Koşlarda Da Keşe Yazmışları...

(näser)

Bu yılnı yaz avılga bik irtä kilde. Koyaş üzeneñ nurların cirgä cällämiçä çäçä başlagaç ta, cılı yaktan avılga yalgız torna oçıp kayttı.
Uzgan yılda, altın köz başlanır aldınnan Zakir kart kül buyınnan, kanatı yaralangan torna tabıp, öyenä alıp kaytkan ide. Tornanıñ kanatı tözälep betkäç, kart anı irekkä oçırıp cibärde.
Tik torna gına, ällä kartka bötenläy ük öyränep bette, ozak kına äle avıl östennän oçıp yörde. Soñınnan gına zäñgär kül buyında üskän zifa tallar yagına oçıp yugaldı. Zakir kart küzlären taldırıp, ozak kına torna artınnan karap tordı. “Menä tagın yalgızım kaldım inde”, - dip uyladı ul.
Menä torna bu yılnı da avılga kayttı...

Avıl oçınnan, yak-yagına karana-karana ber keşe atlıy. Tugan avılınıñ tabigate belän soklanıp kaytıp baruçı – Zakir kartnıñ ulı Zarif bit bu.
Dimäk, kart ta yalgızı kalmayaçak.
Üzen dävlaganı öçen mondıy büläkne ällä torna büläk itkänme soñ kartka? Şul torna alıp kaytkandır Zakirnıñ adaşıp yörgän ulın.
Kart küzlärennän kaynar yäş tamçıları tama – zarıgıp kötkän ulı kaytkan bit.
Berazdan yalgız torna da üzenä parın taptı, kiläçäk buını turında kaygırta başladı.
Zarif üzeneñ tuıp üskän yortında dönya kötä başlagan vakıtta, ike torna da oya kora başlagannar ide.
Tormış şulay, yañadan çäçäk atıp, bähetle genä dävam itte.

“İgençe” №108, 13 oktyabr 1994 yıl.

Click or select a word or words to search the definition