Ozatu cırı

Söygänemne kem disägez,
Kombayn yörtä ide,
Tañ atkanda, basuga bez
İkäüläp kitä idek.

Çik buyına sakçı itep
Ozattım söygänemne,
Ozattım yırak cirlärgä
İldä ber digänemne.

Ozatsam da bik yırakka,
Yäşlär tammas küzemnän,
Al çäçäklär tıgam hatka,
İstälekkä gölemnän.

Çıgarmasam da uyımnan,
Yazmıym hatlar moñayıp,
Ul kaytır ber çik buyınnan,
Koyaş kebek yılmaep.

Kükrägenä altın yoldız
Tagılgan bulır anıñ,
Ul tuzdırır çik yanına
Kilgän doşmannar yavın.

İkäü yörtkän kombaynnı
Häzer min üzem yörtäm;
Uyaunık saklasın ilne,
Borçılmasın ul irkäm...

Click or select a word or words to search the definition