Şağıyr ülgäç

Ülärmen dä
Onıtırlar, dip,
Yukka gına, yöräk, yanasıñ,
Tambov urmannarı sagınır äle
Üze üstergän buntar balasın!
H. Taktaş

Kükkä karıym,
Küktä ber yoldız da
Bolıtlarga mäñge kümelmi,
Cirgä karıym,
Cirdä zäñgär küzle
Söygän şağıyr Taktaş kürenmi.

Sırkıdıda ällä uyçan yeget
Kötä mikän söygän kazların,
Kaya kitte?
Ällä ul Donbassta
Öyränäme kümer bazların!

Cıyılış açılır,
Tizdän kontsert bulır,
Kiñ zal kötär üzeneñ cırçısın,
Borılmalı ozın yullar aşa
Bezgä kilgän hisle yulçısın!

Kaya kitte zäñgär küzle yeget?
Nik kürenmi bezneñ arada?
Klub sähnäsenä üze basıp
Nik söylämi bügen ul anda?

Eh, tıñlıysı ide üzeneñ tavışın,
Tıñlıysı ide tirän hislären,
Tıñlıysı ide anıñ «Mokamayın»,
Tambovlarda niçek üskänen!

Kükkä karıym,
Küktä ber yoldız da
Bolıtlarga mäñge kümelmi,
Cirgä karıym,
Cirdä zäñgär küzle
Söygän şağıyr Taktaş kürenmi.

Ul bügenge avıl kırlarınnan
Söyenep atlıy kebek toyıla,
Äyterseñ lä şuşı şatlıkların
Ul söylärgä bügen cıyına.

«Şağıyr ülgän!..»— dilär,
Ay, bik avır,
Avırttıra bu süz küñelne,
Här tarmakta ciñep çıkkan kebek,
Eh, ciñäse ide ülemne!

Click or select a word or words to search the definition