Şiğırlär - Ähmäd Yäsävi

Gariblär



Garibleğdä garib bulgan gariblär,

Gariblär hälene belgän gariblär,

Säbäb berlä yırak yirgä baribän[1],

Karendäş kadrene belgän gariblär.

Susaganda suga mohtac bulgan,

Terekdä[2] zar ulıb ulgan gariblär,

Keşe belmäs gariblär hale nider,

Mägär belgäy garib bulgan gariblär.

Garibleğ katıyg işder, i gazizem,

Kem ul bi qader – ular meskin gariblär[3],

Kil imdi Ähmädä[4], üzeñä bakgıl,

Garib sin, sin garib, meskin gariblär.


["...Gafu kılgıl gönahımnı"]


Küñlem koşı oçar daim kanat tukıb[5],

İke küzem nädamätdä[6] kanlar tükeb,

Tän ültereb, riazätdä[7] tezen çükeb, –

Ya ilyahi, gafu kılgıl gönahımnı.

Nadanlıkda kılgan eşem barça hata,

Täübä, täqsıyr[8] äydämädem yakam tota,

Gärdänemgä touk yañliğ salıb futa[9],-

Ya ilyahi, gafu kılgıl gönahımnı.

Dönya söyeb, din säüdäsen ütkäreb min[10],

Yazık yögen, äya dustlar, bötkäreb[11] min,

Därgyahına[12] mäğsıyätlär[13] kiltereb min, –

Ya ilyahi, gafu kılgıl gönahımnı...

Şom[14] dönyaga küñel baglab kähel buldım[15],

Gıyşrät belän, va(y) däriga, cahil buldım[16].

Bu dönyanı(ñ) ütärene imdi beldem, –

Ya ilyahi, gafu kılgıl gönahımnı...

Kol Huca Ähmäd gönahiga kail[17] irer,

Härkem alla disä aña yari[18] birer,

İränlärne söhbätegä mail irer[19], –

Ya ilyahi, gafu kılgıl gönahımnı.


____________________

[1] Baribän – barıp, bargan.

[2] Terekdä – isän çakta.

[3] "Kem qadersez – alar mesken gariblär".

[4] Ähmäd – şağıyrneñ iseme.

[5] Tukıb – kagıp.

[6] Nädamät – ükeneç.

[7] Riazät – teläklärne (näfesne) tıyıp toru.

[8] Täqsıyr – din ähellären olılau.

[9] "Muyınıma (gäüdämä) sölge (çüpräk) urap çılbır kebek".

[10] "Dönya söyep, din şögılen (eşen) kaldırıp min".

[11] Bötkäreb – üsterep, kütärep.

[12] Därgyahına – busagasına, katına.

[13] Mäğsıyät – gönah, yazık eş.

[14] Şom – şomlı, ışanıçsız mäğnäsendä.

[15] Kähel buldım – ir urtası buldım, gomer uzdırdım.

[16] "Küñel açıp, ay ükeneç, nadan buldım".

[17] Kail – äytüçe, citkerüçe.

[18] Yari – duslık; kuät.

[19] "Keşelärne äñgämägä (üze belän aralaşuga) häväs itär".