Hayvannar Dönyası

(yumoreska)
- Kügärçenem, kaya, çıgıp kitkänçe biteñnän ber genä çüp itep alıym äle. «Tsyup».

- Uf, präme bitläremne yandırdıñ, börketkäyem.

- Bılbılım, kaya ikençe biteñne dä...

- Häzer, häzer, arıslanım.

- Tsyup, tsyup.

- Nu, suırıplar da kürsätteñ! Närsä şulay yuhalanasıñ äle? Tagın kaya cıyındıñ inde?

- Ber yörep kerergä ide isäbem, sandugaçım.

- Tagın sırahanägä barasıñdır äle. Häyläkär tölke dä soñ üzeñ! Şul yakka gına kıyaklaunı karıysıñ...

- Gel kabarınırga gına torma inde, yomşak pesiyem! Berär bokal gına çömeräm dä, äylänep kaytam.

- Kiçä dä şulay dip çıgıp kitkän ideñ, duñgız urınına eçep kayttıñ!

- Cä inde, kuyanım, açulanma. Bügen alay bulmam. Kiçä dä Säyfi oçrap, ikebezgä ber yartı böklämägän bulsak...

- Şul işäk Säyfi belän yörep, üzeñ dä alkaşka äylänep betäseñ inde.

- Çäpçemä, didem bit inde min siña! Äle iserep tä kaytmadım, sin inde tavık kebek kıtaklıy da başladıñ.

- Niçek kıtaklamaska, aygırday mucigıñ ber cirdä dä eşlämiçä, sıra çömerep yörsen dä...

- Aygır, imeş! Üzeñne genä bel yäme: ana et sıman bilämnän kaytıp kergäneñ yuk...

- Karale, kara, söyläp torgan bula tagın! Sin bozauga çıkmagan bulsam, min dä keşe hatınnarı kebek yäşär idem.

- Min bozau bulıp närsä eşlägän soñ?!

- Bozau bulmıyni, bozau şul. Mögezeñ genä çıgıp citmägän älegä. Bolay bulsa, anısı da çıgar...

- Üzeñne bel: köne-töne ürdäk şikelle bakıldap, kolak itemne aşıysıñ.

- Söyläp torgan bula, içmasa, ir disäñ, hätere kalır, änä, kürşe Välidän ürnäk al: ügez şikelle eşli, akçanı da umırıp ala.

- Ha, anıñ hatını da su sölege kebek. Sineñ sıman ana kazday alpan-tilpän kilep yörmi.

- Sin işäk belän gomeremne bäylämägän bulsam...

- Käcä bätiye kebek bulır idem, diseñme?

- Käcä naçarmı ällä? Härhäldä, sindäy sarık tügel inde.

- U-uh, çistıy yılan buldıñ. Gupçem tüzär häl kalmadı!

- Ä üzeñ soñ, üşän alaşa!

- Ä sin korbanın sagalauçı karçıga!

- Sin, duñgız...