Latin

Күк җырлары

Total number of words is 180
Total number of unique words is 140
52.8 of words are in the 2000 most common words
64.0 of words are in the 5000 most common words
69.6 of words are in the 8000 most common words
Each bar represents the percentage of words per 1000 most common words.
Иблис:
— Синме — Алла, әллә минме — Алла?.
Ә Иблис — син, мин — Алламы?..
Төптән гакыллырак бәндәләрне
Кайсыбыз соң күбрәк алдады?..
«Ышан миңа!»— дидең,— ышанмадым,
«Буйсын!..»— дидең,— буйсынмадым.
Сәҗдә кылырга син әмер иттең,
Мин карыштым — сәҗдә кылмадым.
Эшнең аелын белдем — ышанмадым,
Синең белән эшне бетердем.
Матур җәннәтеңә кызыкмадым,
Гарше көрсиләргә[11] төкердем.
Җир йөзендә кайбер гакылсызлар
Синең өчен янып йөриләр;
Җәһәннәмнән куркып, оҗмахыңа
Кызыгып, гамәл кылып йөриләр...
Алла:
— Мәлгунь Иблис, мине инкяр итмә!..
Ләгънәт камытын тиздән киярсең;
Вәгъдә кылган көннәр килеп җиткәч,
Мәңге җәһәннәмдә көярсең!..
Түбән җирдә йөреп, азып-тузып,
Сөйләшмә син алай зур булып,
Рәхмәтемнән сине ерак иттем,
Син калырсың мәңге хур булып...

(Бу — бер шагыйрь җыры, шагыйрь моңы.
«Алла» — «Иблис» булып җырлаган.
Мәгълүм инде, алар җырлашканны
Үзе карап тыңлап тормаган...)

Бу җырларны беркөн мин җырладым
Бер эшчегә — эшче тыңлады.
Тыңлап беткәч, үзе сүз башлады
(Шаккатып тик карап тормады).
Эшче:
— Саташма син, шагыйрь, юк-бар белән!.
Син язганча түгел, юк алар!..
Һичбер заман шулай сөйләшмәгән,
Син әйткәнчә, Иблис, аллалар...
Иблис, Алла булып ялган сөйләү —
Иске заманнардан калган эш,
Шул ялганнар һаман сузылып килә,
Тик ул хәзер алган яңа төс.
_________
[11] Гарше көрси — күк тәхете, Алла тәхете.
You have read 1 text from Tatar literature.