İh duskayım, kil äle

Yuktır äle kürgäneñ
Bezneñ avıl küllären.
Kürsäñ ide tal kızınıñ
Külgä karap kölgänen.

İh duskayım, kil äle,
Kül buyların kür äle.
Küldä çumıp, küldä yözep,
Rähätlären bel äle.

Yuktır äle küllärneñ
Çäçäklären özgäneñ.
Kürsäñ ide caylap kına
Kaz-ürdäklär yözgänen.

İh duskayım, kil äle,
Kül buyların kür äle.
Küldä çumıp, küldä yözep,
Rähätlären bel äle.

Yuktır äle kürgäneñ
Görläp kötü kaytkanın.
Kül östenä nurın sirpel,
Kiçen koyaş batkanın.

İh duskayım, kil äle,
Kül buyların kür äle.
Küldä çumıp, küldä yözep,
Rähätlären bel äle.

Yuktır äle kürgäneñ
İgennär ölgergänen.
Belsäñ ide ber çibärneñ
Üzäklärne özgänen.

İh duskayım, kil äle,
Kül buyların kür äle.
Küldä çumıp, küldä yözep,
Rähätlären bel äle.

Click or select a word or words to search the definition