Zäñgär küktä haua şarında

Ir-egetteñ kübehe bala saqtan tehnikağa ıntıla. Beräüzär, yıtez avtomobildärgä qarap, kiläsäktä üzen şofyor itep kürhä, sikhez zäñgär küktä aq yul halğan samolettarzı küzätergä yaratqan ikenselär osousı yä kosmonavt bulırğa teläy. Nail Ğäliyiv ihä bäläkäyzän haua şarında osorğa hıyallana...

Yazmış yıldäre Nail Riks ulın Alıs Könsığışqa, Primore krayına alıp kitä. Zäñgär kük haqındağı bala saq hıyaldarın sitkäräk quyıp, diñgez flotına eşkä urınlaşa, sauza karabı kapitanınıñ ölkän yarzamsıhı vazifahına tiklem ürläy ul. Hezmät kileşeüyenä yaraşlı, irtä yazzan qara közgäsä okean kiñlektären iñläy. Yır şarın tulıhınsa tiyerlek urap sığıp, törlö qitğalarza yäşäüselärzeñ könküreşe häm mäzäniäte menän tanışa. Äle lä hönäre buyınsa eşläüyen dauam itä, ä qışqı ayzarzağı yal vaqıtında tıuğan yaqtarına yullana.

Matur häm nıqlı hıyal keşene ber qasan da taşlamay. Bala saqtağı kükkä kütäreleü teläge Naildeñ küñelendä ğümerlekkä nıqlı urın ala. Bıl haqta tanışıuzarınıñ täüge köndärenän häbärzar bulğan tormoş iptäşe Älfiä Mäğäfür qızı, höygänen üzensälekle hıyalın tormoşqa aşırırğa öndäp, unı gel genä därtländerep tora. Bıl ihä, ısınlap ta, uzamandıñ iñdärenä qanat üsterä. Ul ğına tügel, kükkä kütäreleü niäte saya irle-qatınlı ikeheneñ döyöm telägenä äylänä. Köslö zat väkile bularaq, Nail Halıq-ara qatın-qızzar könönä Älfiähenä ğäzäti bulmağan büläk yahay: unı Primore krayınıñ Novonikolsk qasabahındağı aeroklubqa alıp bara. Häm ular ikäüläp berense tapqır haua şarında kükkä kütärelä.

– Yırzeñ 1300 metr beyıklektän asılğan ğäcäyıp möhabätlegen häm hozurlığın kürgän mäldä küñeldä uyanğan his-toyğono tik osousılar ğına añlayzır. Üzeñde ısın mäğänähendä qanatlı itep toyahıñ, donya vaqlıqtarınan östön häm ularzan azat itep his itäheñ, – tip häterläy ul haqta Nail Riks ulı.

Ä yırzä ularzı tağı la bar ğümergä istä qalırlıq vaqiğa kötkän bula: 1783 yıldan kilgän traditsiyağa yaraşlı, aeroklub yıtäkselege Ğäliyivtärgä «Novonikolsk grafı häm grafinyahı» tigän mahsus titul birep, oşo haqta tanıtma tapşıra.

Bıl häl ber maqsat menän yanıusılarzı tağı la därtländerep yıbärä häm urtaq hıyalğa iltkän yulda ähämiätleräk azımdar yaharğa etärä. Sirattağı yaldarı başlanğas, 2016 yıldıñ ğinuarında Ğäliyivtär Mäskäü ölkähendäge Dmitrov qalahına yullana. Ğaşiqtar bındağı aviatsiya-uqıtıu üzägendä haua şarında (aerostatta) üzallı osorğa öyränä, teyışle künekmälär ütä.

Ä bıyıl ihä yäş osousılar üzebezzeñ Öfölä, Başqortostandıñ Hauala osou sportı federatsiyahınıñ aeroklubında osou buyınsa belemdären nığıta, östämä künekmälär barışında ostalığın arttıra. Artaban Ğäliyivtär bar qoramaldarı menän haua şarı, unı küserep yörötöü ösön «UAZ-Patriot» avtomobile hatıp ala, maşinağa tağılma arba hästärläy.

Ğinuar azağında Nail tıuğan Salauat rayonı kügenä täüge tapqır häm üzallı kütärelä. Ir-uzamandıñ haua şarında osouın Arqauıl, Küsälär, Mähmüt häm Izelbay auıldarı halqı ğäcäpläneü häm qızıqhınıu menän küzätä. Baqhañ, bıl vaqiğa menän milli batırıbızzıñ yaqtaştarı ğına tügel, totoş respublika halqı ğorurlanırlıq: haua şarında osou ösön räsmi tanıtmağa Räsäy buyınsa ike yöz samahı ğına keşe eyä, ä Başqortostanda undayzar ni barı ösäü genä bulğan, häzer Ğäliyivtär isäbenä ular bişäügä yıtte.

Nail Ğäliyiv älegä hauağa üze genä kütärelhä lä, yaqın kiläsäktä telägändärze ällä ni zur bulmağan haqqa haua şarında osororğa niätläy. Täü siratta ul tıuğan Uralıbız maturlığın fotoğa häm videoğa töşörörgä telägän keşelärze kötä. Saya yünselgä bıl igelekle niäten tormoşqa aşırıuza uñıştar ğına telärgä qala.


Salauat rayonı.