Mal kiräkmi, dan kiräkmi

Mal kiräkmi, dan kiräkmi, —

Can kiräk, cannan(1) kiräk;
Şan kiräkmi, san kiräkmi,—

Yar kiräk, visal(2) kiräk!
Kol kiräkmi, tol kiräkmi,

Kız kiräkmi,— naz kiräk;
Tän kiräkmi, kan kiräkmi,

Süz kiräkmi, — saz kiräk!
Ezlädem dä ezlädem, bik

Küp zamannar ezlädem;
Tapmasam da ezlädem,

Hiçber ömetne özmädem!..
Äy huri, kayda mäqaneñ,

İlham it, kaydan tabıym?
Açmasañ garzeñ näqabeñ(3),

Min sine kaydan tanıym?!

İgençegä

Yılgalarda akkan yazgı sular

Uyattılar sine, şıltırap,

Kilep bastı sineñ küz aldıña
Açlık patşa, sinnän can sorap.

Yul açkansıñ añar, yalgışkansıñ,

Añsız atlap, kıyık yul belän,

Açu itep yalkau, eşsezlärgä,
Doşmanlıgıñ artkan cir belän.

Mäñge dustıñ sineñ tırma-saban;

Eşlä cirne — duslık ürçesen!
Aktarılıp uñsın igennäreñ,
Könläştersen yalkau kürşesen.

1. Cannan — can azıgı.
2. Visal — çın mähäbbät.
3. Garzets näqabeñ — kiñ pärdäñne, täräzäñne.