Bolgançık Yıllar

(roman)
Mähmüt Galäü (Mähmüt Galävetdin ulı Märcani, 1887-1938) – tatar ädäbiyäte, kulturası üseşenä zur öleş kertkän yazuçı. Ul icat itkän äsärlär arasında dürt kitap itep uylanılgan, läkin tämamlanmıy kalgan «Kanlı tamgalar» tarihi epopeyasınıñ berençe ike kisäge – «Bolgançık yıllar» häm «Möhacirlär» romannarı ayıruçı kıymmätkä iyä. «Bolgançık yıllar»da iske tatar avılınıñ könküreşe, goref-gadätläre, açlık yıl vakıygaları, ä «Möhacirlär»dä 1897 yılgı halık sanın alu vakıygasına bäyle räveştä kuzgalgan çualışlar, bölgenlekkä töşkän tatarlarnıñ bähet ezläp Törkiyägä küçep kitüläre häm andagı yazmışları surätlängän.

Romannarnıñ tatarça kulyazmaları Kazannıñ «Tatizdat» näşriyätendä bastırılmıyça yatıp, ahırda yukka çıkkan. Şuña kürä, soñrak alar 1931 häm 1934 yılgı rusça basmaları nigezendä yañadan tatarçaga kaytartılgannar. «Bolgançık yıllar»nı Yahya Halit, «Möhacirlär»ne Räis Dautov tärcemä itkän.

Mähmüt Galäü – sovetlar tarafınnan küp häm törleçä kıyırsıtılgan, ahırda NKVD törmäsendä hälaq bulgan facigale şähes.

Click or select a word or words to search the definition