Kabırçıklar

Kabırçıklar — süngän tere dulkın,
diñgez şavı kilä alardan.
Diñgezlärdä minem bulganım yuk,
kabırçıklar...
iskä töşä diñgez yañadan.

Ällä kanda kaynap uyanamı
erak babamnarnıñ hätere?
Cir yözennän küptän kitsälär dä,
canda alar isän häm tere.

Küz aldımda (gärçä kürgänem yuk)
yäş ananıñ şaşkan küzläre,
zäñgärlege belän tötenle
Kük, çatır çatı, uçak ezläre...
Kolaklarda (gärçä işetkän yuk)
at keşnäve, yılau tavışı...
İskän cillär kagıl galap ütä,
tanıganday iske tanışın.

Häterlim kük dala kılgannarın,
şular aşa uzgan yulımnı.
Kabırçıklar...
Küzläremne yomam — diñgez şavı,
sukırlarça suzam kulımnı...