Ğaşıyq Häm Sıyır

Min çäçäklär cıydım, söyeklemä
Bäyläm itep bäyläp kiterdem.
Kürsen irkäm anıñ kuldalıgın
Yörägemneñ, bähtem, irkemneñ.

Ah, ni ğarlek, kızım çäçäklärne
Täräzädän tışka ırgıtkan.
Ä alarnı sıyır aşap kitkän...
Niçek tüzim ülmi hurlıktan!

Ğaşıyq süzen sıyır işette dä,
Gacäplänep, başın selkede.

— İsem kitä,— dide,— bu ğaşıyqka,
Karap torsañ, keşe şikelle!

Añlamıyça, ahmak, eşneñ töben,
Nigä şulay kıza, tuzına?
Min aşasam anıñ çäçäklären,
Söt biräm bit söygän kızına.

Minem söttän anıñ yöze alsu,
Minem söttän — taza, söykemle,
Täne yomşak, anıñ teşläre ak,
Yaña saugan sötem şikelle...

Uyga kaldı ğaşıyq...

— Çın da,— dide,—

Nik tirgim min bu sötbikäne?
Ul bit kön dä, kırdan ülän cıyıp,
Kaymak belän sıylıy irkämne!

Azık bulsın gölem sıyırına,
Min telämim artık hiçkemne!
Miña şul da bähet, äydä, irkäm
Kaymak itep eçsen gıyşkımnı...

Häm yuandı ğaşıyq...

Häzer kön dä

Çäçäk cıyıp çişmä buyında,
Kızga tügel, kiterep çäçäklärne
Ul aşata ikän sıyırga.

Cir yöze şundıy kiñ,
Küñelle häm yaktı!
Tik törmäm karañgı,
İşege yozaklı!

Küktä ber koş oça
Yugarı, yugarı!
Min aunıym idändä,
Kullarım bogaulı.

Tışta ber göl üsä,
Yañgırga koyınıp;
Min kibäm, min sulam,
Törmädä boyıgıp.

Min beläm: bik tatlı
Da yäşäü toygısı!
Tik inde min üläm,
Bu cırım — soñgısı!

Click or select a word or words to search the definition