“Ber Tiyenlek” Maşina

Hikäyä

Duslar belän oçraşunıñ töp säbäbe şul fevral könendä yulga çıgu belän bäyle buldı. Cıyılışıp kına mataşa idek. Çäylädek. İnde yulga kuzgalırga tiyeşbez.
— Närsä belän barabız soñ?— dip soragan idem, duslar:
— “Ber tiyenlek” maşinada!— didelär.
Min aptırabrak kaldım. Äytkän bulsagız, üz maşinamnı cigüne mäğkulräk kürer idem diyäräk süz tugılarga alınmakçı idem, borçulı yözemä yılmayu koyaşı çıksın öçender:
— “Ber tiyenlek” maşina — “Kopeyka” inde ul, urısça äytkändä... “Ciguli”neñ berençe modele. İtalyannar büläge. Bügen dä çaba, yöz yıldan soñ da yögeräçäk äle!— didelär, ni äytergä telägännären cöpläp añlatırga ölgergän duslarım.
Ul berençe model “Ciguli”neñ “Kopeyka” dip tä, “Ber tiyenlek” maşina dip tä halıkta atalıp yörtelüen belä idem. Ämma bara torgan cirebez avtoritetlı bulganga, anıñ işe iske-moskı belän yulga çıgasım kilmäde. Şulay da, kaya barasıñ, rizalaşıp, çäylägän urınnardan kuzgaldık.
Cıyılganda uk häterläp kalgan idem, anda, uramda, berniçä “Ciguli” maşiansı torganın. Kaysında baraçagıbız yaña gına söyläşüdän bilgele bulganlıktan, irtäräk çıgıp, “Ber tiyenlek” maşina yanına barıp bastım.
Ul da tügel, duslarım, artımnan kürenep, beraz çittäräk torgan ör-yaña “Ciguli”gä töyälenä başladılar. Busı “Unınçı” model ide.
Alarga kuşıldım. “Ber tiyenlek” maşinanı telgä aldım. Duslarım köleştelär dä:
— Busı da şul uk “Ber tiyenlek” maşina inde,— dip äytep-äytep kuydılar.
Ämma süzlärendä haklık bar diyäsem kilmi ide. Niçek kenä äytsägez dä, patriot tügelme ällä min!

26.02.04.