldım uyınıña,
Min cavapsız kalmadım.
Ber – ber artlı siña oçtı
Yomarlangan karlarım.

Şunsı säyer, ul çagında
Avırtunı toymadık.
Arıp cirgä yıgılgançı
Kar atışıp uynadık.

Yukka gına bulmagan şul
Yomarlap kar atuıñ.
Ul bulgan täüge oçkını
Gomerlek yaratunıñ.

Torıp berni bulmaganday
Kitteñ sin sılu gına.
Yörägemdä yuşkın tösle
Kaldı yuksınu gına.

Yozaktagı küñel

Küpme şiğır yaudırsam da
Tıp – tınıç sineñ taraf.
İ canım, miña karata
Nigä soñ sin bitaraf?

Küzeñdä nur, canıñda cır,
Hissez dä tügelseñ bit.
Äkäm – tökämdäy biklänep
Yaşäveñ küñelsez bit.

Gorurlıgıñ kıymmät siña –
İmeşter ser birmiseñ.
Kerpe tösle yomılgansıñ –
Berni dä sizdermiseñ.

Mähäbbätkä bitaraflık-
Akıldan şaşuıñmı?
Berniçek tä añlap bulmıy
Söyüdän kaçuıñnı.

Yanda gına sin yörsäñ dä,
Hiseñ belän yırakta.
Kat – kat bikle, yuk açkıçı –
Sineñ küñel yozakta.

Atılgan yoldız

Bagıp kügemä ber kön tönemdä
Uylarga talıp yoldız küzlädem.
Hıyalda kabat kaytıp yäşlekkä
Tapmasmınmı dip sine ezlädem.

Uyımnı minem sizengän tösle
Atıldı kinät yaktı ber yoldız.
Kürsen digändäy ezen kaldırıp
Atıldı yoldız. Min kaldım yalgız.

Atıldı yoldız mizgel eçendä,
Yakında gına – tügel kügemnän.
Hiç kötmägändä yäşlek yazında
Atıldı yoldız küñel türemnän.

Canda mäñgelek yara kaldırıp,
Atılgan yoldız sin ul, sin irkäm!
Tabarmın diyep ezlävem yukka –
Ul sünde inde, kürmämen bütän.

Sömbelä

Ällä yüri şayartamı,
Yaratamı – kem belä.
Añlıy almıym hiç küñelen,
Serle kız ul Sömbelä.

Yörägeñne açıp salçı
Äy Sömbelä, Sömbelä.
Äytsäm äytim inde küptän
Küñelemdä sin genä.

Tüzä almıym, erep kitäm
Elmayıp karavına.
Siherlänäm söyü ugın
Yöräkkä kadavına.

Ä ul haman miña karap
Elmayadır, köläder.
Yörägemne äsir itkän
Serle kız – Sömbeläder!

Hıyalım kızı

Sineñ maturlıknı kürep
Ak kayınnar könläşer.
Küktä genä bulsa bulır,
Yuktır cirdä tiñdäşeñ.

Tal çıbıktay zifa buyıñ,
Koyaşka tiñ karaşıñ.
Cir östennän atlamıysıñ,
Güyä yözep barasıñ.

Karurmannı häterlätä
Ul ozın tolımnarıñ.
Akkoş kanatına ohşaş
Cäysäñ, näfis kullarıñ.

Peşep ballangan çiyädäy
Ul alsu irennäreñ.
Näzakatle yılmayasıñ
Sikertkäläp iñnäreñ.

Orınası kilep tora
Sıgılmalı bileñä.
Kürdem isä karap tuymıym
Siña – matur gölemä.

Çıltırap akkan çişmä tösle
Sineñ moñlı tavışıñ.
Äy söykemle hıyal kızı –
Sin iñ tatlı sagışım.

Säyer añlaşu

Bik yaratır idem dä bit,
Bitaraf küñel diseñ.
Sırpalanıp yörmä yanda,
Sineke tügel diseñ.

Çit – yatlarga çişämme soñ
Yöräkneñ seren diseñ.
Söyäm sine dip äytergä
Äylänmi telem diseñ.

Ber genä kön kürmäsäm dä
Diseñ: «Nik kürenmiseñ?»
Işanıp betmä süzemä,
Ni äytmäs telem diseñ.

Sagış sineñ karaşıñda

Bar cihanga aklık iñgän –
Tagın bar da kar astında.
Süz tabalmıym yuatırga
Sagış sineñ karaşıñda.

Köyräp yangan uçak tösle
Sagış sineñ karaşıñda.
Nilär buldı, äytçe canım,
İkegezneñ arasında?

Äytçe canım söygän yarıñ
Taşlap sine kitte mällä?
Yatlar kerep aragızga
İnde bar da bette mällä?

Nilär buldı, nik moñsu sin,
Söylä miña aşıkmıyça.
Sagışlanma, bu dönyada
Bar närsä dä vakıtlıça.

Işan, tizdän sagışıñnı
Şatlıklarıñ alıştırır.
Ber yaknı da kimetmäüçe,
Tigezläüçe yazmıştır ul.

Sin

Közlärdä dä çäçäk atkan
Matur gölgä tartımdır sin.
Dönyada min kürep belgän
İñ söykemle hatındır sin.

Ser birmiçä yöresäñ dä
Küñelemä yakındır sin.
Gel üzenä magnit tösle
Tartıp torgan hatındır sin.

Başın cuygan min yülärne,
Hisläreñdä atındır sin.
Därte taşkan, tatlı, nazlı
Gacäyep ber hatındır sin.

Min Mäcnünne zäñgär küktä
Turgay itep talpındır sin.
Hislären tirän yäşergän
Bik tä serle hatındır sin.

Kabındımı ozak sünmäs
Dörläp torgan yalkındır sin.
Menä ul dip çın ihlastan
Min soklangan hatındır sin.

Kıymmätenä tiñ bulmagan
Gacäyep saf altındır sin.
Küñelemne siherlägän
Min yaratkan hatındır sin.

Nur sibüçe koyaş tösle
Küñel belän maturdır sin.
Gomer buyı mine ezlägän,
Min telägän hatındır sin!

Äyt canıyım...

İnde berkem aça almas,
Sineñ küñel yozaktamı?
Eçtän biklänep yäşäveñ
Äyt canıyım, ozakkamı?

Ällä inde sizmiseñme
Yaznıñ kilep citkänen dä.
Äle haman sagışlanıp
Yäşiseñme ütkäneñdä?

Kabınıp kitüdän şürläp
Hisläreñne tıyasıñmı.
Ä çınında sin üzeñne
Bähetle dip toyasıñmı?

Başka mähäbbät utında
Yalkınlanıp yanmıysıñmı.
Çitlektäge koş şikelle
Yaşäveñne añlıysıñmı?

Kıyık basmagayım diyep
Sin haman da şürliseñme.
Vakıt kötmi. Altın kebek
Gomer ütä kürmiseñme?

Yaralangan cänlek tösle
Ällä soñ sin tozaktamı?
Eçtän biklänep yäşäveñ
Äyt canıyım, ozakkamı?

Tabarmın kük

Cirdän ezläp tapmagaçtın
Küktän sine ezlädem.
Tikkä tügel tönnäremdä
Yoldızlarnı küzlävem.

Ohşatam sine siherle
Abaga çäçägenä.
Çın küñelemnän ışanam
Kaydadır yäşäveñä.

Tañ koyaşıday nurlanıp,
Elmayıp, balkıp – kölep.
Kötmägändä sin karşıma
Kilep çıgarsıñ kebek.

Ömet utı sünmägändä
Yuk, tuktamam ezläüdän.
Yazlarımda tapmagannı
Tabarmın kük közlärdän.

Tabarmın kük, belmäsäm dä
Sineñ kayda ikänne.
Gomer buyı küñel belän
Özelep söygän irkämne.

Boyık közneñ sarı yafrakları
Aunap yata cirdä - kürsänä!
Yaşel çagın sagınam alarnıñ
Gomer inde közgä kersä dä.

Yuk, küñelne aldap bulmıy anı,
Yaşelekkä nıgrak tartıla.
Tartılsa da küñel yäş sıluga
Söyü süzen äytmi – tartına.

Çigenä küñel, ütep kitsen sılu,
Tiñ tügelen sizä, küräseñ.
Añlap bula, tıyıp kına bulmıy
Küñeldäge hislär köräşen.

Küñel – koş ul. Alda çiksez kiñlek.
Kanatı bar oçmıy kalalmas.
Küktä parlap oçu tik hıyalda,
Soñ şul inde, bezgä yaramas.

Munça

Tändä biyep torganda
Munçanıñ seberkese,
Çabınıp kürsäterbez -
Citsen genä essese!

İh essese, essese –
Kolaklarnı peşerä!
Esse – can rähäte
Munça söygän keşegä.

Taşlar çıcıldap tora,
Tännär ut kebek yana.
Munçadan da rähät cir
Bar mikän soñ dönyada?!

Kat –kat çabınıp alabız
Tängä betmäs şifanı.
Äye, şuña da inde
Yaratabız munçanı.

Bacaylar cırı

Borın astı da kipmägän
Tügel inde malaylar.
Sez kem diyep sorasagız –
Bezme? Bez ul – bacaylar!

Kemnärgäder enekäşlär,
Kemnärgäder agaylar.
Ber babaynıñ kiyäüläre –
Bez inde ul bacaylar.

Küp kalmagan, üzebez dä
Bulırbızdır babaylar.
Äye bez ul şayan süzle,
Şat küñelle bacaylar.

Küñel belän ohşaşkanbız –
Monı kem dä abaylar.
Ber – berebezgä teräk bulıp
Gomerlekkä kiräk bulıp
Yäşik cirdä, bacaylar.

Hıyal dönyasında

Güyä ul tılsımlı tayak,
Kulımda kaläm minem.
Çige yuk oçsız – kırıysız
Küñeldä ğaläm minem.

Tılsımlı tayaknı selkep
Şul ğalämgä yul alam.
Ni dä bulsa taptım diyep
Kön dä şulay yuanam.

Çınında ğaläm digänem
Ul – minem hıyal dönyam.
Şiğırlär icat itäm dä
Yam tabıp yäşim şunnan.

Sanıy kitsäñ küptä tügel
Yaratkan şögıllärem.
Minnän bähetle keşe yuk
Tuganda şiğırlärem.

Ütte ul çaklar

Tormışımda uñga – sulga
Avışkan çaklar buldı.
Yaşävemne añlap betmi
Yalgışkan çaklar buldı.

Şöker dimen üz – üzemä,
Ütte inde ul çaklar.
Şunı beläm, yalgışlardan
Saklansañ Hoday saklar.

Rähmätem zur – saklıy Hoday,
Şöker älegä isän.
Min häzer här ğamälemdä
Cide ülçäp ber kisäm.

Hatın – kızlarga

Häterlätep yaz kilügä
Çäçäk atkan göllärne.
Maturlık belän siherläp
Yaulıysız küñellärne.

Koyaş balkıp çıkkan tösle,
Cibärsägez yılmaep.
Sezneñ yagımlı karaştan
Dönya kitä nurlanıp.

Sezneñ zifa sınnı kürep
Ak kayınnar könläşer.
Maturlıkta bu dönyada
Yuk ul sezgä tiñläşer.

Atlamıysız, akkoş tösle
Güyä yözep yörisez.
Matur atlap küñellärne
Siherlisez yüri sez.

Baktıñ isä çın tormışta
Sez gadi dä, tıynak ta.
İ alihä güzäl zatlar
Kürkäm şul sez çınlap ta.

Häm citmäsä östävenä
Sez sabır da, eşçän dä
Dönya küläm hörmätläügä
Layık sez dörestän dä.

Şuñadır da asıl zatlar
Sezgä nazlap däşäbez
Monnan soñ da bezne şulay
Soklandırıp yäşägez!

Taptım sine

Küpme ezläp hıyalımnan
Taptım sine, taptım.
Kötmägändä küñel gölem
Kabat çäçäk attı.

Taptım sine bäğırkäyem,
Şau çäçäkle yazda.
Taptım sine küñelkäyem
Susaganda nazga.

Taptım sine, kapılt kına
Küktän bähet iñde.
Taptım sine gomerlekkä,
Yuk yugaltmam inde.

Taptım sine, şatlıgımnan
Kanat iñnäremdä.
Sizäseñme, äy söygän yar,
Küñel sindä genä.

Soñaru

Ul bit küktäge koş ömeteñne
Öz sin digännäre çın ikän.
Miña irkäm sine yaratırga
Soñ ikän şul inde, soñ ikän.

Yäşlegemneñ moñsu hatiräse
Söyü kaldı yırak ütkändä.
Kayda ideñ irkäm, kayda ideñ
Min tilmerep sine kötkändä?!

Yazmış buranına yulıktıñmı,
Adaştıñmı kiler yulıñda?
Ni bulsa da irkäm ni bulsa da
Soñ şul inde bergä bulırga.

Şaulı yazım sizelmi dä ütkän
Kaytarıp şul bulmas ul çaknı.
Soñ bit inde irkäm, cäfalanma,
Kabızam dip süngän uçaknı.

Yaratuçı tabılır

Yanımnan uzıp barasıñ
Süz däşergä kıymıyça.
Yöräktäge dörläp yangan
Söyüemne toymıyça.

Ägär irkäm yaratmasañ
Yaratuçı tabılır.
Küñeldäge sagışlarnı
Taratuçı tabılır.

Uzu kiräk ide mikän
Kürmämeşkä salışıp.
Bulmas irkäm, bulmas ahrı
Sineñ belän kavışıp.

Kürep toram, sizep toram –
Yatlarda sineñ küñel.
Yatlarda şul sineñ küñel,
Dimäk min tiñeñ tügel.

Söyügä tugrılık

Dönya gizdem yaktı hıyalımda
Ezläsäm dä sine tapmadım.
Yörägemdä täüge söyü hisen
Sin irkämä diyep sakladım.

Közgä kerdem, haman sine köttem
Tapmasam da ömet özmädem.
Gacäp tügel, gacäp tügel irkäm
Ellar aşa sine ezlävem.

Sine uylap canım özgälänä
Söyü sukmagında yalgızım.
Koyınamın sagış diñgezendä,
Nigä şulay minem yazmışım?

Sak belän Sok tösle tabışalmıy,
Kavışalmıy gomer ütärme?
Äy mähäbbät, soñgı sulışkaça
Sineñ kilüeñne kötärmen.

Bar ul söyü

Mähäbbätem tapmadım dip
Utırma dustım yılap.
Ozaklasa, kilmi torsa
Üzeñ çık anı yullap.

Bar ul cirdä bar ul söyü
Yöräkne yaulıy algan.
Yalkın sibep küñeleñneñ
Uçagı bulıp yangan.

Bar ul söyü tabındırgan,
Tezländergän karşında.
Şatlıkka da, sagışka da –
Äzer bul sin barsına.

Bar ul söyü, belmägändäy
Kayda diyep sorama.
Bar ul söyü – ul yöräktä,
Tap sin anı soñarma!

Gomer közendä

Huşlaşabız dideñ kötmägändä,
Sinsez niçek inde tüzärmen.
Yörägemä uktay äy kadaldı
Kitäm inde digän süzläreñ.

Koyaşı yuk bolıtlı kön sıman
Moñsu ide irkäm karaşıñ.
Nik sizmädem ikän şul çagında
Gomerlekkä yalgız kalasın.

Kiyek kazlar sine iyärtteme,
Kay tarafka ikän kitüeñ?
Gomer köze, aldanmaçı yöräk –
Mäğnäse yuk inde kötüneñ.

Bireşmäçe berük tüzsänä dip
Yuatamın kat –kat canımnı.
Matur töş kürgändäy iskä alam
Sineñ belän bulgan çagımnı.

Täüge mähäbbät

Yäşlektäge täüge mähäbbät
Cır bulıp küñeldä kabındı.
Yaz sayın isemä töşeräm
Bähetle şul ğaşıyq çagımnı.

Yäşlekneñ ul yazı yırakta
Kaytarıp bulmas şul kabattan.
Yuk irkäm, yuk hislär sünmägän,
Hamanda min sine yaratam.

Tuktausız söyügä susatkan
Sin tatlı sagışım küñeldä.
Gomerneñ közläre citsä dä
Haman sin yöräkneñ türendä.

Min kötäm küptännän, kayçan soñ
Söyeklem kil diyep däşärseñ.
Üzeñ bik yırakta bulsañ da
Hıyalda sin mäñge yäşärseñ.

Sineñ hakta

Oçramagan bulsañ tormışımda
Nişlär ideñ ikän diseñme.
Ellar aşa yaktı hıyalımnan
Ezläp tabar idem mine sine.

Söyüemne cihan işetsen dip
Kabatlıymın sineñ isemne.
Balkıp çäçäk atkan iñ huş isle
Yaz gölenä tiñlim min sine.

Çibärlär küp, canım siherlängän –
Tik küräse kilä gel sine.
Mizgelgä dä, hätta töşemdä dä
Yugaltudan kurkam min sine.

Sin ul minem täüge mähäbbätem,
Uyatuçı nazlı hisemne.
Tatlı söyü talismanı itep
Yörägemdä yörtäm min sine.

Yaz

Tansık canga tamçılarnıñ
Tıp – tın itep tamuı.
Yaznı sizep bar tarafta
Tabiğat uyanuı.

Koyaşta bit yumartlangan -
Muldan sibä nurların.
Yukaruga taba bara
Cirneñ karlı yurganı.

Cılı toyıp kar astında
Cıyıla külläveklär.
Citez yarış atlarıday
Çabışa görläveklär.

Könnän kön üsä, zuraya –
Güyä alar terelär.
Botaklardan bürtep çıkkan
Yaşkelt küzle börelär.

Soñga kalmıym digän tösle
İnde boz da kuzgala.
Yarlarına sıyışalmıy
Yarsıp aga yılgalar.

Eraklardan tugan yakta
Yaz citkänen sizenep.
Törkem- törkem koşlar kayta
Ber çılbırga tezelep.

Küktä koyaş yılmayganda
Kilä tik şatlanası.
Kay tarafnı küzätsäñ dä
Cirdä yaz tantanası.

Ber cıyınnan soñ

Kemnärgäder kul çäbäkläp
Utırgan bar cıyınnarda.
Gärçä bitaraf bulsam da
Min säyäsi uyınnarga.

Gadäti häl bit ul bezdä
Ber – bereñne maktaşular,
Yalgan sannarga ışanıp
Aldıngı dip sataşular.

Şomartırga bez mahirlar –
Ul cıyınnar şäp uzalar.
Şunsı yaman, il buylata
Çın sannarga yuk hucalar.

Sähnä türlärenä menep
Aldaşabız, aldanabız.
Sataşulı bu uyınnı
Berkayçan da añlamabız.

Aldıbızda – kuık batır
Öyrängänbez yalganlarga.
Hoday üze yärdäm birsen
Külägädä kalgannarga.

Östän äkämät köylängän
Kämit ikän bu tamaşa.
... Belmi idem, väyt sin anı,
Tay ikän bit kart alaşa!

Üzebezne küzätkändä

Yahşılıklar kılmasak ta
Naçarlıknı tiz eşlibez.
Borının çöyep yörmäsen –
Aña şulay tiyeş dibez.

Bulmaganga ohşaganbız
Bez tärbiyä däresendä.
Üç alu yagın karıybız
Karşı äytkän süz öçen dä.

İseñ – akılıñ kitärlek
Bezdäge ul min – minlekkä.
Bugaz çäynäşep yäşäülär
İltmi ber dä iminlekkä.

Arabızda ihtiram yuk –
Yavızlar bez, könçellär bez.
İsem kitä, añlıy almıym –
Ällä nindi keşelär bez.

İ tugan yak

Bormalanıp akkan yılgalarıñ,
Tekä yarlı tirän külläreñ,
Adaşırlık kuyı urmannarıñ
Arttıralar tugan cir yämen.

Bildän ülän üskän bolınnarıñ,
Cäyräp yatkan irken kırlarıñ.
İ tugan yak yämle cäyläreñdä
Tıñlau rähät turgay cırların.

İ tugan yak moñlı ber köy sıman
Siherliseñ minem küñelne.
Sizäseñder, ber dä yukka tügel
Bagışlavım siña gomerne.

Sizäseñder yäşävemne minem
Aktanışım diyep can atıp.
Sine - gaziz tugan cirkäyemne
Canım kebek kürep, yaratıp.

Şuşı gaziz cirdä üz – üzemne
Çın bähetle itep toygan çak.
Aktanışım gölbakçaga tiñ dip
Cırlap yäşim sindä tugan yak.

Kayda sin?

Beläm inde, soñarılgan,
Ezläp sine tabalmam.
Cirdäme sin, küktäme sin –
Kayda soñ sin bagalmam?

Kayda soñ sin? Kayda soñ sin?
Nik ber dä kürenmiseñ?
Sine uylap özgälänäm –
Nik hälemne belmiseñ?

Abaga çäçäge tösle
Şul qadär dä serle sin.
Üzeñ tügel, ezeñ dä yuk –
Ahırı siherle sin.

Şul serle, siherle kileş
Kalırsıñdır küñeldä.
Beläm berni eşli almam
Zarıksam da kürergä.

İhtıyardan tora

Bar dönyada häramlaşıp
Sudan korı çıkkannar.
Çittän nider kaptırırga
Kulları kıçıtkannar.

Bar arada taypılışsız
Tınıç gomer kiçkännär.
Tormışta häramsız gına
Maksatka ireşkännär.

Nindi yulnı saylap alu –
Alarnıñ ihtıyarı.
Äfyundäy iserttergeç
Matur yäşäü hıyalı.

Şulayın şulay da...

Baylıgı un ilgä citer,
Ä bälki artıp ta kiter.
Şulayına şulay da ildä
Häyerçelär genä küpter.

Östägelärgä iyärep
Ärsezläre urlıy, aldıy.
İldä huca – sorı kortlar,
Eşlägännär mantıy almıy.

Alsañ birälär birüen,
Kreditka- burıçka dip.
Burıç tüläp betergänçe
Eşläüläreñ gel buşka bit.

Burıç tozagı korılgan –
Eşlägäneñ citmägängä.
Öske katka – hökümätkä
Sineñ süzeñ ütmägängä.

Akça, baylık çitkä oçkaç
Halık ilgä avır yökter.
Sorı kortlar huca monda,
Häyerçelär şuña küpter.

Kurku

Kötmägändä äcäl kiler –
Çik kuyır gomeremä.
İpläp kenä tavış – tınsız
İñdererlär güremä.

Barlık şartların kiterep
Ütäler yolalar da.
Mulla abzıy tarafınnan
Ukılır dogalar da.

Rähmät äytergä teläp tä
Açalmam avızımnı.
Kilgän halık kaytıp kiter
Kaldırıp yalgızımnı.

Cir kuyınında yatkanda,
Annan ni bulır, belmim.
Şuña da tiz kilmäsen dip
Äcäldän kurkıp yörim.

Urtalıkta - urınım

Beräü östä, beräü asta,
Min dimen kaysı töştä.
Artka çikkändä sizelmi,
Sizelmider üseş tä.

Beräü öskä kütärelä,
Beräü asta şuışa.
Üzeñnän genä tormıy şul
Urın alu tormışta.

Urtalıkta minem urın –
Oçmıym da, şuışmıym da.
Üz köyemä yäşäp yatam
Bik artık tırışmıym da.

Tormış – köräş

Kötmä kemneñder yärdämen,
Üzeñ öçen üzeñ kaygırt.
Kürçe, tormış çoñgılınnan
Kotılırga başka cay yuk.

Cirgä yaratıp tudırgan,
Hoday birgän köç – akılnı.
Tireñ tügep köräşlärdä
Yaulap al sin üz hakıñnı.

Üzeñ ücät bulmaganda
Kötmä yärdäm – töşmäs küktän.
Tormış – köräş, sin bahırga
Añlau kiräk şunı küptän.

Min dä sezneñ aragızda

Äy keşelär, min dä sezneñ
Aragızda çualam.
Hodaynıñ birmeş könendä
Yäşim diyep yuanam.

Min dä sezneñ aragızda
Kayadır bargan sıman.
Kartayıldı – min üzemne
Sizämen argan sıman.

Az tügelder bargan cirdän
Egılıp kalgannar da.
Ber häbär dä ireştermi
Essez yugalgannar da.

Bar şulay uk arabızda
Yulnı butauçılar da.
Üz digänenä ireşmi
Aldan tuktauçılar da.

Uñga – sulga taypılmıyça
Bar döres bargannar da.
Kötü bulıp andıylarga
İyärä kalgannar da...

Keşelärneñ arasına
Min dä kerep yugalam.
Hodaynıñ birmeş könendä
Yäşimen dip yuanam.

Yulda

Yögem avırlıgınnan
Cilkä, sırt suyılsa da,
Adımlap alga baram
Tartmastay toyılsa da.

Mondıy avır yökne dim
Tartsa tartır at kına.
Üzen üze beterä
Mindäy yülär zat kına.

«Äydä bahbay, na!» – diyep
Kualıym min üzemne.
Barır yul şaktıy yırak,
Hoday birsen tüzemne.

Yulım tigezdän tügel
Ür töşep ür menäse.
Bolay da cäfa çikkän
Bar mikän dim berärse.

Minem işe adämgä
Bulmıy yäşäp cigelmi.
Tormış avır bulsa da
Kitü kiräk ciñelmi.

Tauga karap tau bulalmam –
Kilmäs ul minem kuldan.
Min tau diyep kukırayıp
Tormasın gına yulda.

Üzen ällä kemgä kuygan
Bar bit ul andıylar da.
Tormışımda yış yulıgam
Täkkäber santıylarga.

Tau diyep üzen aldagan
Bu dönyanıñ tümgägen.
Ni äytsäñ dä kıltık cannı
Häyerleder kürmävem.

Küñelennän bik kilsä dä
Tümgäkneñ tau bulası.
Üzen belep tik tübännän
Aña urın yullası.

Tauga karap tau bulalmam.
Tümgäktän dä östä min.
Küräsezder şäp kürenäm
Näq şuşı kileştä min.

Buldı urmanda adaşıp
Çıtırmannı yırganım.
Korı – käkre botaklardan
Nıklap sıdırılganım.

Berkem anda yärdäm itmi,
Urman çite yırakta.
Yazmışımnıñ facigase –
Adaşuım çınlap ta.

Yulımnı ezläp tapkançı
Şaktıy gına soñardım.
Urman bit ul, nilär bulmas!
Yarıy isän çıgaldım.

Ä çınında yul – sukmaknı
Yahşısı yugaltmavıñ.
Üz köyeñä iple genä
Döres yuldan atlavıñ.

Yahşı keşelär turında

Bu dönyada bardır äle
Minnän yahşıraklar da.
Yöz, däräcä, eş buyınça
Küpkä zatlıraklar da.

Dönya buylap ezli kitsäñ
Alar çınnan da küpter.
Kärlädäy toyam üzemne
Min şularnı kürepter.

Bar bit söykemle adämnär
Kay yaklap karasañ da.
Min ber karaçkı gınadır
Alarnıñ arasında.

Soklanuımnıñ çige yuk
Küñele maturlarga.
Yaşäü ürnäge kürsätkän
Tormışta batırlarga.

Arabızda yäşi alar
İgelekle keşelär.
Här ğamäldä imanlılar –
Çın färeştä töslelär!

Tel çişelgändä

Baş katırıp şiğır yazmıym,
Min bit söylimen genä.
Avır yök kütärep barmıym,
Min bit söyrimen genä.

Söyläsäm dä, söyräsäm dä
Ber närsägä törteläm –
Cide kat tirne agızıp
Eşlägängä kön küräm.

Äydä tugan kütärel dip
Yuk artımnan etüçe.
Yulär bulır ni dä bulsa
Minnän ömet itüçe.

Baylıgımnıñ yuk artkanı –
Betep bara tapkanı.
Tartıp – suzıp citkeräm dä
Yäşim şuña şatlanıp...

Törtelep kenä kalmadım,
Butala da başladım.
Tel çişelep häl - ähvälne
Kübräk söyläp taşladım.

Bäplänergä kilmägänbez

Ni fayda soñ zarlanudan
Tormışıbız avırga.
Bäplänergä kilmägänbez
Kilgänbez sınalırga.

Aktık sulışnı algançı
Kilgänbez köräşergä.
Meskennärgä tiñläşmäskä,
Köçlegä tiñläşergä.

Egılıp kala köçsezlär,
Ciñep çıga köçlelär.
Maksatlarına ireşä
Sabır bulgan keşelär.

Tormış – köräş, kıyın anda
Yaşäve şuñadır da.
Bäplänergä kilmägänbez
Kilgänbez sınalırga.

Uy

Yarıy uylar yäşerengän –
Bikle küñel sandıgı.
Şäptän bulmas sizelgändä
Närsä uylaganlıgıñ.

Eçemdäge tışımda dip
Äytäder tile genä.
Kagılgısız häzinä ul
Uylarıñ küñeleñdä.

Cide yozakta saklansın
Sineñ küñel baylıgıñ.
Yaşerep tot, sizelmäsen
Närsä uylaganlıgıñ.

Närsä citmi?

İge – çige kürenmägän
İlämsez zur ğalämdä,
Yarsıgan yırtkıç şikelle –
Närsä citmi adämgä?

Doşmanlaşıp, sugış açıp
Bersen – berse kırışa.
Duslaşırga yuk isäbe,
Yuk itergä tırışa.

Kayan kilgän yırtkıçlık bu –
Kannan, ällä gennanmı?
Yalgız hakimlek itmäkçe
Basıp alıp dönyanı.

Cirdä küklär hakimlege –
Barmıy dönya anıñça.
Canı tınıçlanır ide
Sugışlardan arınsa.

Bändägä gomer kiçkändä
Citep betmi sabırlık.
Sabırlıgı bulmaganga
Tormışıñda avırlık.

Şulay uk adäm zatına
Citmider tatulık ta.
Cirdä sugışıp yäşäüne
Sanıy ul batırlıkka.

Sanap betererlek tügel –
Küp citeşsez yakları.
Şulay bulgaç gacäp tügel
Ber dä tıngı tapmavı.

Mähäbbät

Mähäbbät – köç, mähäbbät - his,
Küñellärne yäşärtä.
Bähet, läzzät kiçertterep,
Därtländerep yäşätä.

Mähäbbät ul yöräktäge
Toygınıñ iñ maturı.
Tiñ kürep ğaşıyq cannarnıñ
Ber – beren yaratuı.

Kinät yöräktä kabıngan
Dörläp torgan yalkın ul.
Nazına törep cılıta –
Şuña canga yakın ul.

Añlıy almıym

Ni buldı miña, ni buldı –
Uylarım nik gazaplı?
Küpme başnı katırsam da
Taba almıym cavapnı.

Bärgälänäm, özgälänäm –
Canıma tıngı tapmıym.
Oçınıp yörer çagında
Cirdän şuışıp atlıym.

Närsä citmi, kayan kilä -
Bu töşenke halätem?
Küpme genä uylansam da
Añlıy almıym säbäben.

Häsrätle keşe şikelle
İyelgän başım tübän.
Küñeldäge uy – hislärem
Bolıtlı köndäy sürän.

Närsägäder kıbırsınam
Köysez sabıy şikelle.
Bolay kılansam säbäben
Tabuım da ikele.

Ostazga mädhiyä
(Röstäm Mingalimgä)

Min dä şiğırlär yazgalap
Kayçakta kürengälim.
Döresen äytim, sineñ kebek
Yazıp bulmıy Mingalim.

Şiğırläreñ tılsımlı kük –
Meñ kat sergä töräseñ.
Min dä - yukka gazaplanu,
Sindä - talant, kürämseñ.

Şiğırläreñ yörägeñnän
Turı sarkıp çıgadır.
Çın billähi, üzeñ kebek
İhlas alar şuñadır.

İcatıñdagı şikelle
Tormışta da gadi sin.
Yuk maktamıym, çını şulay –
Menä digän abıy sin!

Oşbu şigıremne ukıp
Añlarsıñ eneñ hälen.
Ostazım dip sineñ alda
Baş iyämen Mingalim!

Yana şiğır uçagım

Canga nider citmi sıman
Ber şiğır dä yazmasam.
Küñellärgä cılı birep
Uçak bulıp yanmasam.

Kemder toyar, kemder toymas
Bu uçaknıñ cılısın.
Kemder küñele yaulansa
Bulır täüge uñışım.

Sıyınuçılar tabılır
Min kabızgan uçakka.
Soklanu hise tudırır
Tik dörläp yangan çakta.

Bähetle sizäm üzemne
Şiğır – uçak yanganda.
Yuk küñelgä, bulmastır da
Rähät toygı annan da.

Gam

Şatlıgın da, gazabın da
Toyıp üstem dönyanıñ.
Ber ay – haysız uynap yörgän
Uysız malay bulmadım.

Cirdä yäşäü nasıyp bulıp
Dönyanı kürüemä.
Sagındırgan tansık moñday
Gam tuldı küñelemä.

Tuganımnan bügengäçä
Ul gam minem yuldaşım.
Küñelemnän sizep toram.
Ansız yäşäp bulmasın.

Şuşı cirdä

Şuşı cirdä tuganmın da
Şuşı cirdä üskänmen.
Şuşı cirdä yäşi torgaç
Nigäder ireşkänmen.

Nigäder ireşkänmen dä
Närsäder yugaltkanmın.
Yugaltıp kına kalmıyça
Kabat nider tapkanmın.

Şuşı cirdä bertuktausız
Nigäder omtılganmın.
Törle halät kiçergänmen –
Otkanmın, otılganmın.

... Yözne kızartırlık tügel
Dönyalıkta kılganım.

Kemnär bez?

Bez diyep gel bezeldibez,
Min diyergä kıymıyça.
Dönyadan kitep barabız
Ber rähät tä, toymıyça.

Avıznı kıymıldatsak ta
Min diyep, miña diyep.
Yodrık töynäp kürsätälär:
«Mä kukiş, siña !» – diyep.

Östägelär bülep birä
Bezgä - gadi halıkka.
Yazmışka uk bulmasa da
Alar huca baylıkka.

Cıyılışıp alar imä
Bezneñ eşläp tapkannı.
Ülmäslek kenä birälär
Üzlärennän artkannı.

Tarau kötüdäy gavämme –
Kemnär soñ bez bu ildä?
... Bez digäne ilgä kiräk,
Min digäne – küñelgä.

Äyter süzem

Äyter süzem – atır ugım
Cäyäm küptän tartulı.
Sızgırıp oçar öçengä
Kötä minem atunı.

Osta märgändäy ozaklap
Töbämimen min yukka.
Äyter süzem – atır ugım
Tisen dimen unlıkka.

Ul cäyädän ıçkınır da
Kiter tizdän atılıp.
Süz äytü dä bu zamanda
Üzenä kürä batırlık.

Äyter süzem – atır ugım,
Beläm kaya tiyäsen.
Tiz oça ul – ozaklamas,
Tabır ul üz iyäsen.

Soñgı sınau örketä

Turı gına salınmagan –
Bargan yulım uraudır.
Cirdä yäşäü keşe öçen
Sınau artı sınaudır.

Küp sınaldım, inde citkän
Kartlıgıma barganda.
Şulay dim dä, tınıç kına
Yaşäp bulmıy haman da.

Kilep çıga tormışımda
Sınaunıñ iñ yañası.
Ahrı soñgı sulışkaça
Bu cirdä sınalası.

Ütärmenme, yukmı dimen –
Soñgı sınau örketä.
Bakıy dönyaga küçkäçten
Sirat küpere kötä.

Can

Soñgı köndä cannı tännän
Ayırır ülem genä.
Bakıylıkka küçkännän soñ
Kalır ul üze genä.

Färeştälärgä iyärep
Kitär ul kükkä menep.
Beläm, hoday hozurında
Çiksezlek häm mäñgelek

Anıñ öçen ul çagında
Kalmastır vakıt – ülçäm.
Ülem aña karalmagan –
Can – mäñgelek. Can isän!

Hak Täğalä kodrätendä
Anı yäşätü küktä.
... Sirat küperen çıgarga
Kıyamät könen kötä.

Kar yauganda

Talgın gına kübäläk kar
Cir östenä yauganda.
Yanä kalka söyeneçle
Rähät toygı cannarda.

Küñellär şat böten dönya
Ak bulıp kürengängä.
Küge – cire ber totaştan
Saflıkka kümelgängä.

Kübäläk kar böterelep
Uynap cirgä töşkändä.
Kar börtekläre şikelle
Kanatlana hislär dä.

Tın gına küzätä torgan
Dönyanıñ matur mäle.
Ak yurgan yabıngan cirem
Tatlı yokıda äle.

Millätemä

Töşkän näni oçkın citte –
Min kabındım, sünmämder.
Kabat dörläp kabınuım
Äy millätem sinnänder.

Min kabındım ällä sine
Uyatırga teläpme.
Belep bulmıy, nişlätmäslär
Yokıdagı millätne.

Vak millätläre yotılıp
İnde betep barganda.
Märtkä kitkän keşe tösle
Sin yokıda haman da.

Äy millätem uyanıp kal
Gayräteñ – köçeñ barda.
Sineñ yokı simertüeñ
Tik fayda doşmannarga.

Üzeñä dä ozak kalmas
Dineñ, teleñ betkändä.
Facigale il – yazmışıñ.
Küzeñne sal ütkängä.

Saban tuydagı şikelle
Kütärep sal köndäşne.
Üz – üzeñne yaklau öçen
Başla äydä köräşne!

İ tatarım...
Barmı andıy kaharmannar –
Kemnär çıgır yaklarga?
Töynäp kukiş kürsätälär,
İl kiräktä tatarga.

Sukır bulsañ da toyarsıñ –
Kukiş borın töbeñdä.
Millätem dip can atarlık
Yukmıni berkemeñ dä.

Der kaltıratıp torgan bit
Kayçandır sineñ isem.
Üz – üzeñne yaklamasañ
Kem sine yaklar diseñ.

Kürä torıp betkänneme –
Ya soñ närsä kötäseñ?
Bulmıy hiç safka bastırıp,
Ahrı nık örekkänseñ.

Cimertkäçten däüläteñne,
Urlatkaç iregeñne.
Baskınçılar üz ilendä
Suıra celegeñne.

Eçtän genä mıgırdıysıñ
Yanaganda teleñä.
Eh itsäñ dä kalkıp çıga
Yodrık borın töbeñdä.

İreksez yazmışıñ belän
Sin ahrı kileşkänseñ.
Köräşerlek häldä tügel
Äle bu kileştä sin.

Ber yodrıkka töynälep
Kiräk siña köç tuplau.
Köräşlärdä ciñü öçen
Berkemnän dä kurıkmau.

Min bähetle bulır idem
Kürsäm şundıy köneñne.
İ tatarım küptän vakıt
Kürsätergä üzeñne.

Tınıç yäşim

Üz könemne üzem küräm,
Citep tora bulganı.
Tuymas küzle yırtlaç bulıp
Basıp almıym dönyanı.

Citmi torgan çagında da
Çit öleşkä kul suzmıym.
Kürsäm küñelem bolgana,
Cenem söymi komsıznı.

Ber börtek kenä bulsa da
Östen küräm hälälne .
Dönyalıkta küp sınadım
Häram boza adämne.

Urlap tapkan saran baydan
Yuk, ber dä könläşmimen.
Şuñadır da, hoday şahit,
Tınıç kına yäşimen.

Minem tormış

Az da tügel, küp tä tügel
Üz yöklärem iñemdä.
Bulganına şöker itep
Yäşim tugan ciremdä.

Yalgışıp ta kergänem yuk
Kemneñder öleşenä.
Berni artık ömet itmim,
Rizamın tiyeşenä.

Küpne teläp kıbırsınmıym,
Citä bulgan tapkanım.
Hoday tazalıknı birgän,
Yäşim şuña şatlanıp.

Bay da tügel, häyerçe dä -
Tibräläm urtalıkta.
Bähetle gomer kiçeräm
Küñeldä hafa yukka.

Här yaña kön söyeneçle –
Şöker äle min isän.
Kuygan maksat – teläklärgä
Äkrenläp ireşäm.

Şöker itäm
Gomeremneñ altın öleşe
İnde ütep kitsä dä.
Şöker itäm tugan cirdä
Yaşämädem tipkädä.

Şöker itäm kayçagında
Kürmiçä torsalar da.
Yalvarulı karaş taşlap
Tormadım tupsalarda.

Şöker itäm Aktanışım
Kütärmäde, kakmadı.
Üzemnänder icatımda
Ber yaklauda tapmavım.

Yavız canlı keşelärdän
Şaktıy cäfa çiksäm dä.
Şöker itäm bu dönyada
Haman äle isängä.

Şöker itäm bulganına,
Çitlärdän könläşmädem.
Min tau diyep kukıraygan
Tümgäkkä tiñläşmädem.

Şöker itäm, aşıkmıyça
Haman, alga atladım.
Berkayçan da yäşävemneñ
Kıyblasın yugaltmadım.

Şöker itäm, üz köyemä
Kiçäm gomer üremne.
Kiräksez ber keşe itep
Toymıym äle üzemne.

Dönyam citeş, canım tınıç,
Yaşämimen ürtälep.
Gel al da göl bulmasa da
Hälem şöker itärlek.

İksez – çiksez mäñgelektä ...

Yuk dönyanıñ soñgı çige,
Yuk vakıtnıñ ahırı.
Gomanlaudan uza almıy
Keşelekneñ akılı.

Yuk anı ülçär ülçäülär,
Yuk anı sanar sannar.
Serlärenä töşenergä
Citälmi bezneñ añnar.

İksez – çiksez mäñgelektä
Azdır bezdän torganı.
Hak Täğalä bulu kiräk
Añlar öçen dönyanı.

Tuktap bulmıy

Kualıysıñ haman alga,
Ni teliseñ tagın küñel?
Kap urtada basıp kalıp
Mäydan totkan çagım tügel.

Uçak tösle yalkınlanıp
Buldı ütte ul yanular.
Ak käğazemä tekälep
Can sızlanıp uylanular.

Artıksınalar icatnı,
Ber uylasañ bik gacäp bit.
Tuk çıraylar ırcayalar
Şigıreñ kemgä hacät dip.

Barıp citep bulmastır şul
Tomalangan añnarına.
Akça kortı iyäläşkän
Küptän üle cannarına.

Döres alga kualıysıñ,
Şuña yazam tuktamıyça.
Yazam onıtıp dönyamnı,
Tönnären dä yoklamıyça.

Eçtän genä söyenämen
Şiğır cene kagılganga.
Yazam küñel buşatırlık
Rähät şögıl tabılganga.

Yaşävem – köräştä

Tormışımda yış tätemi
Bähetkä tiyenülär.
Çiratlaşıp kilä miña
Ciñülär, ciñelülär.

Ciñelülär dä bulgalıy
İnde ciñdem digändä.
Borın salındırıp tormıym
Tormışta ciñelgändä.

Yanä köräşkä ırgılam –
Tuktamıym, ücätlänäm.
Kötkän, ciñülärne yaulap
Hodaydan büläklänäm.

Yaşäü yäşäümeni dimen
Ciñülärsez, köndäşsez.
Şunsın beläm, bu tormışta
Yäşi almıym köräşsez.

Maktanmıym da, kıltaymıym da

Oçrasalar urap ütäm
Borının çöygännärne.
İş itmim min – minlekle
Üz – üzen söygännärne.

Ätäç kebek käpräyü
Yuk ul minem holıkta.
Baş tübämä täpäç töşep
Kalasım yuk hurlıkka.

Östenlegem bulsa ägär
Berkemgä sizdermimen.
Kukırayıp duslarımnı
Üzemnän bizdermimen.

Min üzemne başkalarga
Maktanıp tanıtmıymın.
Üz tiñem belän alışam,
Köçsezgä kanıkmıymın.

Minem kem ikänlegemne
Bolay da bit belälär.
Min kıltaymıym. Kıltaysınnar
Buşkuıklar – yülärlär!

Tugan cir

Şaulap üskän imän tösle
Tirändä tamırlarım.
İzgeläşkän iñ güzäl cir
Küñeldä tugan yagım.

Şuşı cirdän täüge tapkır
Täpi basıp kitkänmen.
Yözem kızarırlık tügel
Bügengem häm ütkänem.

Hıyallarım çınga aşıp
Çiksez läzzät toygan cir.
Yamle dä ul, gaziz dä ul,
İlahi ul tugan cir!

Söyenämen tugan cirgä
Kendegem berekkängä.
Bar gomerem bähet belän
Tınıç kına ütkängä.

Yaşäü älifbası

Berkem berni tiyeş tügel,
Üzem bälki tiyeşter.
Çittän berni ömet itmim –
Şulay yäşäü dörester.

Üzemne üzem yäşätäm
Hoday yärdäme belän.
Avır çakta taşlamasın,
Yakların anıñ beläm.

Şatlanam ägär kemgäder
Üzemnän yärdäm bulsa.
Häm ul kemder yahşılıknı
Añlarday adäm bulsa.

Cir yözendä här bändägä
İgelek kılu tiyeşter.
Kılganıña ällä nilär
Ömet itmäü dörester.

Sine uylap

Haman tözälep betmägän
Yöräktä yara eze.
Sinsez genä sagışlanıp
Ütkäräm gomer közen.

Sagınganda yuanamın
Fotañnı alıp kulga.
Bagışlangan şul gomerem
Tik sine yaratuga.

Sin bulmasañ bu dönyada
Miña tormış yuk sıman.
İrtä dimim, kiç tä dimim
Sine uylap yuksınam.

Yäşlegem iskä töşkändä
Koş sıman kanatlanam.
Rähätlek toyıp canımda
Sine uylap şatlanam.

Cavapsız mähäbbät

Kötmägändä ber kürüdä
Bulganga siña ğaşıyq,
Äkiyättägeçä endäştem:
«Sim, Sim işekne aç!» dip.

Parol döres bulmadımı –
Açılmadı işegeñ.
Kürep toram, sizep toram –
Tiñeñ tügel min sineñ.

Bulmadı dip kul seltädem,
Min kabatlap däşmädem.
Şuñadır da sine uylap
Sinsez genä yäşävem.

Yöräk türeñne yaulauçı
Bulalmadım min sineñ.
Minem öçen mäñgelekkä
Yabık küñel işegeñ.

Ber karaşıñ citä

Sineñ ber karaşıñ citä
Hislärne tereltergä.
Küñeldä davıl kuzgatıp
Oçırttırıp yörtergä.

Sineñ ber karaşıñ citä
Gölt itep kabınırga.
Aldıña sineñ tezlänep
Gomergä tabınırga.

Sineñ ber karaşıñ citä
Kanatlanıp oçarga.
Sak kına totıp bileñnän
Sine nazlap koçarga.

Sineñ ber karaşıñ citä
Hislärdän iserergä.
Mähäbbättän aynıy almıy
Meñ läzzät kiçerergä.

Şağıyr bit ul!..

Tatarga kiräkme, belmim,
Şağıyrgä kiräk tılmaç.
Tel – millät yugalgan ildä
Kitapları satılmas.

Kitapları satılmagaç
Nigä integep yazsın.
Cıynaulaşıp icatına
Çıgarga kala yäsin.

Halkı da tipke dä yöri
Şagıyre qadersezgä.
Türgä taba yul açıla
Cıyın yırtlaç - ärsezgä.

Şağıyr bit ul! Meskenlänep
İmäsen gorur başın.
Halkım dip yanıp yäşäp tä
İlendä yat bulmasın.

Şağıyr bit ul! Üz cirendä
Äylänmäsen sansızga.
Ul bulmasa ildä halkı
Äyläner vöcdansızga.

İl – millätneñ köräşçese,
Şağıyr – namus sakçısı.
Şulay bulgaç aña tiyeş
Yahşınıñ da yahşısı!

Kürgäne dä citä

Küräçäkne kürmi gürgä kerep bulmıy.
Äytem

Kürgäne dä citkän ide,
Tagın nilär kürerbez.
İnde yanası kalmagan
Kuzdan töşkän kümer bez.

Bolay bulsa küräçäkne
Kütärälmäs kübebez.
Teläsäk, telämäsäk tä
Citer soñgı könebez.

Bu dönyada kürgännärem
Biş gomergä citärlek.
Tagın nilär kürermen dip
Toram şuña ürtälep.

Millät hakında

Millät bezne işetmi,
Millät bezne tıñlamıy.
İmanın öşkerergä
Kiräk anıñ soñlamıy.

Millät bezne kürmi dä,
Millät bezne belmi dä.
Märtkä kitkän hälendä -
Yaşämi dä, ülmi dä.

Ütep barışlıy

Tartışmıy, bil alışmıy,
Yazmışıma karışmıy.
Vakıt kısıp şiğır yazam
Ütep kenä barışlıy.

İsäbem yuk köç barında
Tuktap hällär alırga.
Barsın bergä tartıp baram –
Zarlanmıym yök avırga.

Bergä ürelep barıla
İcatı da, eşe dä.
Tagın nindi yul kala soñ
Minem kebek keşegä?

Tantanaga äzerlänä -
Küñel sizä, yalgışmıy.
Tanılsam ide icatta
Ütep kenä barışlıy.

Maturlık ezlim dönyadan
Min maturlık ezlim bu dönyadan
Häm tabam da anı yış kına.
Maturlık ul asıl ber koş sıman,
Tottım disäm kuldan ıçkına.

Min maturlık ezlim bu dönyadan
Hozurlanıp karıym kügenä.
Cemeldägän yaktı yoldızları
Serdäşlärem bulıp kürenä.

Min maturlık ezlim bu dönyadan
Kayınnarın koçam hıyalda.
Hisläremnän güyä tagan yasap
Tibrälämen tatlı uylarda.

Min maturlık ezlim bu dönyadan
Çäçäklären übäm iyelep.
Barsı tanış monda, barsı yakın –
Yäşim cirdä söyep, söyelep.

Min maturlık ezlim bu dönyadan
Nazlap däşäm sılu irkämä.
Nurlar çäçep miña karıy da ul,
Kabatlıy ber süzne: «İrkälä!»

Min maturlık ezlim bu dönyadan
Eş yulıgam yaktı yözlärgä.
Kiñ küñelle yahşı keşelärne
Turı kilmi ozak ezlärgä.

Min maturlık ezlim bu dönyadan
Çişmälärneñ tıñlap agışın.
Küpme küzläp üzen kürmäsäm dä
İşetmämen bılbıl tavışın.

Min maturlık ezlim bu dönyadan
Biyek taudan küzläp üzänne.
Küräm asta tönboyıklı küldä
Akkoşlarnıñ parlap yözgänen.

Min maturlık ezlim bu dönyadan
Bal kortıday kunıp çäçäkkä.
Tapkan sayın köç – kuätem arta,
Şul maturlık mine yäşätä.

Bezneñ surät

Zaman – tarihnıñ közgese
Anda bez çagılabız.
Törkem – törkem bolıtlarday
Kayadır agılabız.

Anda tuzanlı katlamga
Uyılsa da ezebez.
Tonık kına surätlärdä
Kürenäbez üzebez.

Ällä nigä ul közgedä
Kıyşagan kük yözebez.
Cen – şaytan kıyafätendä
Anda bezneñ kübebez.

Kay yakka gına karama
Çornap algan kotsızlık .
Ul közgedä çagıladır
Ruhıbız nıksızlık.

Bez bit anda yöz yıldan soñ
Zamannıñ mäyetläre.
Bik ihtimal bezne tetep
Kemnärder ğayepläve.

Bozmıyça kürsätä torgan
Zaman – tarih közgese.
Aldagısın niçek bulır,
Çirkangıç bügengese.

Änilärne kisätü

Kızıñ negrnı yaratsa
Negr bulır onıgıñ.
Appagım dip, yomşagım dip
Tibräterseñ könozın.

Kızıñ urısnı yaratsa
Urıs bulır onıgıñ.
Baş oçına täre kuyıp
Tibräterseñ könozın.

Kızıñ tatarnı yaratsa
Tatar bulır onıgıñ.
Eçtän genä doga ukıp
Tibräterseñ könozın.

Tibrätmi kaya kiterseñ
Onıgıñnı bişektä.
Teläk telä: üz milläten
Tapsın kızıñ niçek tä.

Atlar kilä!

Tıyılalmıy biyep torgan
Yarsu çakları.
Alga keşnäp tomırıla
Çabış atları.

Batır yeget, matur yeget
Tezgen kulıñda.
Ciñülär yış nasıyp bulsın
Tormış yulıñda!

Balaçaktan canga tansık
Toyak tavışı.
Därtländerä, äsir itä
Atlar yarışı.

Atlar kilä! Atlar kilä!
Küzlär şul yakta.
Büläkneñ dä iñ zurısı –
Ciñüçe atka.

Büläksez kalmaslar ansı
Başka atlar da.
Tatar atnı yuldaş itkän
Avır çaklarda.

Tezgen tota algan malay
Atka atlansın.
Halkımda atka mähäbbät
Mäñge saklansın.

Veterannar

Orden – medallär tüşlärdä
Çıñlap toralar.
Sugış utın kıyu kiçkän
Çın batır alar.

Veterannar, veterannar –
Tıngısız cannar.
Kaharmannar mäñgelekkä
İl sezne danlar!

Saklagannar tugan ilne
Kurkınıç çakta.
Alar bezneñ arabızda
Bügen dä safta.

Yaugirlärneñ batırlıgın
Saklasın cirem.
Alar mäñge soldatları
Ciñelmäs ilneñ.

Şundıy zaman
Ällä inde kön ütkärü genä -
Yaşäü mikän soñ bu, kem belä.
Añlıymı soñ üz haläten, mesken,
Yokımsırap torgan köngerä.

Can avazın işetüçe yuk şul,
Eläkkänbez güyä tozakka.
Çınlap äytäm, betep kitmägäyek,
Mondıy halät barsa ozakka.

Krizis dip laf oralar östän
Ä kemnärder haman tipterä.
Haman da şul mesken halätendä
Gadi halık kına nikter, ä?

Beräü bayııy. Meñnär – häyerçelär.
Äyterseñ lä şulay tiyeş lä.
Änä dilär, Räsäy kämit kuya,
Çit il maymılları köleşä.

Kuş bugazlar nigä kıçkırmıylar
Astagılar häle, yaman dip.
Yalgan belän şarday kabartılgan
Bu bolgançık sorı zaman dip.

Kötmä kemder kerer häleñä dip,
Kurkaklar bit härçak bitaraf.
Şundıy zaman. Berkem ber süz äytmäs
Atsalar da sine botarlap.

Könlekçelär, kollar surätendä
Tormış sähnäsendä bügen bez.
Hayvan tösle – tamak kına tuysın,
Tuk tormışnı huplıy kübebez.

Soñarmıyça çañ sugarga kiräk,
Köräşçelär yuk dip arada.
Eşläp torıp häyerçegä kalgan
Mesken tormış, kaya karama.

Kaharmannar kayda sez?

Gadel patşa ber kiler dip
Kötep yatu faydasız.
Millät hakın yaklıy algan
Kaharmannar kayda sez?

Kayda sez dim ürsälänep,
Nigä cavap birmisez?
Sezneñ bulu – bulmavıgız
Minem öçen bilgesez.

Kayda dim fidan cannar
Halkın yaklap çıgarlık.
Haklık öçen köräşergä
Bolayda bit soñardık.

Buldırabız digän bulıp
Buş kuık oçırabız.
Yuk millätem sin ışanma –
Kimibez, kısılabız.

Kaya barırga belmiçä
Yöri sarık kötüe.
Bez dä şulay. Bolay bulsa
Ozak tügel betüe.

Yort tübäbezgä ut kapkan
Çañ sugu da azdır la.
Milli ruhlı köräşçelär
Sez isänder, bardır la.

Betkänne kötep yatmagız,
Bulsagız endäşegez.
Tel – din öçen, millät öçen
İl öçen köräşegez!

Säbäp yuk

Mäzäk tapmıym cirgä yatıp
Tägäräplär kölärgä.
Ber säbäpsez kölsäm ägär,
Ohşatırlar yülärgä.

Yuk kaygım da üksep – üksep
Ükereplär yılarga.
Buşanıym dip ayak astın
Yaşem belän yuarga.

Belmim, ozak yäşärmenme
Bu tıyınkı halättä.
Kölärgä dä, yılarga da
Yuk bernindi säbäp tä.

Bar ışanıç Hodayda

Şiğır aşa yarsıp – kızıp
Döreslekne yullavım.
Äväl üzebezdän küräm
Gadellekneñ bulmavın.

Saylaularda yırtlaçlarnı
Üzebez kütäräbez.
Çın yözlären küräbez dä
Soñınnan ürtäläbez.

Kandidatka yuk, barmıy dip
Kisterep süz äytmibez.
Tormış artka tägärägäç
Kemneder ğayeplibez.

Televizorga kaplanıp
Saylaudan şou yasıybız.
Çittän genä küzätäbez,
Üzebez katnaşmıybız.

Kürä torıp köylägänbez
Barsın äydä yararga.
Bezneñ tormış bezgä kiräk
Kiräk tügel alarga.

Kürep torabız bezsez dä,
Östä yahşı bolay da.
Tigezläsä ul tigezlär,
Bar ışanıç Hodayda.

Teläp algan gazap

Ällä inde naçar küräm,
Ällä köne bolıtlı.
Yaza – yaza küzem tondı –
Yal digänne onıttım.

Şiğır digäne küñeldän
Çıga sıgılıp kına.
Uylarımda ber taralsam
Bulmıy cıyılıp kına.

Häterem dä naçar bugay –
Ezlägänne tabalmıym.
Ber yul yazsam da üzemne
Şiğır yazdım dip aldıym.

Niçek yulıktım ikän dip
Bu sülpän halätemä.
Yazam diyep gazap çigü
Äverelgän ğadätemä.

Zarlansam da tüzmi bulmas
Teläp algan gazapka.
Telim bu tatlı gazapnıñ
Suzıluın ozakka.

Küp kalmastır

Ber bulıp alga barmagaç
Yuk säbäp söyenergä.
Azlap – azlap çigenülär
İltäçäk ciñelügä.

Räsäy belän inde küptän
Arkan tartıp uynıybız.
Tartışabız – ciñelüsez
Ütär diyep uylıybız.

Mondıy tigezsez köräştä
Bulmastır şul moğciza.
Köç – Räsäydä. Ul uyınnı
Yuri ozakka suza.

Üz yagına tarta Räsäy –
Här adım çigenüle.
Bolay bulsa küp kalmastır
Tanırga ciñelüne.

Külägädä

Kürmämeşkä salışalar
İcatımnı, eşemne.
Soñ çikkäçä - ikelätä
Tüksäm dä min köçemne.

Kütärdelär, danladılar
Yörgännärne şomartıp.
Hikmätneñ nidä ikänen
Añladım min soñartıp.

Eşeñ tügel, kiräk ikän
Türälärgä yaravıñ.
Yalagay etkä äylänep
Taban astın yalavıñ.

Yuk şul inde yalgan danga
Min aña künekmägän.
Kimsetmägän – şağıyr itep
Hodayım büläklägän.

Üz köçem belän tapkanım –
Şunsı da citep aşkan.
Gayıplärgä aşıkmagız
Zarlansam kızgan baştan.

Kötäm

Baktıñ isä moñayırga
Yuktır kebek säbäp tä.
Tik küñel haman nigäder
Eş töşenke halättä.

Buldı citte zar – yılaular
Çik kuyırgadır moña.
Bar da äybät şikelle bit,
Närsä citmi soñ miña?

Närsä citmi – şul sorauga
Hiç yuk cavap tapkanım.
Yäş sabıyday kötäm nazlap
Kemneñder yuatkanın.

Biyek tügel kalançam

Şiğırdä sezgä citkeräm
Kalançamnan kürgänne.
Roman yazıp taşlarga
Citärlek kürengäne.

Romannar yazıp tormıym,
Citmäs ihtıyar köçem.
Cay çıgarıp şiğır yazam
Min duslar sezneñ öçen.

Kayçagında tau aktarıp
Tabam asıl fikerne.
Häzinä dip cenlängännär
Altın tapkan şikelle.

Şigıremdä töbäp atam
Tigerim dip üzäkkä.
Şiğır şiğır bulamıni
Ütmägändä yöräkkä.

Menep basıp kalançama
Suzamın tormış cırın.
Här icege – avazına
Salıngan küñel cılım.

Ofıknı gına kürerlek-
Biyek tügel kalançam.
Şunsına da şöker itäm,
Berär şiğır yazalsam.

Añla

Totaş cep bulıp suzıla
Ütkäneñ häm aldagıñ.
Ütkänsez bulmıy kiläçäk,
Şunı kiräk añlavıñ.

Nindi ğamällär kılgansıñ –
Küz töşer ütkäneñä.
Şunduk dustım töşenerseñ
Sine ni kötkänenä.

Ütkäneñ – bula çäçkäneñ,
Aldagıñ – uraçagıñ.
Añla alaçak uñışnı
Üzeñnän toraçagın.

Borçıldıra

Borçıldıra millätemneñ
Ütkäne, kiläçäge.
İmperiyä kısasında
Mesken bulıp yäşäve.

Rähim – şäfkat kötäm dimä
İke başlı börkettän.
İl kügenä kabat kayttı
Niçä ğasır örketkän.

Belmim, ozak yäşärbezme
Anıñ kanat atsında.
Şunsın küräm, açık toyam
İman yuk karaşıñda.

Sine kollıkta yäşätkän
Şul ilneme söyärgä?
Uylıy – uylıy başım katkan,
Belmim närsä diyärgä.

Onıtkanbız bez irekne,
Künekkänbez kollıkka.
Yokımsıragan işäkkä
Ohşaganbız çınlıkta.

Buldı

Dus diyep yörgännär belän
Buldı doşmanlaşu da.
Kayçakta hällär kuyırıp
Citte yakalaşuga.

Säbäben ezläp tormadık,
Gayıplene tiz taptık.
Uylamıyça kızıp kitep
Ber – berebezgä taş attık.

Az bulmadı taşlar tiyep
Baş tişelgän çaklar da.
Tuktatam dip yuk çıkmadı
Berkem bezne yaklarga.

Häyer, nigä söyläp toram ,
Bu bit inde küptännän.
Äytä küñel yalgışmaska
Sabaklar al ütkännän.

Gomer yulı

Tugannan ülemgä qadär
Keşe härçak säfärdä.
Yazmagan Hodaydan aña
Tınıç kına yäşärgä.

Ällä ofıgı küçäme,
Ällä yulı çiksezme.
Küñelennän nindider köç
Alga äydi keşene.

Kay yakka gına barsa da
Här keşeneñ üz yulı.
Üzennän tora yış kına
Anı niçek uzuı.

Kemnärder layıklı ütä,
Ä kemnärder sınata.
Tormış karurmanın ütü
Katlaulı şul çınlap ta...

Şunı gına äytä alam
Eşkä cigep akılnı:
İmanlı can bulu kiräk
Tabır öçen hak yulnı.

Astı öskä kilgän sıman

Küpme keşe kitep bardı
Salkın gürgä ber yılda.
Küñel aldan sizep tora
Kim bulmastır bıyıl da.

Ülem – kitem digännäre
Küräm tuudan artık.
Rizıgı betkännärne
Töşerä gürgä tartıp.

Bar bit äle salkın gürgä
Vakıtsız kitkännär dä.
Ülgänen bulmas kaytarıp,
Bar ömet isännärdä.

Östä bik yış talaş – ızgış
Güreñä kersäñ tınıç.
Astı öskä kilgän ahrı
Bezneñ cirdäge tormış.

Östägelär uyını

Östägelär karga törtep
Ak tügel kara dilär.
Küz akaytıp bezneñ belän
Kileşmi kara dilär.

Aknıñ kara tügellegen
Belmi diseñme alar.
İhtıyarıñnı cimerep
Täm taba, yuanalar.

Kiräk ikän totınalar
Kiresen isbatlarga.
Alar ostanıñ ostası
Karadan ak yasarga.

Çigenderü mömkin tügel
Alarnı bu uyınnan.
Karşı kilgän töşep kala
Alarnıñ uyınınnan...

Aknı kara, karanı ak
Dip äytkänem bulmadı.
Minnän başka da citärlek
Butauçılar dönyanı.

Küñel ciñü teli

Kalmadı artık vakıtım,
Tañ atsa yulga çıgam.
Ofıgım çigenä barıp
Citmäsmen dip borçılam.

Monnan soñ dim bula almıy
Tuktalu – çigenülär.
Bula almıy ottırular,
Kiräk fäqat ciñülär.

Alga taba bar köçemä
Kuam Pegas atımnı.
Can telägän biyeklekkä
Kütäräm icatımnı.

Maksatıma ireştem dip
Bulsaçı söyenülär.
İnde küptän icatımda
Küñel teli ciñülär.

Min känağat

Dönyanı min tudırmagan
Dönya mine tudırgan.
Ber dä yat itep tormagan
Koçagına sıydırgan.

Dönya buylap alpan – tilpän
Täpi basıp kitkänmen.
Şul kitüdän tuktamıyça
Gomer yulın ütkänmen.

Gomer yulın ütä - ütä
Citkänmen kartlıgıma.
Meñ gazaplı bulsa da ul
Tuydırmas yaktı dönya.

Äcäl yakadan alsa da
Kitäse kilmäs annan.
Ul minnän niçekter, belmim,
Känağat min dönyamnan.

Hökem bulır

Küpme gönah yasagannıñ
Barmıy cirdä isäbe.
Sizep toram şaktıyıbız
Küptän tämug kisäve.

Hur bulırsıñ gönah yasap
Çıksañ ägär çıgırdan.
Ütär diyep ömetlänmä -
Hökem bulır soñınnan.

Kıyamättä Allabıznıñ
Hökeme bulır katgıy.
Tämugta gına yanarlık
Gönahlı cannar şaktıy.

Kitü kotılgısız

Kitmäs tösle yörsäk tä bez,
Barıber kitäçäkbez.
Moñayıp iskä alırga
Hätergä küçäçäkbez.

Uçak sünä bargan tösle
Gomer dä kimi tora.
Äcäl bezgä häyerhahlı –
Älegä timi tora.

Maksatıbız imanlımı,
İreştekme bez aña?
Bernigä dä ireşmiçä
Kitmibezme dönyadan?

Zurdan kubıp başladık ta,
Nilär genä maytardık?
Barmı kılgan ğamälebez
Keşe diyep atarlık?

İnde yäşäp kürsättek bit
Tagın ni soñ kötäbez?
Kitmäs tösle kıylansak ta
Kitäbez şul, kitäbez!

Küñelsez uylar

Yörilär küñelsez uylar
Çerki tösle bezeldäp.
Kaçıp ta bulmıy kotılıp –
Tabalar mine ezläp.

Tabalar da kabähätlär
Totınalar talarga.
Küp bulgaçtın ciñel tügel
Karşı toru alarga.

Kiräkmägän şul uylarnı
Yalıktım kua – kua.
İnde kimi töşte disäm
Ör – yañaları tua.

Kotsız, küñelsez uylardan
Äytep toram: min garık!
Bar telägem, böten uyım –
Betsen alar yugalıp.

İrekle dä, kol da

İrekkä kuygan şul Hoday,
Ber kısada totmagan.
Parlap cirgä töşergän dä
Tıkşınudan tuktagan.

Cirdä adäm balasınıñ
Belgängä ul azasın.
Şuña kıyamät könendä
Uylap kuygan cäzasın.

Döres eşlägän Hodayım
Açıp ğamäl däftären.
Här könne terkäp barıla
Cirdä niçek yäşäveñ.

Hoday ğadel – ul däftärdä
Bula almıy yalgışu
Färeştälär tarafınnan
Yazıla sineñ yazmışıñ.

Koränçä yäşäsäk kenä
Hoday kuşkan yulda bez.
Fani dönya digänen dä
İrekle dä, kol da bez.

Altın urtaklıkta

Cirneñ gadi keşese min –
Yuk däräcäm maktanır.
Mesken bulsam kürep alır
Doşmannarım şatlanır.

Zarlanırlık tügel äle –
Çamalıym üz hälemne.
Berkemgä zıyan kitermi
Kılam ğamälläremne.

Öskä menmim, aska töşmim,
Min – altın urtalıkta.
Bähetle dip borın çöymim,
Yaşämim uftanıp ta.

Yaşävemneñ asılına
Torgan sayın töşenäm.
Çiktän çikkä ırgılmagan
Köyle gomer kiçeräm.

Şiğır häm yomırka

Tavık yomırka salganda
Min yülär şiğır koyam.
İlham kilgändä üzemne
Çiksez bähetle toyam.

Sorıysım kilä kemnänder
Kaysı tämleräk diyep.
Şiğırlärne yomırkaday
Aldına kuyam öyep.

Beläm zamannıñ balası
Yomırkaga üreler.
Şiğırdän bizgän mokıtka
Ul tämleräk kürener.

İsbatlarga kiräk bulmas
Minem yülär ikänne.
Añlamamışka salışıp
Sikertermen cilkämne.

Aptıratıymmı, tinterätimme...

Aptıratıymmı, tinterätimme –
Şundıy uyın baradır.
Bu uyınga kuşılganbız
Bez hämmäbez, karagız.

Halık uylap çıgarmagan
Östän takkan uyın bu.
Östägegä berni tügel,
Astagıga kıyın bu.

Az – maz pensiyä arttırıp
Uynaş bäyä kütärep.
Buş kesäle gadi halık
Yäşi şuña ürtälep.

Aptıratıymmı, tinterätimme –
Ber dä kürenmi oçı.
Torgan sayın avıraya
Astagılar tormışı.

Kargıldıylar şul...

Kön tudımı kar da kar dip,
Karga nigä kargıldıy?
Kolak yarıp kıçkıruı
Ahrı miña kagılmıy.

Belep toram min fäqıyrgä
Ber üçe yuk karganıñ.
Tölke bulıp avızınnan
Cimen tortıp almadım.

Oyasın da tuzgıtmadım
Ürmäläp öskä menep.
Miña karap kargıldıy bit,
Tıgılsın inde öne.

Tondı kolak. Ä ul yavız
Uylamıy da tuktarga.
Ä min yülär nervlarnı
Beteräm bit yuk barga.

Öydä hatın kargıldasa
Karganıkı çüp kenä.
Tamak yırtıp ul kıçkırsa
Ülmi kalam çüt kenä.

Annan uylıym

Yözem – tökse, telem – kötek,
Sizelä bökerem dä.
Minem kebek häsrätlär
Kiräkmi berkemgä dä.

Ülep kitsäm bülgälärlek
Kürenmi baylıgım da.
Kartaydım bit, şäptän tügel
Tazalık – saulıgım da.

Kıyşayırga gına tora
Küptän iske yortım da.
Minem kebek imgäk cannar
Kiräk tügel çurtım da.

Kön dä şulay irtän torıp
Üzemä hökem yazam.
Yahşırak ta bulır ide
Bu dönyada bulmasam.

Annan uylıym – nik zarlanam,
Min bit ayak östendä.
Tayakka da kalmaganmın,
Azmı – küpme köçemdä.

Yapa -yalgız da yäşämim,
Şöker, ğailäm böten.
Üz könemne üzem küräm,
Borçıymıy mine berkem.

Min mögayın bulganına
Şöker itä belmimder.
Yuk kaygılarnı bar itep
Yözne sıtıp yörimder.

Yavız canlı bändälär
İhtıyarga kuymıylar –
Nervmnıñ kıllarında
Çiratlaşıp uynıylar.

Minem bar da tärtiptä -
Aç bürelär ulasın.
Elatmakçı bulalar
Kilmägändä yılasım.

Artık tınıç kürenäm
Alarga min küräseñ.
Köldermäkçe bulalar
Kilmägändä köläsem.

Ber katlı buldıñ isä
Alar mahir etlekkä.
Eç poşa dönyasında
Şundıy cannar küplekkä.

Ütkännärne uylaganda

Avır, kaygılı çagımda
Yaklauçı tabılmadı.
Min kiçergän kıyınlıklar
Berkemgä kagılmadı.

Tıştan sizdermi yörsäm dä
Eçtän yarsıp üksedem.
İş itmilär, çit itälär
Minem kebek üksezne.

Doşman yagına avıştı
Dus diyep yörgännärem.
Sataşulı töşkä ohşaş
Ul çakta kürgännärem.

Gıybrät öçen genä kaldı –
Alar inde ütkändä.
Mıştım ayak çalgannarga
Kimi töşte üpkäm dä.

Yavız kabähät cannardan
Hak täğalä sakladı.
Kabat torgızıp bastırdı
Anıñ mine yaklavı.

Simez kortlar

Simez kortlar täqrarlıylar
Lenin babay tile bulgan.
İnkıylabka qadärle ük
Tormışıbız köyle bulgan.

Simez kartlar fikerençä
Bulgan, bulır häyerçe, bay.
Ezlämä dä - yuk tigezlek,
Köylängän bit tormış şulay.

Kemder tugan eşlär öçen,
Kemder tugan talar öçen.
Simez kortlar yahşı belä
Ocmah monda alar öçen.

Cirgä küptän iyäläşkän –
Simez kortlar küp şul alar.
Totıp alıp sıtuçı yuk,
Şuña alar uzınalar.

Küp minem işelär

Sanıy kitsäñ çut – sanı yuk –
Küp ul minem işelär.
Yäşim diyep azaplangan
Tökse yözle keşelär.

Başın iyep tora alar
Häterlätep eş atın.
Gel kimsenep yäşi alar
Ala almıy üz hakın.

Kualaunı gına belä
Atnı eşkä cigüçe.
Üzeñ kayırıp almasañ
Yuktır biräm di̇yüçe.

Çıbırkılap şäp kualıy
Kem kulında dilbegä.
Halık mesken kön – tön eşläp
Türälärgä bil bögä.

Turayırga vakıt tapmıy
Gomer ütä eş belän.
Sanıy kitsäñ çut – sanı yuk,
Küp ul minem işelär.

Şulay mikän

Bezdä bar da äybät dilär,
Bez dä bar da tınıç dilär.
Üsenderep baştan sıypap
Sin kübräk tırış dilär.

Küptän açunı kiterä
Eş atına tiñnäüläre.
Kuıp tıngı birmäüläre,
Ber dä hälne belmäüläre.

Üzlärenä fayda kürep
Eşlätälär yalga kerep.
Sin tilegä şul kiräk dip
Karıy alar östän kölep.

Sin – hezmätçe, alar – türä
Sin eşliseñ, alar bülä.
Eşlämäsäñ aç kalasıñ
Hutıñ yuknı alar belä.

Sin tudırgan bar baylıknı
Üzlärenä agızalar.
Can asrarlık kına itep
Siña az – maz tamızalar.

Şöker, bar da tınıç dilär
Bez dä äybät tormış dilär.
Yuhalanıp baştan sıypap
Sin ülgänçe tırış dilär.

Tormış sähnäsendä

Keşe tormış sähnäsendä
Meñ surätkä kerep uynıy.
Nilär genä kıylanmıy ul –
Kürmilär dip ahrı uylıy.

Bitlek kiyep uynasa da
Kürä, tanıy yandagılar.
Şular caynı kötep tora
Kundırırga yañagına.

Keşe öçen dönya üze
Korılganday kıylanuga.
Köläse yuk, kayçak kemder
Ohşap kalganda maymılga.

Dönya bit ul, äytep bulmıy,
Bu hälgä töşmäs kaysıbız.
Mäclestä isereşsäk
Cıyılıp kämit yasıybız.

Kötmi keşe alkışlaular –
Ber tiyensez – uynıy buşka.
Soñ köngäçä bez inde ul
Kämitçelär bu tormışta.

Şäptän bulmas

Bitaraflar cavabı ul:
Belmim, kürmim, işetmim.
Tile, sukır, çukrak bulıp
Yäşi alam niçek min?

Dönyada nilär bargannı
Tiz toya sizger canım.
Minnän başka da citärlek
Kurkakları dönyanıñ.

Süz äytälmäs kurkak bulsam
Mine kem soñ sanlasın.
Yanıp yäşim, küñelemdä
Tıngılık yugalmasın.

Köräşçelär betep bara –
Hafalanmıym min yukka.
Şäptän bulmas dönya kalsa
Bitarafka – yomıkka.

Şäptän bulmas örkep millät
Adım sayın çigensä.
Kulların öskä kütärep
Köräşmi dä ciñelsä.

Aldagı ömet

Dönya kendege bulmadım,
Bulmadım şörebe dä.
Täkäbberlek, ya kimsenü
Yörtmädem küñelemdä.

Tıynak gomer kiçersäm dä
Beläm üz urınımnı.
Şiğırlärdä rasladım
Cirdä kem buluımnı.

Taptap türgä ürmälämi,
Şağıyr halkı üzgäräk.
Kendek bulıp yörgännärdän
Urın aña türdäräk.

Talamadım, urlamadım
Üz köçemä yäşädem.
Bulganına şöker itäm,
Borçımıy kiläçägem.

Yalgan dannar çüpkä oçar –
Vakıt barsın cilgärer.
İl – ciremdä şağıyr bulıp
Tanılırmın min dä ber.

Millät yäşär

Ana söte belän señgän –
Millät game – minem gam.
Millätemne kaygırtunı
Başlau kiräk üzemnän.

Min dä, sin dä kaygırtmasak
Kem soñ anı kaygırtır.
Tez çükmiçä millät yäşär
Nıklı bulsa il – yortı.

Millät yäşär, ozak yäşär
Din – telennän bizmäsä.
Dan – şöhrätle ütkänennän
Kiläçägen ezläsä.

Millätem isän bulganda
Şöker, min dä yäşärmen.
Ul bit minem küñel gamem,
Ömetem – kiläçägem.

Säyer mähäbbät

Akılımnan şaşam tösle
Yaratudan üzeñne.
İşetergä zar – intizar
Söyäm digän süzeñne.

Däşmiseñ, tik yılmayasıñ,
Nigä şulay serle sin?
Yanıñ da yörep kürmiseñ,
Berni dä sizdermisen.

Söyäm diyep min üzem dä
Äytergä kıyınsınam.
Bezneñ säyer mähäbbät
Serle ber uyın sıman.

Sizderergä kıymıysıñmı,
Hisläreñ yäşerenme?
Bälki sin dä kötäseñder
Söyäm dip däşüemne.

İrkä gölem

İrtän iskän talgın cildä
Göl yafragın selketä.
Söyäm digän nazlı süze
Küñelemne cilketä.

İrtä tañnan oçıp argaç
Kübäläk kungan gölgä.
İrkäm minem – irkä gölem
Bigräk yakın küñelgä.

Alma suzsa da canıyım,
Yaratkanım çiyäder.
İrkäm minem – irkä gölem,
Ul da minem söyäder.

Bersennän berse maturlar –
Tirä yagım göl genä.
Minem irkäm iñ maturı –
Dönyasında ber genä.

İrtänge naryadta

Yodrık belän tügel monda,
Süz belän dömbäslilär.
Teldän kalgan cıyın kurkak
Ber karşı süz däşmilär.

İrtän här kön cıyıp türä
Dömbäsli kuştannarın.
Belep bulmıy kurkaklarnıñ
Korımı ıştannarı.

Ellar buyı utıralar
Ber balık başın çäynäp.
Nık eläksä, kay çagında
Alalar çäyläp – mäyläp.

Türä örketep torırga
Oyıştıra gauganı.
Kotılalar ğayeplärne
Ber – bersenä audarıp.

Ezli alar cıynaulaşıp
Gayıplene gel çittän.
İsäpläre - ärlänüdän
Çittä kalu niçek tä.

Aptıraulı halät

Menep basıp kalançama
Citte isäp totar çak.
Küptä tügel, az da tügel –
Yazgannarım ber koçak.

Artık berni ömet itmi
İcatka kilep kerdem.
Kön – tön yazıp ukuçıma
Närsä dim ireşterdem.

His – toygı, uylar buyınça
Buldımı alar işem.
Äväl äle ukuçıga
Tanışmı minem isem?

Het berseneñ küñelendä
Ut kabıza aldımmı?
Häterlärennän sızılıp
Ällä soñ yugaldımmı?

Toram gomer kalançamda
Ni äytergä belmiçä.
Meñ gazaplı icatımnan
Kitsämçe ciñelmiçä.

Gomer kiçkändä

Uyın tügel, gomer kiçü,
Şaktıy yullar uzılgan.
Kiçmägäne – aldagısı
Ofıkkaça suzılgan.

İñnäremdä yök kütärep
Üttem gomer ürlären.
Kırıs, ayausız tormışta
Nilär genä kürmädem.

Şöker mämi avız tügel
Köräşçe min tumıştan.
Gel al da göl bulmasa da
Zarlanmıymın tormıştan.

Utırıp ber tın alam da
Onıtıla aruım.
Alga – koyaş bayışına
Salmak atlap baruım.

Nider bar

Adäm, Hava balaları –
Hämmäbez dä tugan bez.
Hayvan bulıp tumaganbız,
Keşe bulıp tuganbız.

Şunı yahşı añlap torıp
Nigä soñ etläşäbez.
Ni citmi? Ni büleşäbez?
Bugazdan teşläşäbez.

Hätere yaman hayvanday
Üçne ozak saklıybız.
Duslaşıp yäşäü ämälen
Nik soñ äle tapmıybız?

Hayvannıñ da ise kiter
Bezdäge min – minlekkä.
Kanga batıp sugışular
İltmi ul iminlekkä.

Eş sorau tua küñeldä
Bez soñ nindi ömmättän?
Almaştırgan mällä bezne
Cennär çıgıp çülmäktän.

Keşeçä yäşi belmibez
Yuksa nider bar monda.
Bolay bulsa ozak tügel
Äylänüe maymılga.
...Tämugka çirat kötäbez
Ahırzaman aldında.

Ölkännär avızınnan

At itterep cikte zaman
Tormışta kat – kat kıynaldık.
Künep yazmış tipkesenä
Yaşägän bulıp kıylandık.

Yavızlarga kütärelep
Süz äytergä dä kıymadık.
Ös – yalangaç, tamaklar aç,
Yaşägän bulıp kıylandık.

Yäş bulsak ta üzebezne
Bähetle itep toymadık.
Mesken häyerçe hälendä
Yaşägän bulıp kıylandık.

Matur kiläçäk hakında
Kitaptan ukıp uylandık.
Kükräkkä teräp atkançı
Yaşägän bulıp kıylandık.

Kıylanıp, kıynalıp şulay
Şaktıy gomerlär kiçerdek.
Kollıkka duçar bulunı
Soñarıp kına töşendek.

Ni kaldıram?

Kaya barıp tuktalırmın,
Kaya dim soñgı çigem.
Kayçan dim açıp kerermen
Bakıy dönya işegen.

Añlıym, ber dä zıyan itmäs
Hästärlänsäm bügennän.
Kitsäm bu fani dönyadan
Ni kaldıram üzemnän?

Ni kaldıram? Küñelemne
Şuşı sorau gazaplıy.
Beläm ciñel tügellegen
Tabu aña cavapnı.

Ülemgä mädhiyä

Bu dönyadan kitep kenä
Kaçıp bula üzeñnän.
Soñgı köneñ kotılgısız –
Kaçıp bulmıy ülemnän.

Yäşise inde yäşälep
Gomerkäyeñ betkändä.
Cirdän genä tügel ülem
Taba sine küktän dä.

Şunsı beraz ayanıç şul,
Şunsı beraz küñelsez:
Tabıp bulmıy – cir yözendä
Yuk ber keşe ülemsez.

Mömkin tügel bu dönyanı
Añlavı bolay gına.
Kem bulsa da keşe tügel,
Ülemsez Hoday gına!

Kildem diyep avaz salu –
Tuu äle çüp kenä.
İntegep yäşi dä keşe
Kotıla ülep kenä.

Belmim nilektän kiläder
Mondıy uylar küñelgä.
Artık ber dä isem kitmi
Hoday birgän ülemgä.

Yarap tora

Gel alga gına barmadım
Tuktaldım da, çigendem dä.
Gel ciñep kenä tormadım.
Kayçagında ciñeldem dä.

Çigendem dip, ciñeldem dip
Yasamadım annan kaygı.
Ücätlekne eşkä ciktem –
Ciñü öçen taptım caynı.

Yazmışıma yuk ber üpkäm
Batır itep çöymäsä dä.
Yözemne sıtıp yäşämim
Kemnäreder söymäsä dä.

Ahır çiktä tigezläşte
Tapkanım häm yugaltkanım.
Yuk tormışta berkemne dä
Räncetkänem, yılatkanım.

Kiçerä kür berük Hodam
Bulsa az – maz gönahlarım.
Yarap tora yäşävem dip
Üz – üzemne yuatamın.

Tauga mengändä

Yuk zarlanmıym tau biyekkä,
Mengän sukmagım targa.
Menälmi gazap çiksäm dä
Dönyanı kümmim zarga.

Ansız şatlık kilmäs tösle –
Künegelgän gazapka.
Tüzäm küñel köysezlege
Suzılsa da ozakka.

Karşı issä genä inde –
Artımnan cil dä etmi.
Häldän tayıp kütäreläm,
Berkem dä yärdäm itmi.

Vakıtım yuk kayda min dip
Yak – yagıma kararga.
Bar maksatım – kütärelü,
Alda biyek tau bar da.

Üzegez çamalagız

Tön utırıp şiğır yazam,
Avırdan kütärmimen.
Can yaratkan şögıl belän
Gomerem ütär dimen.

Uçaktay dörläp kabınam
Küzlärdä oçkın kürep.
Söyü tatıp min üzem dä
Şatlık kiçergän kebek.

Kükkä baksam minem öçen
Kar bulıp şatlık yava.
Şiğır yazıp sagışlangan
Küñelgä tabam däva.

Uyga çumıp nider ezlim
Hıyalım dönyasınnan.
Arıp yış toyam üzemne
Sıgılgan limon sıman.

Kürgäç sorap yödätälär –
Bu eş dilär ciñelme?
Yörägemnän kan sarkıtıp
Yazam duslar şiğırne!

* * *

Sak Sok tösle, mähäbättä
Kiseşmäde başka yulıbız.
Küz yäşlänä, tıñlavı da avır –
Şuña moñsu söyü cırıbız.

Kemgä tigän ikän zıyanıbız,
Kem soñ dimen bezne kargagan.
Ul çagında nindi kara mäçe
Ütkän ikän bezneñ aradan?

Kemgä kiräk, kemne kızıktıra
Uftanuga kalgan dönyabız.
Belçe irkäm, haman sine uylıym
Uylarıma töyelep, min yalgız.

Sizäseñme irkäm, sizäseñme
Uylarımnan başım katkanın.
Yazmışımnı, ällä yalgışımnı
Siña tiñne cirdä tapmavım.

* * *

Şaytan üze adaştıra
Yugaltkannıñ kıyblasın.
Yul butagan soñgı çiktä
Belmi dönya kıynasın.

Küptän yuldan yazganıñnı
Añlagaçtın soñ bula.
Tormışta adäm hurına
Kalularıñ şul bula.

* * *

Ber kürüdä ğaşıyq bulularga
Min ışanmas idem tamçı da.
Elmayulı karaş taşlar miña
Sin tormasañ ägär karşımda.

Ğaşıyq sineñ nurlı karaşıña,
Ğaşıyq sineñ zifa sınıña.
Çın mähäbbät barın belmäs idem
Sin çıkmagan bulsañ yulıma.

Kanatlanıp oçıp hıyalımda
Ellar aşa sine ezlädem.
Çın küñeldän söyü barlıgına
Işandım min, ömet özmädem.

Gıyşkım köçle, irkäm sizäseñder,
Yaşäü tügel sinsez yäşävem.
Nurlı karaşıñda koyındırgan
Sin ul irkäm – sulmas çäçägem!

* * *

İcatçıday nidä bulsa
Tudırırga kilgänbez.
Yuk itärgä kilmägänbez,
Buldırırga kilgänbez.

Yaşäsäk kenä keşe bez
Härkön nider tudırıp.
Tudırmasak, yañartmasak
Yörmik vakıt uzdırıp.

Yamanatıbız çıkmasın
Vatıp, kırıp, cimerep.
Yukka çıgarıp bulgannı,
Kitmik cirdän ciñelep.

* * *

Şiğır yazam kalämemne
Manıp yöräk kanıma.
Şiğır aşa däva ezlim
Bu tıngısız canıma.

Tılsımlı icat bulmasa
Yaşävem dä ikele –
Şiğır belän tuganmındır,
Ülärmen dä şikelle.

* * *

Ak häm kara çiratlaşa –
Yazmışım polosalı.
Totaş aktan gına tora
Altınday balaçagım.

Deget belän buyalganday –
Urtadarak karası.
Yahşıga uk tartmasa da
Bügen hällär yarası.

Täüge mähäbbät hislären
Yäş yöräklär tatısın.
Min küptän ide tatıdım
Hislärneñ iñ tatlısın.

Sin sorama, min äytmimen,
Üz itteñ dip kaysısın.
Yözemne sıtıp bulsa da
Tatıym häzer açısın.

Nasıyp bula gına kürsen
Tatlısı bütännärgä.
Täüge samimi hislärem
Kaldı şul ütkännärdä.

İyäläşep kiläm inde
Hislänmi kön ütkängä.
Şau-şu kuptarmıy, zarlanmıym-
Açıga künekkängä.

Kön eçendä

Kön eçendä meñ üzgäräm –
Meñ üläm, meñ tereläm.
Tormış, ıgı – zıgısında
Tiyendäy bötereläm.

Kön eçendä ni dä bula –
Ya tabam, ya yugaltam.
Yugaltu küp, ä tapkanım...
Maktanalmıym ul yaktan.

Kön eçendä meñ halätkä
Uy – hislärem tap bula.
Könem äybät tämamlansa
Küñelemnän şat bulam.

Kön eçendä yäşim şulay
Törle halät kiçerep
Nigä bolay yäşävemne
Bulmasa da töşenep.

El da tügel, ay da tügel,
Yugıysä bit kön genä.
Kön eçendä - yırak kitmi,
Yäşim äle, min menä.

Uylanır vakıt

Kabalanmıym, ipläp kenä
Çäçkänne urır vakıt.
Niçek gomer kiçerdem dip
Uylanıp torır vakıt.

Uylanıp torır vakıt şul
Ni kaldıram cirdä dip.
Bar kılganım kibäk bulıp
Oçmas mikän cildä dip.

Gomer ofıgına bakkaç
Kürenä kiç citkäne.
Borılıp ber artka karap
Barlar vakıt ütkänne.

Ozaklamas, alıştırır
Ütkänne kiläçägeñ.
Mäğnä belän sugarılsın
Bu dönyada yäşäveñ.

Sagındıra

Cay çıgıp vakıt tabıp
Kayttım isä avılga.
Küñelemnän talgın gına
Tuktamıy cır agıla.

Kuşılıp cırlıylar miña
Tugan cir çişmäläre
Susaganda uçka alıp
Suların eçäm äle.

Yak – yagımda taular ile,
Min asta – üzänlektä.
Küñel belän mäñge ğaşıyq
Mondagı güzällekkä.

Kolınnarı belän bergä
Atlar ülän çemçenä.
Menep atlanasım kilä
Şul atlarnıñ bersenä.

Häterdä yış keşni alar
Sabıy çaknıñ atları.
İstä yallarga yabışıp
Tomırılgan çaklarım.

Sagındırıp tora härçak
Tugan avıl, tugan cir.
Kaytuga uk üz – üzemne
Çın bähetle toygan cir.

Añlap bulmıy

Här taraftan kilep tora
Häbärlär kötelmägän.
Kaydadır garasat uzgan,
Kaydadır cir teträgän.

Häbär artı häbär yava
Tuktausız efir aşa.
Yaña afätlär turında
Uylagaç yokı kaça.

Cirgä kilep kenä tora
Küpme kaygı ber yulı.
Kalka yänä şomlı sorau –
Närsä bulır bu yulı?

Betkän betsen adäm diyep
Cen – şaytannar azamı?
Cirdäge bozık tormışka
Ällä küktän cäzamı?

Uylap başnı katırsam da
Añlıy almıym säbäben.
Şuña canga tıngı tapmıy
Yäşimen ürsälänep.

Uy

Minem belän bergä tugan,
Uy – gomerlek yuldaşım.
Küñelemnän sizep toram
Ansız yäşäp bulmasın.

Ul mine şatlandıruçı,
Saluçı borçuga da.
İñ yaratkan dus şikelle
Uy ul miña şuña da.

Huca itep toya üzen –
Uy küñelneñ türendä.
Nur sibüçe koyaş sıman
Ul minem küñelemdä.

Tartkanga yökne östilär

Häl – ähväleñ sineñ kiräk tügel,
Barınnan da möhim eş dilär.
Citez çapkan atnı kualıylar,
Tartkan atka yökne östilär.

Keşeneñ dä tarta alganına
Tormış yögen birälär öyep.
Üsenderep, maktap uk toralar
Sin tırış, sin buldıklı diyep.

Östägelär üsenderep tora
Tartu – sinnän, maktau – alardan.
Eş atıday, karışusız bulgaç
Uzalmıysıñ äye, yarardan.

Maktau artı, maktau yaudıralar –
Sindä gayrät, sindä köç dilär.
Tartmaganga kulnı seltilär dä,
Tartkan atka yökne östilär.

Igı - zıgıda

Tormış ıgı – zıgısında
Balıktay tıpırçınam.
Kemder cätmäsennän alıp
Yarga ırgıtır sıman.

Ä çının da çäbälänäm
Dönyasında tınçuga.
Tınçuda tınıñ betsen dä,
Tüzep kara sin şuña!

Şulay da äle ışanam
Gel alay bulmasına.
Bar da Hoday kodrätendä -
Üpkäm yuk dönyasına.

Aktık sulışıma qadär
Yaşäü öçen köräşem.
Igı – zıgı ber üter dip
Ömetlänep min yäşim.

Yaralı koş halätendä

Küptän süngän bergä yakkan uçak
Sukmaktagı ezlär yugalgan.
Moñsu sagış kalgan, mähäbbätneñ
Kaytavazı bulıp yıllardan.

Gomer köze citkän, äytçe irkäm,
Nik kimemi ikän ul sagış?
Yazda kalgan täüge mähäbbätne
İskä töşkän sayın uftanış.

Sine uylap kön – tön gazaplanam –
Yuksınuga däva yuk ikän.
Yaralı koş halätendä yäşim –
Säbäpçese anıñ – sin, irkäm!

Atsızlık

Bula almıy maktanu
Kiräk tügel aklanu.
Kilmäde minem kuldan
Argamakka atlanu.

Atlanası kilgändä
Sin bäläkäy didelär.
Cirdän kütärelmä dip
Dönya eşen öydelär.

Atlanırga soñardım
Citez Pegas atına.
Şuñadır ber huplau da
Tapmadım icatımda.

Yannan cildertep uza
Atlılar – kanatlılar.
Bärep kitmäsennär dip
Min çittän karap toram.

İcatta yäşäsäm dä
Künektem atsızlıkka.
Adım sayın oçragan
Cirdäge haksızlıkka.

Biräm digän kolına
Çıgarıp kuyar yulına
äytem

Kötmädem bähet yauganın –
Kirägen üzem taptım.
Ciñel tormış ezlämädem –
Çıtırmannan yul saptım.

Ciñel tormış ezlägännär
Citep aşkan bolay da.
Eşle itte, aşlı itte –
Rähmätem zur Hodayga.

Yulga çıgarıp kuymıy dip
Zarlansam ägär dä min,
Gönah bular, härvakıtta
Toyam Hoday yärdämen.

İlahi zat yahşılıknı
Eşlämi ul sizderep.
Ä çınında çik – çamasız
Annan kürgän igelek.

Borçu

Mäşäqat artı mäşäqat,
Borçu artı borçudır.
Tormış digän şarlavıkta
Tıpırçınu şuşıdır.

İnde küptän künegelgän –
Kön dä nider çişäse.
Närsäneder häl itäse,
Nigäder ireşäse.

Bernigä dä kiräkmägän
Buş keşe min borçusız.
Borçu – canımnıñ haläte,
Yäşi almıym min şunsız.

Borçu kerep küzänäkkä
Señgän ahrı kanıma.
Yaşäsäm genä keşe min
Tıngı tapmıy canıma.

Ul sugış ...

Ul sugış - şaytan kotkısı,
Tämugtan yaman.
Vatan diyep cannı kıygan
Kotıçkıç zaman.

Ul sugış tılda kalgannı
Talau häm köçläü.
Cigelep häldän taygançı
Aç kileş eşläü.

Ul sugış totaş cäzalau,
Atu häm kıru.
Ciñäm diyep üz halkıña
Cinayät kılu.

Ul sugış oçı kürenmäs
Mäyetlär tavı.
Dönyanı kanda yözdergän
İblislär yavı.

Kem soñ anda kabalanıp
Gomer yomgagın sütä.
Kilep cirgä küp tä ütmi
Kiter vakıtıñ citä.

Ükçägä basıp, äydäkläp
Kem şulay aşıktıra?
Kürçe inde, busagada
Kartlıgıñ basıp tora.

Çıbırkılap kuıp arttan
Kem sabırsız kıylana.
Ütte – kitte gomer diyep
Sizep cannar kıynala.

Vakıtmı bu? Yazmışmı bu? –
Tik torgızmıy mizgel dä.
Ällä soñ Hoday kuşkanmı
Aşıgırga gel bezgä?...

... Dustım, berdä yukka tügel
Borçılu yözebezdä.

Gomer yulında

Kükkä kütäreler idem
Oçarga yuk kanatım.
Salmak kına üz köyemä
Baram alga tabatın.

Barır yulım avır diyep
Cıyınmıym uftanırga.
Maksatıma ireşkänçe
İsäp yuk tuktalırga.

Soñ çikkäçä alga atlıym
Därt – därmanım barında.
Koyaştay sünmäs ömetem
Äydäüçe köç canımda.

Şiğır dönyasında

Az gına vakıt tapsam da
Şiğırgä kerep çumam.
Anda yäşim – minem öçen
Başka dönya yuk sıman.

Küñelem gel ezlänüdä,
Tapmadımmı borçılam.
Şiğır tusa şatlıgımnan
Kanatlıday oçınam.

İñläp- buylap min şiğırneñ
Diñgezendä yözämen.
Bu diñgezdä min üzemne
Balık tösle sizämen.

Kiräk tügel başka dönya –
Monda miña çın rähät.
Serle dönya büläk itkän
Hodayıma meñ rähmät!

Kiläçäkne uylaganda

Tägäräplär kitte yomgagım dip
Äyter çagım inde citkänder.
Hiç kaytarıp bulmas gomeremneñ
Şäp öleşe inde ütkänder.

Äytä almıym, yurap yuş kilerme
Aldagısı äle bilgesez.
Yazmış bit ul karurmanga ohşaş –
Yaşerengän anda yöz, meñ ser.

Beläse bik kilä - nilär anda,
Vakıt pärdäseneñ artında.
Küklär ber häbär dä ireştermi
Yazmış – küräçägeñ hakında.

Beläse bik kilä, tik şulay da
Yam kalırmı sersez dönyada?
Añlaşalmıy, çigenep uyımnan
İkelänep toram şuña da.

Yäşise dä kilmi başlar tösle
Belep torsak aldan barsın da.
Minem ihtıyardan torganı az –
Niçek bulgan şulay kalsın la.

Sine uylaganda

Sak Sok tösle, irkäm mähäbättä
Kiseşmäde kabat yulıbız.
Küz yäşlänä, tıñlavı da avır –
Şuña moñsu söyü cırıbız.

Kemgä tigän ikän zıyanıbız,
Kem soñ dimen bezne kargagan.
Ul çagında nindi kara mäçe
Ütkän ikän bezneñ aradan?

Kemgä kiräk, kemne kızıktıra
Uftanuga kalgan dönyabız.
Belçe irkäm, haman sine uylıym
Uylarıma töyelep, min yalgız.

Sizäseñme, sizäseñme irkäm,
Uylarımnan başım katkanın.
Yazmışımmı, ällä yalgışımmı
Siña tiñne cirdä tapmavım.

Äytä almıym

Kitmä dimim, kit tä dimim,
Köt tä dimim, canaşım.
Kitärgäme, kötärgäme –
Ansın üzeñ kara sin.

Söyü hislärem şikelle
Uçak kalgan köyräügä.
Kölgä äylängän uçaknı
Kabızalmas beräü dä.

Süngäç söyüneñ uçagı
Bitaraf küñelemdä.
Cılısı yugın koçaknıñ
Toyasıñ sin üzeñ dä.

Kit tä dimim, köt tä dimim,
Äytä almıym kal dip tä.
Nişlärgä kiräk ikänen
Üzeñ saylap al, irkäm.

Gönah kılmıyk

Yuk vakıtta tuktap kalu –
Çorlar da almaşına.
Almaşınu kiräklege
Süzsez dä añlaşıla.

Şäptän tügel almaşınu
Mähäbbätkä kagılsa.
Üz söygän yarıñ tuydırıp
Başka yarlar tabılsa.

Mähäbbättä almaşunı
Kabul itälmim ber dä.
Yäşlektä söygän yarıña
Ni citä berdänbergä!

Çın mähäbbät yäşi ala
Hislär saf bulsa gına.
Belä torıp gönah kılmıyk –
Kızıkmıyk urtagına.

Dönya kendege bulmadım,
Bulmadım şörebe dä.
Täkäbberlek, ya kimsenü
Yörtmädem küñelemdä.

Tıynak gomer kiçersäm dä
Beläm üz urınımnı.
Şiğırlärdä rasladım
Cirdä kem buluımnı.

Başka basıp türgä menmi,
Şağıyr halkı üzgäräk.
Kendek bulıp yörgännärdän
Aña urın türdäräk.

Talamadım, urlamadım -
Üz köçemä yäşädem.
Bulganına şöker itäm,
Borçımıy kiläçägem.

Yalgan dannar çüpkä oçar –
Vakıt barsın cilgärer.
İl – cirem dä şağıyr bulıp
Tanılırmın min dä ber.

Gomer

Akkan suday, iskän cildäy
Kön artınnan kön ütä.
İ duskayım kön genäme,
Sizelmi gomer ütä.

Häyere belän ütsen dip
Yuatabız küñelne.
Tatu yäşäp, matur yäşäp
Uzdırmıykçı gomerne!

Här köne anıñ sanaulı ,
Gomer bit ul ber genä.
Ükeneçkä ütmäsengä
Kaderkäyen bel genä.

Tuyasıbız yuk tormıştan
Kartaygançı yäşäp tä.
Cirdä bezne därtländerep
Ömet utı yäşätä.

Gazaplı küñel

Siña barır yullarımda
Kotırına kar – buran.
Gomerlekkä sin irkämne
Yugaltkanga kaygıram.

Küpme tilmerep kötsäm dä
Häbär kilmäs şul sinnän.
Küñelemdä mähäbbätneñ
Soñgı çatkısı süngän.

Sıkraudan hiç tuktamas
Yörägemneñ yarası.
Sine uylap miña irkäm
Mäñge gazaplanası.

Ber genä yäşibez

Ber genä kiläbez cirgä,
Tormıştan yäm, läzzät alıyk.
Küñeldä gel şatlık toyıp
Soñarmıyça yäşäp kalıyk.

Käyeflär şäp, küñellär şat
Därtle bezneñ cırıbız da.
Härçak bähet yuldaş bulsın
Barır tormış yulıbızda.

Çın küñeldän ömetlänik
Matur könnär alda diyep.
Hoday kuşkançı yäşäsäk
Yahşı bulır bar da diyep.

Gomer yılları sanaulı –
Mäñge tügel berebez dä.
Bähetle gomer kiçerik
Tuıp üskän cirebezdä.

Ber agay avızınnan

Uydan başım tuballandı –
Kiçergännär citärlek.
Tormışta küpne kürsäm dä
Yörmim borın kütärep.

Küptän keşegä sanalıp
Yaşägäçten il – yortta.
Süzen äytmäs äpä tösle
Bula almıym yomık ta.

Eş kına tınım kısıla
Bitaraflar yanında.
Urın tapmıy cafalanam
Bu tıngısız canıma.

Nik bu mögez çıgara dip
Torsalar da şakkatıp.
Borgalanmıym – tup-turıga
Süzne äytäm çatnatıp.

İke yözle bändälärneñ
Yuk minnän ıçkınganı.
Tota alsam borıp – borıp
Çemetäm mıştımnarnı.

Turı äytäm, üç saklamıym
Kızu kanlı bulsam da.
Bolay küñel yahşı minem
Usalday toyılsam da.

Tilelär ilendä

Taptalgannı taptıymın da
Şomargannı şomartam.
Yugaltkannı ezläp tabam,
Ä tapkannı yugaltam.

Yañanı cimerep atam,
İskergänne yañartam.
Häm soñınnan tözedem dip
Maktanırga yaratam.

Sıngan bulsa yalgan kuyam,
Sınmagannı sındıram.
Tonıknı şunduk bolgatam,
Tonmagannı tondıram.

Korı bulsa yüeşlimen,
Ä yüeşne korıtam.
Uylap tormıym, küp çagında
Nişlägänne onıtam.

Tuzdırgannı cıyıp öyäm,
Cıyılgannı tuzdıram.
Tile – mile eşlär eşläp
Şulay gomer uzdıram.

Küp dip söyenep yörimen
Ütkärgännär mine dä.
Yaşämimen – kön ütkäräm
Şır tilelär ilendä.

Kazannan min yırakta

Bilgesezmen şiğriyättä -
Dan – däräcäm, atım yuk.
Kärlä itep kürsälär dä
Bireşergä hakım yuk.

Kolaklarına yatışsız
Ahrı minem isem dä.
Ber yuaş malay tügelmen
Şiğriyät min sindä.

Sin – gazaplı yäşäeşem
Yazam yöräk kanatıp.
Täüge söyüemä tiñläp
Toram siña can atıp.

Üz itmäve gacäp tügel –
Kazannan min yırakta.
Bireşergä isäbem yuk –
Min haman da icatta.

Minem yulım

Üzemne mosafirga
Ohşatamın yıraktan.
Tuktalsam küsäk belän
Kualauçı yuk arttan.

Köyenmim – tik söyenäm
Barır yulım ozınga.
Eçemnän doga ukıym
Şunı layık uzırga.

Borılmıy turı baram –
Kıyblaga taba yulım.
Taygak yulga basmasa
Taşlamıy Hoday kolın.

Dönyada bar kıymmättän
Östen kuyam imannı.
Bähetle mosafirday
Ütsäm ide min anı.

Şarlavıkta

Häy äybätläp sınıy bezne
Tormış digän şarlavık.
Yahşılap yözä belmäsäñ
Zarlanudan fayda yuk.

Avız açıp karap torsañ
Monda tiz batıralar.
Başka sugıp batırgannar
Monda çın batır alar.

Ul kotırgan şarlavıkta
Kemnär genä batmadı.
Aska kitep şul batudan
Küpläre kalıkmadı.

Çitkä yärdäm itü siräk
Härkem üzen kaygırta.
Başkaga barıp yabışa
Kotılırga cay yukta.

Kürengäli monda üzen
Balıktay sizgännär dä.
Kürengäli batıp – kalkıp
Bik avır yözgännär dä.

Uyaulıgıñnı yugaltsañ
Çıgaçak bar da yukka.
Tüzüdän başka çara yuk
Bu yarsu şarlavıkta.

Sındırıp at

Kim bulası kilämeni,
Tigezlek daulıy küñel.
İldä kimsenep yäşäülär
Ul bezneñ öçen tügel.

Gel sözärgä genä torgan
Tap bulsak mögezlegä,
Ul mörtätne örketerlek
Köç tabıyk üzebezdä.

Kurkıp toru faydasız ul,
Köçne köç kenä ciñä.
Andıy çakta yaramıy ul
Ber adım çigenü dä.

Köräştän çitläşmä dustım,
Haklı bulganda üzeñ.
Sözäm dip siña kilgänneñ
Sındırıp at mögezen!

Könçel etlär

Bottan kapkannar citärlek,
Yaklauçılar kürenmi.
Het yüri dä sin şağıyr dip
Maktauçılar kürenmi.

Eş açuımnı kiterä
Könçellärneñ küplege.
Kön tudımı hafalanam
Kem yasar dip etlegen.

Hoday şahit, tigänem yuk
Yugıysä ber etkä dä.
İsäpläre – üzläre kük
Yaşätmäkçe tipkädä.

«Poşel!» – dimen, isem kitmi
Çäñ – çäñ itep örgängä.
Könläşälär yannarında
Şağıyr bulıp yörgängä.

Soñgı süz Hodaynıkı

Yalgıştım da, adaştım da –
Buldı törle çaklarım.
Bulgan – ütkän. Berkemgä dä
Gayıple dip aklanmıym.

Ya äyt, kem soñ gönahlanmıy,
Kem dä yuk soñ hatalar.
Min färeştä zattan diyep
Kem üzen yuatala?

Cir beterep ezläsäñ dä
Tabılmas andıy keşe.
Soñ çiktä aklau – aklamau
Fäqat Hodaynıñ eşe.

Bu şögıl – şiğır yazu

Akçaga koyındırmıy,
Bu şögıl tuyındırmıy.
Kartlıkta tınıç kına
Yaşärgä cıyındırmıy.

Başıñ kan saugançı
Bu şögıl – şiğır yazu.
Ser tügel, yazgannarnıñ
Tüzälä moña azı.

Bu şögıl tulıp aşkan
Küñeleñne buşatu.
Monda tanılu öçen
Bulu kiräk eş atı.

Yalgızlık

Gomer buyı nikter küñel
Arınmadı sagıştan.
Par tabalmıy, yalgız yäşäü
Yazmıştan ul, yazmıştan.

Küpme genä talpınsa da
Sıñar kanat oçalmıy.
Sinsez yalgız kaluıma
Yäşim haman ışanmıy.

Bergä oya korır öçen
Koşlarda bit parlaşa.
Yaşäü tämug tösle gazap
Söyär keşeñ kalmasa.

Kürmi kitep bulmıydır ul
Yazmışka yazılgannı.
Küñelläre härçak kitek –
Çit itmik yalgızlarnı.

Yazmış

Upkınga attıñ,
Utta yandırdıñ.
Dus doşman buldı –
Gıybrät aldırdıñ.
Çıtırmannardan
Yullar yardırdıñ.
Kaygı – sagışka
Bik yış tardırdıñ.
Bähet kötterep
Tämam ardırdıñ.
Meñ törle sınap
İsän kaldırdıñ,
Sin ul, sin yazmış!

Yaña yıl karşılaganda

Canga tansık, kötep algan
Cihanda aklık, saflık.
Bäyräm tantanasın toyıp
Küñelne bili şatlık.

Huşlaşabız – iske yılnı
Ozatabız ütkängä.
Yaña yıl bezgä qaderle
Sagınışıp kötkängä.

Yaña yılnı karşılıybız
Şampan şeşäsen açıp.
Bähetebez şampan tösle
Torsın urgılıp, taşıp.

Tönge küktä ber – ber artlı
Feyrverk çöyelä.
Kürep küktä maturlıknı
Küñelebez söyenä.

Küñellärdä yaktı balkıp
Ömet bulıp yana ul.
İmin tormış, bähet – şatlık
Alıp kilsen Yaña yıl!

Yäşik

Gomer ber genä ikänen
Tiz ütkänen beläbez.
Pıskıp tügel, dörläp yanıp
Yäşik şuña kürä bez.

Kaygılarga bireşmiçä,
Sagışlarnı taratıp.
Yäşik duslar bu dönyada
Yaratılıp, yaratıp.

Yäşik duslar matur itep
Ser birmiçä gomergä.
Kügärçennärdäy görläşep
Yäşik duslar gel bergä.

Yäşik duslar şat küñeldän,
Elmayıp – kölep kenä.
Tiñe yuk asıl gomerneñ
Kaderen belep kenä.

Bulsagız endäşegez

Yort tübäbezgä ut kapkan –
Çañ sugu da azdır la.
Milli ruhlı köräşçelär
Sez isänder, bardır la.

Betkänne kötep tormagız,
Bulsagız endäşegez.
Tel, din öçen, millät öçen,
İl öçen köräşegez!

Aldımda - tau

Kükkä karap uylanırga,
Yuk vakıt turayırga.
Äle menep citelmägän
Tau tora minem yulda.

Elgır cänlektäy sak kına
Basıp anıñ taşına.
Soñgı köç belän talpınıp
Menüem tau başına.

Ber dä yukka tügel dustım
Ürmälävem biyekkä.
Menep citsäm tübäsenä
Alırmın kük biyep tä.

Tau başına menep citü –
Yaşäü öçen köräşem.
Tormış kükkä çöyep zurlar
Mine – üze köndäşen.

Üzem şundıy

Yäşim cirdä gel borçılıp
Yuk kaygını bar itep.
Çüp tükkändäy küñelemnän
Tügäm anı zar itep.

Yuk, söyenmim saulıgıma,
Dürt yagım da tözekkä.
Nidän minem borçu – sagış,
Äytä almıym özep tä.

Äytä almıym, närsä algan
Canımnıñ tınıçlıgın.
Artık zarlanırlık tügel
Yugıysä tormış yulım.

Nider çittän kotırtkan kük –
Bälki şaytan eşeder.
Yuk inde, yuk. Zarlı canlı
Üzem şundıy keşeder.

Nindi tormış bu?

Mäñge yırıp çıgalmaslık
Ällä soñ bez sazlıkta?
Borçılam imanlı canlı
Çın keşelär azlıkka.

Küplär tamagın kaygırta,
Baylık tuplap yarışa.
Baylık tügel häräm tuplap
Yarışkannar yalgışa.

Andıylarga kiräk tügel
Dineñ, teleñ, milläteñ.
Akça öçen çukınalar –
Şularga min ni äytim?!!

Tipterälär, sipterälär –
Kilgäç barsı gel buşka.
Bötenläy başka küzlektän
Karıy alar tormışka.

Alar öçen ocmah monda
Işanmıylar tämugka.
Tabınmıy alar Hodayga,
Tabınalar baylıkka.

Azlar canı sızlaganda
Küzlären yoma küplär.
Tizlätergä ohşap tora
Kıyamät könen küklär.

Küñel

Hıyalında, ya töşendä
Kemneñ yuk soñ oçkanı.
Küñel bit ul kanatlı koş,
Yaratmıy şuışkannı.

Küñel bit ul kanatlı koş
Talpınuçı kügendä.
Çın irekle bulsa gına
Köç toya ul üzendä.

Serdäşe bulganda gına
Mömkin anı añlavı.
Ul biyektä - şuñadır da
Ciñel tügel yaulavı.

Eçkersez dä, mäkerle dä -
Koş bulsa da ul törle.
İksez – çiksez ğaläm kebek
Yaşergän ul meñ serne.

Bähet kaçışlı uynıy

Ällä küptän kürmägängä
Küñel gel anı uylıy.
Yaşerenep minem belän
Bähet kaçışlı uynıy.

Kürep alsa anı küñel
Taptım diyep yuana.
Koyırıgın kürsätä dä
Ul kabattan yugala.

Änä şulay mäş kilämen
Ber yugaltıp, bar tabıp.
Taptamaganda min fäqıyrgä
Yaşäü kala uftanıp.

Ni äytsäñ dä küñelsez şul
Yaşävem anı toymıy.
Gomer buyı minem belän
Bähet kaçışlı uynıy.

Bähetle sabıy çagım

Koyaşlı gomer tañımda
Şat idem, köläç idem.
Oçkan kanatlı kolınday
Min ul çakta yäş idem.

Könem – yaktı, uyım tatlı
Biyek ide kügem dä.
Taşıp torgan köç – därt barın
Toya idem üzemdä.

Dönyadagı maturlıkka
Soklanıp tuymıy idem.
Min – vayımsız, balaçaknı
Ütmäs dip uylıy idem.

Yuk şul inde kire kaytmas
Kabattan andıy çagım.
Töştä genä bulgan tösle
Bähetle sabıy çagım.

Küklär tantanası

Küp tırışkan Hak Täğaläm
Dönyanı tudırganda.
Tel tiderä torgan tügel –
Dönyada kamil barda.

Dönyasında kayçagında
Tigezlek yuk disäk tä.
Vak – töyäklärenä qadär
Böten närsä isäp tä.

Ezläp ahırı kürenmi –
Törläneşneñ yuk çige.
Cir tiräli oçsak kına,
Yabık ğaläm işege.

«Bezne küregez, kemnär», - dip
Yuk şuña maktanası.
Bezneke tügel ğalämdä
Küklärneñ tantanası.

Bitleklelär hakında

Çın yözen kayan beläseñ
Bitlek kigänneñ.
Döres süze siräk bula
Yalgan söygänneñ.

Kiyä üzen tanıtmaska
Mörtät bitlekne.
Berni tügel anıñ öçen
Yasau etlekne.

Tiz ezemä töşmäslär dip
Yörsä dä üze.
İrtäme – soñmı belenä
Anıñ çın yöze.

Bak, nilär genä kılanmıy
Kaçıp bitlekkä.
Eç poşa bitlek kigännär
Cirdä küplekkä.

Gamsezlek hakında

Baskan cirdä biyep torsın
Bulmasın keşe gamsez.
Gamsezlär kübäygän sayın
Dönyabız bulır yämsez.

Alarnıñ çüp ikänlegen
Üzegez dä kürersez.
Gamsezlär bassa dönyanı
Bulır bit bik küñelsez.

Avız açıp karap tormıyk
Yul kuymıyk gamsezlärgä.
İrek kuymıyk bez alarga
Dönyanı yämsezlärgä.

Alar

Östä türä bulıp algan
Küp bezdä hökemdarlar.
Gadelsez, kara eşlärgä
Katışmıy hakı barlar.

Söttän ak, sudan paq bulıp
Kıylangannar zamanı.
Şul «färeştä türälär» dän
Kıynalgannar zamanı.

Boyırıklarda çıgaralar
Alar hökem kararın.
Çıgaralar cähät kenä
Uylap tormıy zararın.

Yuksa berkem dä ışanmıy
Alarnıñ süze hakka.
Eş kına gadi halıknı
Räncetälär nahakka.

Kitäm dimä

Tugan cirdän çitkä kitep
Kem bäheten tabalgan.
Ber kiskän ikmäk yalganmıy –
Şunı uyla bagalmam.

Üz ileñdä sıymagannı
Kemgä kiräk sin çittä?
Tugan cirdän ayırılmıy
Yaşäü kiräk niçektä.

Ya äyt inde koçak cäyep
Kem sine kötep tora.
Tiz kilerdäy ciñel bähet
Şul sine kotırttıra.

Ciñel bähet ezläüläreñ
Uzmas duskay ber ezsez.
Çittä töplänep kalsañ da
Yaşäü bulır küñelsez.

Oçkan koşlarnı kürsäñ dä
Küñelkäyeñ sagınır.
Bik küp säbäplär tabılır –
Kaytır yulıñ yabılır.

Soñgı könnäreñä qadär
Yuksınırsıñ haman da.
Sagınıp karşı alırga
Bulmas ata – anañ da.

Kaytu uyı inde kalmas –
Ayaktan yıgılırsıñ.
Berkemgä kiräk bulmassıñ –
Häterdän sızılırsıñ.

Tormış belän gapläşü

Bu dönyaga min dä yaratılgan,
Ansı inde anıñ küptännän.
Ya äyt inde miña – yüläreñä
Närsä birdeñ tormış kötkännän?

Atañ – anañ sine tudırganda
Diseñ berni väğdä itmädem.
Sin haman da minem karamakta
Betmägängä rizık – ikmägeñ.

Az buldı dip hiç tä äytälmässeñ,
Öleşeñä tigän kömeşeñ.
Kurçak tügel. Sin bit tere keşe –
Kiräklesen alu üz eşeñ.

Sin berkatlı bulma, kötep yatma
Avızıña alma töşkänen.
Tiyeş ikän meñ kat tireñne tük,
Tormış – kırıs köräş, üskänem.

Cirgä kilü belän sin tormışta
Üzeñ tiyeş ikän, läbasa...
İ duskayım berni eşläp bulmıy,
Bäheteñne pesi yalasa.

Uyla keşem

Nişlärgä soñ ber kön kartlık kilep
Kütärgän yök sıtsa iñnärne.
Sıgılıp töşsäñ, köçeñ kalmasa,
Ya äyt, ğayeplärgä ikän kemnärne?

İ kordaşım uylap kara äle
Gayıp tügel mikän üzeñdä.
Närsä çäçsäñ fäqat şunı gına
Cıyasıñ şul gomer közeñdä.

Çikertkädäy sikergäläp yörsäñ
Yäş çagıñda, köçle çagıñ da.
Kartlıgıñ da biyek tauga ohşap
Öyeler bar yögeñ aldıñda.

Cirdä nıklap basıp torırga da
Köçeñ kalmas inde ul çakta.
Zur tormışka atlap kerügä ük
Uyla keşem änä şul hakta.

Yalgız ay
Tınıp kalgan tönge avıl
Utlar süngän yortlarda.
Küktä yalgız aynıñ gına
İsäbe yuk yoklarga.

Salkın karaş taşlap cirgä
Karıy ul mäñgelektän.
Anıñ öçen inde küptän
Dönyanıñ yäme betkän.

Hiç bilgesez, kük katına
Kem anı elep kuygan.
Mondıy gazaplı yäşäüdän
Ul tämam inde tuygan.

Biyekkä - anıñ katına
Menälmi ahrı cil dä.
Sikerep töşär ide dä
Urın yuk aña cirdä.

Yuk yuatıp süz äytüçe,
Yak - yagı anıñ buşlık.
Yalgızlıktan gaciz bulıp
Yäşi ul eçe poşıp.

Nurlar cibärep torsa da
Eraktadır koyaşı.
Sagışlı aynı nazlarga
Citmider şul kolaçı.

Yalgız aydan sibeleşep
Çitläşkän yoldızlar da.
İgezäktäy ohşagan ul
Cirdäge yalgızlarga.

Anda da şul uk yuksınu,
Anda da şul uk sagış.
Yalgızın töpsez buşlıkka
Irgıtkan anı yazmış.

İrkämne kötkändä

Häbäreñ yuk küptän, häbäreñ yuk –
Kaya kitep irkäm yugaldıñ.
Añlasañçı şunı – sagınudan
Sine kötep irkäm min ardım.

Sin kitügä vakıt tuktap kaldı –
Könem yılday ozın toyıla.
Közge yañgır öskä yaugan tösle
Küñel sagışlarda koyına.

Ozakkamı kitep yugaluıñ,
Nik soñ ber häbär dä birmiseñ.
Kön – tön uylap sine yuksıngannı
Äyterseñlä irkäm belmiseñ.

Ütkännärgä kulıñ seltädeñme,
Onıttıñmı ällä barsın da.
Añlıy almıym - ällä soñ sin irkäm
Cavapsızmı söyü karşında?

Gafu itçe sagınganda şulay
Şikle uylar kilsä küñelgä..
Ä çınında özgälänep kötäm –
Zar – intizar sine kürergä.

Hafalı çak

Taypılmıyça sukmagımnan
Bertuktausız ür mendem.
Çigen ofıkta şäylädem
Ütep bargan gomerneñ.

Ä çınında ür digänem
Bulgan gomer kiçüem.
Menülärem suzılsa da
Ozak bulmas töşüem.

Sizep toram köç çamalı,
Salmak atlap yöreşem.
Niçek ütärmen ikän dim
Yulnıñ soñgı öleşen.

Häbäreñ yuk

Kiterergä hiç aşıkmıy
İskän cil sälamemne.
İh cankayım, can kisägem
Belmiseñ şul hälemne.

Küñelemne yuatırlık
Yuk häbäreñ küptännän.
Äy cankayım siña ni soñ
Min tilermim kötkännän.

İrkäm kitep yugaldıñ da
Ahrı mine onıttıñ.
Yuk häbäreñ, älläme soñ
Ber – ber hälgä yulıktıñ?

Küñelemne şomlandıra –
Ser sineñ yugaluıñ.
Yukka gına bulmas mikän
Kaytır dip yuanuım.

Soñgı ömet özelmägän –
Hodaydan tüzemlegem.
İ cankayım, cinkisägem –
Ni häldä soñ sin üzeñ?

Ä çınında sin irkämä
Yuk bernindi üpkäm dä.
Moñsu inde, nişlätäseñ,
Sinnän häbär kötkändä.

Sine uylıym

Sine uylıym töşemdä dä,
Sine uylıym önemdä dä.
Sine uylıym tönemdä dä,
Sine uylıym könemdä dä.

Belsäñ ide äy söyeklem
Başka uydan başım azat.
Bulmıy hiç tä ayırılıp –
Sine uylau – tatlı gazap.

Yaratu

Taular üttem, diñgezlärne kiçtem,
Tik nigäder sine tapmadım.
Siña digän saf mähäbbät hisen
Yörägemdä haman sakladım.

Tapmasam da şaulı yazlarımda
Onıtırga sine bazmadım.
Töşläremdä koçagıma alıp
Hıyalımda sine nazladım.

Moñsu közläremdä mähäbbättän
Mogcizanı kötäm min haman.
Yuk sünmägän äle ömet – çatkı,
Tabarıma sine ışanam.

Tabarıma sine min ışanam,
Häm ezlärgä çıgam kabattan.
Avaz salam, irkäm, bar dönyaga:
Min yaratam sine, yaratam!

Yaşäü yäme

Äyt duskayım, äytçe miña –
Yaşäüneñ yäme nidä?
Dönyaga nigä kilgänen
Küplär anı belmi dä.

Yaşäü yäme – keşelärgä
Şatlık kiterä alsañ.
Soñgı sulışıña qadär
Keşe bulıp kalalsañ.

Yaşäü yäme – balalarıñ
Kuandırsa tormışta.
Tatu, matur yäşäsälär,
İreşsälär uñışka.

Yaşäü yäme – tugannarıñ,
Duslarıñ yakın itsä.
Özelep söygän yarıñ belän
Gomerne bergä ütsäñ.

Yaşäü yäme – atañ – anañ
Siña fatiha birsä.
Cirdä layık dävam bulıp
Onıklar söyendersä.

Yaşäü yäme – il cireñdä
Abruy – hörmät yaulasañ.
Gomerneñ Hoday büläge
İkänlegen añlasañ.

Sagışta koyınu

Şaulı yazlar ütkän, moñsu közlär citkän
Erak yulga koşlar cıyına.
Yöräkkä yuk däva, közge yañgır yava –
Küñel sagışlarda koyına.

Huşlaşsak ta küptän, ä min haman kötäm
Kilüeñne irkäm yanıma.
Baskan küksel toman, nider citmi sıman,
Tıngı taba almıym canıma.

Ardım sine kötep, söyeklese itep
Ay üzenä sine alganmı.
Kabat yanıp– köyep, kilmäs inde diyep
Yuksınırga gına kalganmı.

Alda yullar kötä, kiyek kazlar kitä,
Siskänderä kazlar tavışı.
Yanam gazap – utta, sin yanımda yukka
Mäñge betmäs yöräk sagışı.

Kayda sin?

Tabarmın dip cannı gel yuatıp
Sineñ öçen genä yäşädem.
Kayda soñ sin, kayda bäğırkäyem,
Mähäbbätem – sulmas çäçägem.

Kayda soñ sin, şul gazaplı sorau
Tıngı birmi küptän küñelgä.
Berär kayçan sine, äy söyeklem,
Nasıyp bulır mikän kürergä?

Nasıyp bulır mikän ikäü bergä
Tormış sukmagınnan ütergä.
Kemnär äyter, ul bähetle çaknı
Küpme kalgan ikän kötergä?

Tugan telem

Tugan telem bişektän ük
Küñelemä yakın tel.
Här avazı canga tansık,
Sıgılmalı, matur tel.

Tugan telem bismillalı,
Dogalı tel, nurlı tel.
Ällükile, Täftiläüle
Bigräklär dä moñlı tel!

Tugan telem käräzdäge
Baş şikelle tatlı tel.
Korän kebek añlayışlı,
Däräcäle, zatlı tel.

Tugan telem hisle, gamle
Borıngı tel, ziräk tel.
Cir – koyaştay, hava suday
Millätemä kiräk tel.

Tugan telem kalkan sıman
Tatarımnı saklar tel.
Mäñge yäş häm gorur kileş
Gasırlarga atlar tel!

Tatarstan

Tatarstan – tugan cirem,
Gölbakçaga çınlap tartım.
Çittä tügel, gomerlekkä
Bähetemne sindä taptım.

Tatarstan – nurlı ilem,
Yözek sıman balkıp torgan.
Yarattırıp, can attırıp
Gel üzenä tartıp torgan.

Tatarstan – gaziz ilem,
Küñelemä härçak yakın.
İrek toyıp, irken sulap
Yäşi sindä tugan halkım.

Tatarstan – sin Vatanım,
Sıyınırga cılı oyam.
Sindä genä min üzemne
Çın bähetle itep toyam!

Yaşä Tukay!

Kildeñ diyep yuansañ da
Kazanıña par atta sin.
İ Tukayım yäşägänseñ
Yatimlektä, gazapta sin.

Häsräteñnän tulışkandır
Küñeleñdä kara bolıt
Kuldan kulga küçkänseñ sin
Asramaga bala bulıp.

Halkım olug şağıyr itep
Danlagançı isemeñne.
İ Tukayım küp kürgänseñ
Tübänsenü – kimsenüne.

Küptän tanılu alsañ da
Bülmäñ – salkın, çireñ azgan.
Halkım küñelen cılıtkan
Öşep – tuñıp sineñ yazgan.

Yauda batır sugışçıday
Çigenüne belmägänseñ.
Ülem kiler soñ mäldä dä
Sünmägänseñ dörlägänseñ!

Dörlägänseñ şiğırlärdä -
Yul kürsätep mayak – uttay.
Küñellärdä tansık moñday
Mäñge yäşä dahi Tukay!

Ölkännärgä
Ütkän gomer yulıgızda Köçänüdän büser çıkkan,
Küp kürgänsez avırlıknı. Salkın tiyep buın katkan.
Hoday sezgä, äy kartlarım, Ber – ber artlı ayak – kulsız
Öyep birgän sabırlıknı Gariplänep irlär kaytkan.

Sabıy gına bulsagız da Can kıyuçı manyak bulgan –
İhlastan – çın yöräktän sez, Kızıl iblis atkan – kırgan.
Kiläçäkne matur kürep, Yavızlıklarnıñ başında
Ciñü öçen köräşkänsez. «Böyek ata» üze torgan.

Tirgä batıp cir sörgänsez Kollar, yätimnär ilendä
At bulmasa ügez cigep. Suık belän açlık patşa.
Bar uyıgız, hıyalıgız – Söyeneç canga sıymagan
Kitkännär tiz kaytsın ciñep. Tel yalmarlık azık tapsañ.

Bezneñ – atlar. Doşmannıkı Tilegändäy saklagannar,
Samolet ta tank bulgan. Basudagı – frontnıkı!
Sugış bit ul cir östendä Ül sin açtan, ämma timä -
Dörläp torgan tämug bulgan. Kanunnar bit duraknıkı!

Ayamagan sugış-afät – Kotnı algan «böyek ata»
İmgätkän dä, ütergän dä. Mäkerle häm yavız bulgan.
Tüzep kara aç sabıylar, Bar da- kontr, bar da – doşman,
Tol hatınnar ükergängä! Törmälär tiz şıplap tulgan.

Oyat kaçkan nagan askan Üz teleñdä söyläşsäñ dä
Yavız Sävit yalçıları. Şpionga tiñlägännär.
Tol – yätimnärne sırtında Halkın atkan, canın satkan
Eş uynagan kamçıları. Hainnarga timägännär.

Der kaltırap torgan halık, Sizdermiçä tönlä kilep
Alar süze zakun bulgan. Keşe urlau ğadät bulgan.
Allasızlarnıñ ilendä Süz äytergä dä kurkırsıñ -
Kıyamät kön yakın bulgan. Dönya äläk belän tulgan.

At belän bergä cikkännär – Allasızlar tarafınnan
Sin yäş diyep tormagannar. Yış tagılgan nahak yala.
Cirdä küpme sabıylarnıñ Avız – yabık, canda kurku,
Balaçagın urlagannar. Küñellärdä totaş yara.
Ciñü üze köttersä dä Häzer artık möhim tügel
Kaygı hatı köttermägän. Kem ciñgän dä, kem ciñelgän.
Kapçıklarda tulıp kilgän, Ciñdep diyep şapırıngan
Yort kalmagan ul kermägän. Sävit ile cimerelgän.

Tüzep kara tönlä suzıp Räsäy digän bügengese -
Bürelärneñ ulavına. Karaklarnıñ oyasıdır.
Tüzep kara rizık sorap Sez bu ildä üzegezne
Aç sabıylar yılavına! Belmim, niçek toyasızdır?

Allasızlarnıñ ilendä Şunsı beläm, unkönlektä
Mulla da yuk, pop ta kaçkan. Sezne cıyıp sıylagannı.
Kaysı yakka karasañ da Un kön genä sezne zurlau
Häyerçelär kapçık askan. Ber kısaga sıymagannı.

Mäyetlärne görsellätep Yıl sayın küzgä kürenep
Irgıtkannar çokır kazıp. Sirägäyä sezneñ saflar.
Cirlämiçä kalgannarı İl tözegän kaharmannar,
Bürelärgä bulgan azık. Hoday gına sezne saklar.

Öndägän izge sugışka İ ölkännär – asıl zatlar,
Plakattan Vatan – ana. Urınıgız bulsın türdä.
Gulagta kilsä çeriseñ Gel ihtiram, hörmät toyıp
Karışıp kara inde aña. Ozak yäşäü yazsın bergä.

Nadan Sävit hökemdarı
Tikşermägän – kemdä ğayep.
Upkınday zur çokırlarga
Tutırılgan tau – tau mäyet.

Stalinnı danlagannar
Nadan bulgan, tile bulgan.
Kanda yözgän Sävit ile
Kadersezlär ile bulgan ...

Döres ansı, sugış betkän,
Ciñü kilgän. Tik kemnärgä?
İ kartlarım zinhar öçen,
Kire kaytmıyk ul könnärgä.

İke başlı börket oça
İl kügendä, kürsänä.
Bezgä faydası bulmastır
Nindi patşa kilsä dä.
* * *
İnşalla dim, kürügä ük
Dönya mine oşattı.
Şunduk kamıtın kigerde
Bulırsıñ dip eş atı.
* * *
Hoday şulay kuşkandır dim,
Yuk dönyaga ber üpkäm.
Can tırmaşıp ürgä taba
Yök tartıp gomer ütkän.
* * *
Östägelär birelde,
Astagılar çigende.
Berkemgä dä kiräk tügel
Häzer tatar sin inde.
* * *
Yöräkkä barıp kadala
Uk şikelle turı süz.
Eş tuktıym soñgı arada:
Beterenmä, küñel tüz!
* * *
Taban eläksä dä yarıy,
Sazan bezneke tügel.
Aktanış ta citep tora,
Kazan bezneke tügel.
* * *
Yunle keşelär betmägän,
İyärmä oyatsızga.
İyärdeñme oyatsızga
Äylänerseñ zatsızga.
* * *
Yazgannarım dan tügel
Min şiğırdä pan tügel.
İcatım ofıgında
Kiçem citkän, tañ tügel.

Dönya üze aşıktıra
Aşıkmıymın disäm dä.
Kamçısın yış tatıttıra
Minem kebek üşängä.
* * *
Kürmägänne kürdertä,
Belmägänne beldertä.
Kuıp totarmın dimä -
Gomer bik tiz eldertä.
* * *

Yardäi itim moña diyep
Yuktır arttan etüçe.
Bulsa bulır nidä bulsa
Minnän ömet itüçe.
* * *
Kulı kıçıtkannar bar,
Tele kıçıtkannar bar.
Kıçıttırıp çagar öçen
Tere kıçıtkannar bar.
* * *

Bu borçulı küñelemä
Tıngılık tapmıym ber dä.
Fani dönyada kürenmi
Tınıçlık ahrı gürdä.
* * *
Azaplanıp, süzne butap
İsereklärneñ cırlavı.
Häterlätä cıynaulaşıp
Pesilärneñ mırlavın.

Nurlı koyaş – mähäbbättä, Kükkä karap ulıy büre
Cılı koyaş – ul cäydä. Eşe yuklıktan.
Nurga kümep küñelemneñ Tüşämgä tekälgän sırhau
Türenä ük uz, äydä! Köçe yuklıktan.

Barmı östä han – türälär
Millätem dip can atkan.
Üzennän tış il – vatanın
Çın küñeldän yaratkan.
* * *
Kaya taba kualarga
Östägedä - dilbegä.
Şunsı gacäp-vlast totkan
Burlar bayıy. İl bölä.
* * *
Äytä almıym, mömkin mikän
Bu ildä qader tabu.
Beläm küpkä ciñelräk
Üzeñä kaber tabu.
* * *
Bertuktausız köräş bara –
Tormış tügel ciñeldän.
Ciñgän öskä kütärelä
Töşep kala ciñelgän.
* * *

Näfsegezne tıya almıy
Kalämdäşlär azmagız.
Şiğır yazam digän bulıp
Sudan ak may yazmagız.
* * *
Maksatıña ireşmäsäñ,
Ömeteñ aklanmasa.
Köç tupla da tormışıñnı
Ör – yaña yaktan başla.
* * *
Uynı uyıp salsañ gına
Cuyılmas ul häterdän.
Tiz onıtkan hätersezgä
Belmim ni dip äytergä.
* * *
Gomer – säfär, bezgä äle
Şaktıy yırak barası.
Sınau artı sınaulardan
Keşe bulıp kalası.
* * *
Büre tügel, tölke tügel,
Tormışta bit min kuyan.
Eçtän genä körsenäm dä:
«Nik tuganmın?» – dip kuyam.
* * *
İke yözlänep mataşmıym:
Döresne döres dimen.
Yalagayga, aldakçıga:
«Kit monnan, prs!» – dimen.
* * *

Hıyalıy çak artta kaldı
Yoldız çüplämim küktän.
Dörläü tügel pıskımıym da –
Suındım inde küptän.
* * *
Közlär citsä bakçamdagı
Miläş kızıl fonar tösle.
Küñelemä yaktı sibep
Äle ozak yanar tösle.
* * *
Halıkka şiğır kiräkmi,
Akça kiräk.
Eçep maymılga äylänä
Tapsa siräk.
* * *
Adaşkanday çittä oça
Küñel koşım – bılbılım.
İcat çişmäm sayıkkanmı,
Siräk tua cır – moñım.
* * *

Üzeneken eşli büre –
Tota da bua.
Üzeneken eşli türä –
Eşeñnän kua.
* * *
Alda – ozın gomer yulı,
Bähet ezläp baram.
Tik nigäder bähet belän
Yakınaymıy aram.

Cirdä tapmagan yarıñnı
Kük türennän küzläveñme?
Koyaşnıñ barın onıtıp
Aydan cılı ezläveñme?
* * *
Ülem kilä siña da,
Ülem kilä miña da.
Ülemnän dä kotılgısız
Tagın ni bar dönyada?
* * *
Cildertmädem tigez yuldan
Eş buldı abınular.
Tik şulay da küñelemdä
Ütkänne sagınu bar.
* * *
Yazdım, sızdım, taşladım
Annan kabat başladım.
Sıy kötkän küñel kırın
Şiğır belän aşladım.
* * *
Üz teleñ yatka äylängän,
Sin mine örketäseñ.
Häyer işäkkä äylängän
Mokıttan ni kötäseñ?!?
* * *
Kümelgän kügem tötengä,
Mançılgan cirem kanga.
İsem kitmi kemnärgäder
Sugış kitergän danga.
* * *
Yatam şiğır belän,
Toram şiğır belän.
Ülep kitmägäyem
Şuşı şögıl belän.
* * *
Yuk ber dä tigez sanalmıy
Räsäydä millätlär.
Urısı tauga tiñlänsä,
Kalgannarı – tümgäklär.
* * *
Akılı yuk akıl sata
Akılı bar süzgä saran.
Akılı yuk türäñ bulsa
Tıñlamıyça yuk ber çarañ.
* * *
Tarih kanga buyalgan,
Çın asılı yugalgan.
Yalgan digäne çın ikän,
Döres digäne yalgan.
* * *
Äkäm – tökäm halätendä
Eçtän biklänep yäşim.
Yanımda vak, kärlä zatlar –
Kemgä soñ min tiñläşim?
* * *
Yukka tügel tönnär citsä
Yoldızlarnı küzlävem.
İ hıyalım alihäse
Sine küktän ezlävem.
* * *

Akçaga, matdi baylıkka
Äytmäsäm dä töker dip.
İ sin bändäm iñ äväle
Bulganına şöker it.
* * *
Korängä bagıp
Canımnı nurlıym.
Hodaynı danlıym,
Hodaynı zurlıym.
* * *

Alga çıgıp kükräk sugıp
Yuk maktanır eşlärem.
Üz – üzemä yarap toram
Näq şuşı kileş tä min.
* * *
Bakçı irkäm, tañ kalırlık
Bu hikmätle serle dönya.
Kötmägändä gomerlekkä
Büläk itte sine miña.
* * *

Urıs tügel ätkäbez,
Mäskäü tügel Mäkkäbez.
Yatka yararga tırışıp
Köç tügäbez täkkä bez.
* * *
Dönyaga mäñge kilgändäy
Bügen äle yöribez.
Eh digänçe tuzan bulıp
Vakıtta bez eribez.
* * *
Yanınnan hiç kitä almıym –
Ğaşıyq buldım ber kızga.
Äkiyättäge büre sıman
Koyırık kattı bozga.
* * *
Urap uzarga tırışam
Sözgäk ügez, täkälärne.
Sorap tormıy, üze tabıp
Dönya kat – kat täpäläde.
* * *
Üz cayın gına kaygırtkan
Hucalar barda.,
Bezneñ tormış maylanmagan
Şıgırdık arba.
* * *
Dönya irken, kiñ disäk tä
Yaşävebez tarlıkta.
Kayçak ışanıp ta bulmıy
Bezneñ cirdä barlıkka.
* * *
Baram hıyalıy bähetkä
Menä - menä citäm diyep.
Äytmim tizdän bu dönyadan
Mäñgelekkä kitäm diyep.
* * *
Sin ni genä uylasañ da
İ bändäm üzeñ turında.
Yaşäveñ dä, ülemeñ dä
Barsı da Hoday kulında.

İşetmägännär işetsen,
Belmägännär belep kalsın:
Cirdä, küktä keşe tügel
Häl itäder Hoday barsın.
* * *
Kön citmägäç tön yoklamıy
Şiğır uylap çıgaram.
Tatlı söyügä susagan
Keşe canın sugaram.
* * *
Kayçak çıp – çınga ohşatıp
Karıymın manekenga.
Mondıy da matur kurçaknıñ
Uylıymın – canı kemdä?
* * *
Äcäl kölemseräp äytä
Bette sineñ limitıñ di.
Yuknı buşka äyländerep
Küp yäşädeñ yegetem di.

Kuyanga ohşap tormıylar
Ertkıç büre karşında.
İ tatarım, nişlim sindä
Kurkaklık yugalsınga.
* * *
Sin töşerdeñ şuşı köngä
Añla ölkän tuganım.
Üz ciremdä min üzemne
Mesken itep toyamın.

İlem, millätem öçen dip
Köräş barsın tuktalmıy.
Gorurlıgın cuysa millät
Tezlänergä küp kalmıy.
Nik kilgänbez dip sorauga
Cavap şul min yülärdän:
Hoday bezne bu dönyaga
Sınau öçen cibärgän.

Ozak tügel millätemne
Ruhi yaktan imgätergä.
Arabızda tulıp aşkan
Bitaraflar dingä - telgä.
* * *
Sırhaulangan millätemä
Ni kirägen min beläm:
Gomer bakıy il – yortında
Tatar köçle din belän.
* * *
Zur yugaltu icatımda
Ber adımga çigenüem.
Toyam mıskıllı yılmaep
Doşmannıñ söyenüen.
* * *
Kürep toram i bändäm
Erak sin kamillektän.
Ertkıçtay kön – küräseñ
Uzalmıy min – minlektän.
* * *
Atam – anam tösle yakın –
İzge töşençä Vatan.
Nindi bulsa da min anı
Çın ihlastan yaratam.
* * *
Söyü – bähet talismanı,
Yörägemneñ türendä.
Soñgı sulışıma qadär
Saklansın küñelemdä.
* * *

Bayırga tora koyaşım
Kildem, kitäm inde.
Bu sihri matur dönyanı
Kürmäm bütän inde.
* * *
Et bulam da usallanıp
Örämen – hau-hau dimen.
Hau-hau dimim, kort çakkırı,
Millätem tarkau dimen.
* * *
Bändäne kırıs şartlarda
Yukka gına sınamas.
Yaşätüne, yäşätmäüne
Hoday bezdän soramas.
* * *
Bezneñ halık tügel yalkau,
Tügel üşän.
Bezneñ halık ettäy çıdam,
Attay eşçän.
* * *

Cay çıgarıp yavızlanıp
Sugıp torsa da tübägä,
Cebep töşmim, ya bulmasa
Ürä katmıym min türägä.
* * *
Kemder-burlak, kemder-kulak,
Kemder urtaça.
Ömetlänä, tüzä halık
Fäkıyr bulsa da.
* * *
Östenä kilep baskannı –
Elan, çaga saksıznı.
Hoday tämugta yandıra
İmansız – oyatsıznı.
* * *
Yaşäüläre avır diyep
Çerki tösle bezeldämä.
Yuk ul cirdä, tabalmassıñ –
Ciñel tormış sin ezlämä.
* * *

Şuşı cirdä tuıp tamırlandım,
Şuşı cirdä yäşäp dan aldım.
Şuşı cirdäHoday kuşkangadır,
Gomerlekkä bähet tabaldım.
* * *

Sugış – tatulık doşmanı
Şunı añla sin elek.
Kan ise kilgän tarihtan
Ezlämä sin izgelek.
* * *

Hıyalnıñ bula kısırı,
Teläkneñ ütälmäse.
Alga maksat itep kuysañ
Sin üzeñ kütärmäsne.
* * *
Tegeläy bul, bolay bul dip
Berkem mine yödätmi.
Üz hälemne üzem beläm –
Tıkşınular kiräkmi.
* * *
Akıllı eşläp kürsätsen,
Süz belän sıylamasın.
Üze buldıra almasa
Bezdän eş soramasın.
* * *
Fani dönyadagı baylık
Kuldan kulga küçep tora.
Baylık öçen ızgışlarnıñ
Urtasında keşe tora.
* * *
Üzeñnän artkannı büleş –
Yarlıga çıgar öleş.
İgelek kılıp Hodaynıñ
Yarlıkavına ireş.
* * *
Tormış yögen ber yalgızıñ
Barganda avır söyräp.
Tiñe kürep hälgä kerep
Yardäm itüçe siräk.
* * *
Dönyalıkka kilgän ikän
Kemder nider maytara.
Cirdä, igelek kılganga
Hoday bişläp kaytara.
* * *
Yaulıysı kilä ışanıç,
Tabası kilä tayanıç.
Härçak häleñä kererlek
Duslar bulmavı ayanıç.
* * *
Buldı, citte, başka yazmıym –
Bu şigırem soñgısı.
Şulay dim dä ikelänäm –
Bu süz minem çınmı soñ?
* * *
Bismilladan başla süzne-
Ütä izge yolanı.
Taşlamas Sine Hodayım
Köneñ bulsa dogalı.
* * *
Min şağıyr dip yörgännärneñ
Mäkkäse Kazan bulır.
Şul kıltıklar arasında
Miña kayçan san bulır?
* * *
Üzen bik irken his itä
Baş oçında – tübädä.
Säbäpsez gel borçıp tora –
Betkä ohşaş türä dä.
* * *
Yaşävem buşka bulmadı –
İşettem, kürdem, beldem.
Kilde – kitte häbärlärneñ
Taşkınına kümeldem.
* * *
Uylap tormas, taşlap kaçır
Işanıç yuk kurkakka.
Utırıp yulga çıkmıylar
Örekkän yugırtakka.