Kıçıtmagan cireñne kaşısañ, şulay bula ikän!

(yumoreska)


Bez, mäsälän, muciklar, postoyanno garacda. Min üzem çasto şunda inde. Çönki, hatınnan yal itäseñ, keşedän yal itäseñ. Maşina da bar, allaga şöker. Nol pervıy, ör yaña - 65nçe yılgı...


Annan soñ, äle garacda bit duslar da bar. Garacga hatınnardan kaçıp kilälär inde. Bu eşkä dä äybät: öç borınga ezläp torası yuk, öç garac kuşılasıñ da: äç, äç i äç, he-he!.. Äybät.


Annan soñ, köz könne hatın kıyar yapkanda, maşina belän min bit taşıym inde bazga. Unnı yasasa, kaytkaç, ikese vatıldı, dim. Kış könne zakuskaga - menä digän! Anıñ säbäbe dä tabılıp tora eçärgä, garac tiräsendä bulgaç inde.


Ber könne ber kürşe malay "Zaporocets" belän bärelep kaytkan. Şul şatlıktan eçtek. Nişläp şatlık, disezme? Bezneñ Korabelnıy belän Mira uramında ike "Zaporocets" mañgayga mañgay kilep bärelgännär. Köçkä şuışıp çıgıp, koçaklaşıp, ike säğat yılap utırgannar: yarıy, sin "Mersedes" bulmadıñ äle, dip. Şul şatlıktan menä ikese dä ber litr kıstı ul könne. Rähätlänep cib-bärdek minem kıyar belän dä, äybätläp garacnı bikläp, kaytırga gına toradırıyım - sberbankta şofer bulıp eşläüçe dustım Rafik kilep çıktı:


- Domkratıñnı bir äle, domkrat sındı, irtägä Kazanga baram, yulda kiräk bula, - di.


Min äytäm:


- Kazanga nik barasıñ inde?


- Nik, nik, naçalnik cibärä, menä! Akça iltäse bar, - di.


- Soñ, durak bulmasañ, akçanı monda alıp kayt sin, bezgä citmi bit! - min äytäm.


- Äy, normalnıy akça tügel bit ul, - di, - tege, spisannıy akça.


Min äytäm:


- Spisannıy akça bulamıni?


- Bula, - di. - Bezdä yözleklär, illeleklär iskergäç, balta belän vaklıylar da, şunı kapçıkka tutırıp sdavat itälär, - di.


Şunnan, malay, ışanmadım bit, tegeneñ kapçıgın açıp karadım: çınlap ta, vaklangan illeleklär, yözleklär yata. Na vsyakiy sluçay ber ike kesägä tutırdım. "Akça bit, - min äytäm, kesägä iyälänep torsın äle."


Rafik domkratnı alıp kitte. Şunnan - nastroyıniye bar - avtobuska kerep bastım, kaytıp kiläm. Avtobusta keşe, malay, - more! Bilet alu cäl inde, känişne. Tege baştan konduktor - vot takaya zdorovaya marca! - miña taba kilä. Anıñ yakorların kürsäñ, malay - vo! (kükräklären kürsätä). Tege atomnıy raketanıkı şikelle. Kilde, yakorların minem öskä saldı:


- Nu çyo, mucik, biletı pokupat budem, net?


- Netu, - min äytäm, - u menä deneg! S rabotı yıdu, netu! - dim.


Tege vaklangan akça iskä töşte bit. Na vsyakiy sluçay bäläkäy genä uçnı çıgardım da tegeneñ kulına saldım.


- Çto eto takoyı? - di.


Min äytäm:


- Denga! V karmane taskal, taskal, vot takoy stal. Sto pyätdesyat rubley rovno, - min äytäm, - anda. Zavtra sdaçu daş, - dip çıgıp kittem.


Kıçkırıp kaldı:


- Popadet tebe ot cenı, - digän bula.


"Kara, - min äytäm, - kızık süz äytte bit bu! Kaytkaç, hatınnı kızık itim äle!"


Kayttım da, mesken kıyafät belän şifoner kırıyına utırdım. Hatınım:


- Närsä buldı?! - dip kıçkırıp kuydı.


- Äy, karçık, - min äytäm, - sine aldaganım ber dä yuk ide. Yegerme meñ akça cıygan idem sinnän kaçırıp. Menä, - min äytäm, - garacda tıçkan kisep betergän!


Hatın unbiş minut karap tordı da akçaga, srazu uklau belän tarttı. Ul könne kuhonnıy garnitur vatıldı, kunyanıñ pıyalası vatıldı. Eh, kıçıtmagan cireñne kaşısañ, şulay bula ikän ul...


Boları pustyak.


Unbiş könnän zarplata birdelär. Sentyabr ayına, bıltırgı. Rovno sigez yöz täñkä. Min anı kesägä tıktım da eştän kaytıp kittem. Nu bit, normalnıy mucik, zarplata algaç, ber litr bulsa da eçergä tiyeşme? Tiyeş. Şunnan bazarga kerdem dä, bezneñ anda şestoy magazin bar, ber litrnı kesägä saldım da, - garac ryadom. Kittem garacga. Bazardan çıguga bezneñ bakça kürşese Näciyä kilep çıkmasınmı:


- İ, Gamil, hälläreñ niçek? Küptän maşina rätlärgä çakırganıñ yuk.


- Soñ, äydä, - min äytäm, - böten närsä äzer. Açkıç bulsa da, totıp torırsıñ.


Üzem belän alıp kittem garacga. "Nu, - min äytäm, - äybät! Bulsa, kilä inde ul!" Eçtän garacnı bikläp kuydım. Näciyägä:


- Min häzer bazga kıyarga töşäm - zakuskaga, sin östälgä gäcit cäyä tor, - dim.


Baznıñ ike genä baskıçına baskan idem - garacga tibä başladılar:


- Aç, Gamil, aç! Sezgä sentyabrgä zarplat birgännär, tagın tıçkan kisep beterä!


Hatın kilgän! Ä bez monda Näciyä belän! Agardık ta kaldık ikebez dä. Minem hatın menä (zur buynı kürsätä), Näciyä bolay gına bit (keçkenä buynı kürsätä). Üterä bit ul anı, cidegä bökli häzer! Kaya kuyarga inde monı?..


Şunnan kinät başıma ber uy kilde:


- Ä! Bagacnikka ker! - min äytäm. - Bagacnikka!


Bagacnikka tıktım da:


- Häzer, - min äytäm, - karçık, häzer, kullarım maylangan, maşina rätläp yatadırıyım bit!


Tizräk kullarımnı sörttem dä açıp cibärdem. Hatın ıcgırıp ta kerde, malay, kostyum kesäsendäge akçanı srazu eläkterep sumkasına saldı. Annan ezlänä başladı tege et şikelle:


- Sin äle monda yäşerep kuygan tagı bardır! - di.


Ezläp yörgäç-yörgäç, cämäğat, çınlap ta, yäşerep cıygan öç meñ täñkä akçanı taptı. Ber tiyensez kaldım! Äle ul gınamı soñ - bagacnikta Näciyä yata bit äle! Açmasa yarar ide inde! Anısın açıp tormadı:


- Kabız maşinanı! Bakçaga töşäbez! Davay, tizräk bul!


- Karçık! - min äytäm. - Maşina bit sälamätle tügel! Mocet, irtägä töşärbez? - min äytäm.


- Salınma teleñä, kundıram bit häzer berne!!


Üzemnän dä zurrak, şul, kurkam. Kabızırga turı kilde inde. Min äytäm: "Näciyäne ber cirdä töşerep kaldırırmın äle, niçava."


Şunnan kuzgalıp kittek. Barabız. "Kayda tuktarga inde?" - dip uylanam.


- Karçık! - min äytäm. - Urmanga kerep çıkmıybızmı?


- Oyatsız! Anı yäşräk çakta predlağat itälär...


Barabız.


- Närsä, kükäy taşıgan maşina kebek äkren genä barasıñ, ä?


Min äytäm:


- Yul naçar bit!


Şunnan soñ poselok yulına borılgaç, barabız äkren genä - GAİ maşinası tora. Min äytäm: "Tuktatmasa gına yararıyı!" Ällä kurıkkannı sizde, hayvan - ber ozın gına urıs malayı:


- Stoyät! - dip miña kıçkıra.


Tuktadım inde, nişliseñ.


- Ta-ak, tovariş voditel. Zdravstvuyte. İnspektor İvanov. Davay, proverim dokumentı. Tehosmotr proşel - ne proşel? Pyanıy - ne pyanıy? Bagacnik otkroy! - di.


Näciyä bagacnikta bit. Hatın kabinada.


- Brat! - min äytäm. - Niçego netu tam! Klyuçi dace netu, niçego netu! - digän bulam inde.


- Davay, davay, otkrıvay! - di.


- Soñ, yuk, - min äytäm, - anda bernärsä dä! Brat, - min äytäm, - keşe bul inde, mucik tı ili ne mucik?


- Kakoy tebe mucik - ne mucik?! - di. - Davay otkrıvay!! Mocet, tam narkotik voziş? - di.


- Brat, - min äytäm, - narkotik änä - kabinada utıra!


Tegese bötenläy şiklänä başladı:


- Otkrıvay davay!!! Ne podçinyaeşsya - ştraf dam!!!


Nişlärgä inde? Barıp açkıç tıkkan buldım.


- Çto-to, - min äytäm, - ne otkrıvayıtsya.


Şunnan äkren genä cırlap cibärdem:


"Astıñda kapçıklar bardır,

Tap inde ber ämälen!

Başın butarga ide bit

Bu pogonlı käcäneñ!"


- A çyo poyış? - di. - Pyanıy çto li? - di.


- Da net, - min äytäm, - nastroyıniye normalnoyı.


- Açılmıy bit! - min äytäm. - Çego-to ne otkrıvayıtsya.


Yañadan kabinaga bargan buldım inde, otvertka aldım. Annan normalnıy açkıç belän açıp cibärsäm, Näciyä kapçık eçendä!


"Äy, - min äytäm, - bigräk başlı bala buldı inde!"


- Ta-a-k!.. Çto v meşke?


Poka minem başım citkänçe, Näciyä kapçık eçennän:


- Bä-ä-ä! - dip kıçkırıp cibärmäsenme!


- Vot, - min äytäm, - barana vezu. S cenoy na şaşlık yedem.


Tege malay ışanmadı bit - totıp karıy. Näciyäneñ yomşak cire turı kilde, ahrısı:


- Da, rezat mocno etogo, - di.


Şunnan soñ, malay, bakçaga töşkänçe, söyenep bardım: äle yarıy hatın çıkmadı! "Bakçaga töşügä srazu, - min äytäm, - maşina yuarga kitäm dip, Näciyäne töşerep kaldıdırmın".


Bulmadı bit! Kilep citügä hatın srazu köräk tottırdı. İke sotıy cir kazıdım, malay! Näciyä yata. Kızuda. Cällädem üzen.


İskä töşte:


- Karçık, - min äytäm, - tege gaişniknı kürdeñme? "Ägär dä kaytkanda maşinañnı yumagan bulsañ, 450 täñkä ştraf salam!" - dip äytte, - min äytäm.


Hatın:


- Bar, alaysa, tiz genä barıp yuıp kil! - dide.


"Oy, - min äytäm, - hoday bar ikän!"


Kilep cittem kül buyına. İrtä şatlanganmın ikän... Näciyäneñ ire karşıga çıgıp kilde!


- Brat, balonnıy klyuç day! - di, ul üze urıs malayı.


Balonnıy klyuç bagacnikta bit!


- Net, - min äytäm, - u menä balonnıy klyuç!


- Nu, day, pocaluysta, inde! - digän bula bit. - Ya ce u tebya yıgo daveça videl v bagacnike! - di.


Yañadan bagacnik artına kildem dä köyläp cibärdem:


"Kapçıgıñnan çıkma berük!

Şuldır inde kiläçäk.

Mucigıñ açkıçka kilde,

Sizsä, bärep üteräçäk!"


Tagı bismillamnı äytep, bagacniknı açıp cibärdem - Näciyä kapçık eçendä!


Alıp töştem dä tiz genä kapçık başın bäyläp kuydım.


Tegeneñ mucigı:


- Närsä, kartoşku voziş çto li? - dip, kapçıkka ber tipte.


- Da, - min äytäm, - kartoşka uce citlekkän, alıp kaytam.


- Çto-to u menä v etom godu kartoşka plohaya urodilas, a u tebya vrode niçego, - dip, kapçıkka tagın ber tipte.


Şunnan eçtä Näciyä tüzmäde:


- Närsä tibäseñ inde, hayvan? Bäräñge bulgaç, bäräñge bula inde ul!


Yarıy, tegese añlamıy kaldı: azrak "cibärgän" bulgan, ahrısı.


Tiz genä açkıçnı birdem dä, kapçıknı bagacnikka saldım da, külneñ başka kırıyına kilep cittem. Aşık-poşık kapçıknı açtım da - bäräñge kapçıgı bulgan, küräseñ - Näciyäneñ bite kap-kara - kilde dä çıktı. Kilep tä çıktı, nık itep yañagıma kiterep tä tarttı. Küzdän utlar kilep çıktı. Läkin ul utlar bik sizelmäde, çönki kıçıtmagan cireñne kaşısañ, şulay bula ikän!

Click or select a word or words to search the definition