Dogadin onıtma, äy ike küzem

"Dogadin onıtma, äy ike küzem"
(özeklär)

...İzem täüfıyk birde, tämam kıldım uş,
Yadekär mäneñdin siña kuydım uş...

...Altınboga irde ul sabiki atliğ,
Üze ğalim-ü hälim häm tele tatliğ.

İyärä kildem häm anıñ katınga,
"Kolıy" tib äyürlär anıñ atınga1;

Kileb İskändärgä2 täcrid öçen,
Alayın tib kyaferdän möemin üçen3.

Biläsendä kildem niyäte gaza,
Tekätdem kitabnı4 uş anda yaza...

...Betedem kitabın hatasın bakıb,
Bu zähmät çikkänem belgäysän ukıb.

Atagım ma "Bärkä Fäkıyh"5 tib ançak,
Üzem möemin-ü möslim, ma aslım kıbçak6.

Minem berlä kilgän, tabıb dönyalık,
Miña birde yazmak, ukımak, belek.

Monıñ berlä mäşhür Misırda üzem,
"Fäkıyh" tib äyürlär, äy ike küzem...

...Betedem ma yazdım bu ber kaç süzem,
Dogadin onıtma, äy ike küzem...

...Şäkärgä näzar kıl, kamışka bakma,
Bu ahmak nadannıñ süzenä yakma.

Bu ahmak büre tik, gakıyllar-kuy ul,
Bu büre kuyınga kuyarmı hiç yul?!.

...Tarih yite yöz yıl siksän bişendä7,
Säfär ayınıñ yegerme bişendä,

Yul üzrä ni bulsa, betedem kitab,
Hatımnı zägıyf tib kılmagıl gıytab...

Tärcemäse:

...Allam täüfıyk birde, tämam kıldım monı,
Minnän siña yädkär itep kuydım şunı...

...Altınboga ide anıñ elekke iseme,
Üze ğalim häm tärbiyäle, tele tatlı.

İyärep kildem miñ anıñ belän bergä,
"Kolıy" dip äyterlär anıñ isemene;

Kilep İskändärgä sugışır öçen,
Alam dip kyaferdän möemin üçen.

Bergälektä kildem izge sugışka,
Tämamladım bu kitapnı anda yazıp...

...Yazdım kitapnı hatasın tikşerep,
Nikadär hezmät tükkänemne belerseñ ukıp.

Atım Bärkä Fäkıyh dip buldı mäğlüm,
Üzem möemin-möselman, aslım – kıpçak.

Minem belän kilgän (yağni Altınboga) çara tabıp,
Miña yazu, uku, belem alu mömkinlege birde.

Monıñ belän Misırda mäşhür üzem,
"Fäkıyh" dip äyterlär (üzemä), äy ike küzem8...

...Yazdım min bu küp süzlärne,
(Şunıñ öçen) mine dogadan mährüm itmä, äy ike küzem...

...Şikärgä küz sal, kamışka bakma,
Bu ahmak nadannıñ süzenä karama.

Ahmak (keşe) büre kebek, akıllılar – kuy ul,
Büre kuylarga (sarıkka) kuyarmı hiç yul?!.

...Tarihnıñ cide yöz siksän bişençe yılında,
Säfär ayınıñ yegerme bişendä,

Yulda ni bulsa da, kitapnı yazdım,
Yazganımnı zägıyf dip, kılmagıl şeltä...
1 Küräseñ, Altınboga, Misırga kilgäç, üzenä "Kolıy" kuşamatın ala.
2 İskändär – Misırdagı şähär iseme.
3 Süz täre yörtüçelärgä karşı sugış hakında bara.
4 Bärkä Fäkıyh Kotb kitabın küçerep yazu turında süz alıp bara.
5 Fäkıyh – şäriğat kanunnarı belgeçe, yurist.
6 Däşti – Kıpçaknıñ, yağni Altın Urdanıñ töp halkın kıpçaklar täşkil itkän. Bärkä Fäkıyh çıgışı belän şuşı mämläkättän.
7 Hicrineñ bu yılı miladi belän (yağni häzergeçä) 1383 nçe yılga turı kilä.
8 İke küzem (ikküzem) dip däşü mişär tatarları telendä häzer dä oçrıy.

Click or select a word or words to search the definition