Kiçä-köndez häzer torıñ – kiler äcäl

Beleñ, duslar, niçä kiçde[23], niçä kaldı, –
Nä bulgusın, nä kilgüsen belgän barmı[24]?!

Monda kıylgan eşlär anda soralguçı,
Soralmayın kotılubän kalgan barmı[25]?!

Soralmagay, ägär bulsa izge ğamäl,
Kılmış ğamäl cömlämezgä hirıs ämäl[26].

Kiçä-köndez hazıyr torıñ, kiler äcäl,
Äcäl kiler tibiyän, yarag[27] kılgan barmı?!

Kollıksız birelmäsder ikän didar[28],
İmgäksez[29] ir moradıga kaçan yitär?!

Gauvas kereb gommanga gäühär tabar[30],
Räncsez, gänec estäyübän tabkan barmı[31]?!

Kotkargu[32] üzene monda kollık berlän,
Kermägü tämug eçrä mänlek berlän[33].

Kollık kıylgı mäülyasenä irlek berlän[34],
Kollıksız üzene utdin yolgan (yolıp kalgan. – H. M.) barmı?!

Yarak kıylgu hämd-ü säna Şähadätne[35],
Gadät kıylgu kollıgda kıyafätne.

Ber kön mengü (menü – H. M.) ul cenaza atlıyg atnı,
Uşal atka hiç menmäyen kalgan barmı[36]?!

Beler bulsañ: gänec, torır yir väyran torır[37],
Hozır berlä Musa kälim(e) yaran torır[38].

Kal ähele[39] süz eçendä häyran torır,
Halne küreb kal ähele salgan barmı?!

Kol Söläyman, hal berlä, hikmät tözär[40],
Hal berlä tağat näfsene özär[41].

Zahir härab, batıyn mäğmur bulıb gizär[42].
Gıyşık bazarın bülep, räh(ä)ten algan barmı?!

_________________________

[23] Kiçde – monda: ülde, tege dönyaga küçte.
[24] "Ni bulasın, ni kiläsen belgän (keşe) barmı?!"
[25] "Soralmıyça kotılıp kalgannar barmı?!"
[26] "Kılgan ğamäl – barçabıznıñ komsızlıktır".
[27] Tibiyän (tıybiyän), yarag – igelek, yarak (kiräkle azık); hästär.
[28] Didar – oçraşu, kavışu; yözen kürü.
[29] İmgäksez – mäşäqatsez, hezmät kılmıyça.
[30] "Vodolaz kerep diñgezgä (Garäbstan yarımutravındagı Oman kultıgı da küzdä totıla) cäühär tabar".
[31] "Mäşäqatsez, (kemneñ) häzinä ezläp (teläp) tapkanı bar?"
[32] Kotkargu – kotkar.
[33] "Kermä tämug eçenä minlek belän (üz – üzeñne yugarı kuyıp)".
[34] "Allaga kollık kıl sin irlek belän" mäğnäsendä.
[35] "Yarak (tege dönyaga äzerlek) kılunıñ dälile – Allaga maktaudan uku".
[36] "Şul atka (yağni cenaza atına) hiç menmiçä kalgan (keşe) barmı?"
[37] "Belsäñ: häzinä, torgan cir (hämmäse) vakıtlıdır".
[38] "Hozır belän Musa (päygambärlär) – yakın duslar (fikerdäşlär) torır".
[39] Kal ähele – süz söyläüçe; buysınıp gıybadät kıluçı.
[40] Hikmät tözär – hikmät (şiğır) yazar.
[41] "(Allaga gıyşık) häle belän buysınu näfesne özär".
[42] "Tışıñ harap, eçeñ tözek bulıp gizär".

Click or select a word or words to search the definition