Söyü

Özelep söyde yeget,
Kıyar-kıymas
Açtı aña berkön yörägen.

— Söyäm... — dide, läkin nazlı kıznıñ
İşetmäde: «Mindä!»—digänen.

Kız yaratıp yüri äytmädeme
Ällä çınlap yaratmadımı?!
Tik köçäyde yeget yörägeneñ
Söyü belän kanatlanuı.

Sugış kilde... Ayırıp irkäsennän,
Ut çülenä tartıp kiterde.
Söyü anı alga citäkläde,
Yarasınnan kanın kipterde.

Kızı öçen, tugan yortı öçen
Ul aldında buldı köräşneñ.
Egetlegen şunda kürsätmäsä,
«Eget!» diyep aña kem däşsen?

Söyü belän üzen köçle sizep,
Ul atladı därtle, ömitle.
Ciñü tañı cirdä kabınganda,
Yadrä yıktı ahırı yegetne.

Ul sataştı soñgı sulışında,
Ülem ise anı isertte.

— Söyäm...—dide,
häm ul irkäseneñ:

— Min dä! — digän tavışın işette.

Click or select a word or words to search the definition