Yuğarıraq bahağa layıq

“Eget keşegä yıtmeş törlö hönär zä az” tigän halıq mäqäle tap Firzäüyes Ğäniyiv turahındalır ul. Üze yäşägän Krasnokamala ğına tügel, yaqın-tiräläge rayondarza la unı küptän “altın qullı osta” tip narıqlayzar, iseme respublikala ğına tügel, Başqortostandan sittä lä kiñ bildäle.

Ğümereneñ küp yıldarın neft sığarıu tarmağına, ber zä yıñeldän bulmağan ekskavatorsı hezmätenä bağışlağan, äle altmış yäşenä yaqınlağan ir-uzaman ike qatlı öy halıp ingän. Uzğan bıuattıñ 90-sı yıldarı azağında ul “Iñ yaqşı şähsi yort” respublika konkursı diplomına layıq bulğan.

Firzäüyes ağay auıldaştarına ğına tügel, kürşe rayondarza yäşäüselärgä lä matur-matur öyzär kütärergä bulışa. Üze äyteüyensä, Qaltası, Krasnokama häm Yañauılda ös tistänän aşıu yort unıñ qatnaşlığında tözölgän.

Bına ös tistä yıl samahı inde ul ağastı yunıp ta, hırlap-semärläp tä hoqlanğıs äyberzär eşläy, qumızın da, bäläkäy genä garmunın da yahay, ular arahında şırpı qabınan az ğına zurıraqtarı la bar.

– Ällä ni uylanıp tormayım, totam da beräy figura yahay başlayım, – ti Firzäüyes Barıy ulı üzeneñ şöğölö turahında yabay ğına. – Huñınan berläşterep, nindäyzer kompozitsiya kilterep sığaram, şulay panno äzer bula. Bıl hönärgä qayzalır uqıp-öyränep yörömänem, Hozay birgän hälät inde...

Şulayzır. Isın hönärmändeñ ağastan eşlägän üzensälekle hauıt-habahı, törlö hındarı, başlısa auıl tormoşon, halıq äkiättäre syucettarın sağıldırğan pannoları rayonda häm respublikala ğına tügel, elekke Sovettar Soyuzınıñ törlö taraftarına, hatta sit ildärgä lä taralğan: qayhıları suvenir sifatında büläk itelgän, bınday äyberzärzeñ qimmäten dörös bahalausılar ularzı hatıp ta alğan. “Möğcizälär yalanı” populyar teleuyınınıñ ısın mäğänälä halıqtıqı bulğan muzeyında la talant eyähe eşlägän ber skulptura haqlana. Unı Krasnokama rayonınan uyında qatnaşıusı tapşırğaynı.

Osta yahağan äyberzärze halıqqa, kilgän qunaqtarğa kürhäteü ösön rayonda törlö saralarğa, habantuyzarğa Firzäüyes Ğäniyivte yış saqıralar. Bıl köndärzä hönärmändeñ şähsi kürgäzmähe rayon üzäge Nikolo-Berezovkalağı tıuğan yaqtı öyräneü muzeyında quyılğan.

Yuğarıraq bahağa layıqElekke munsahın yünätep häm maturlap, üzenä ostahana yıhazlağan Firzäüyes ağay. Unıñ ikense qatında ağas eştäre, üze yahağan häm yünätkän garmundarı, inde qullanıuzan sığıp, tarihi qomartqığa äylänep barğan iske tormoş-könküreş äyberzäre tuplanğan muzey oyoştorğan. Baqsahınıñ ber möyöşöndä sitändän tirmä lä ürä başlağan. Kilähe yäygä ul äzer bulasaq.

Qara közgäsä küzzeñ yauın alıp ultırğan tistälägän tör säskägä kümelgän ihatahın da kinolağısa yämlägän hönärmän, här qura häm qorolma üzensä hırlap-semärläp bizälgän, sağıu töstärgä buyalğan. Yıyän-eyänsärzäre şatlığına yäyge mizgeldä daimi eşläp torğan fontanlı basseyn da qorop quyğan hästärlekle olatay.

Firzäüyes Barıy ulı ber nisä muzıka qoralında irken uynay. Yañauıl qalahında ütkärelep kilgän “Moñğa bay garmun bayramı” respublika konkursında ber nisä tapqır laureat häm diplomant iseme birgändär. Häläl yıfete Räüilä hanım häm Yañı Moştonoñ häüäskärzäre menän yaqın-tirä auıldarzıñ sähnälären deü kilterep, kontserttar za quyalar.

Yänä ike fekergä tuqtalmaham, yazıq bulır tip isäpläyım. Berensehe – bögön törlö şöğöl menän dan alğan halıq ostaları ösön respublika kimälendä ber nindäy zä maqtaulı isem yuq. Icad keşehen yañınan-yañı uñışqa därtländereü ösön käräkter ul. Bında uylanırğa urın bar, älbittä.

Ikense fekerem küp yaqlı talant eyähe Firzäüyes Barıy ulına qağıla. Yuq tügel, bar unıñ icadi eştäre ösön törlö konkurstarza alğan maqtau qağızzarı. Şulay za garmun, qumız, ağastı semärläp matur pannolar eşläü menän ber rättän, üzeşmäkär artist bulıp ta tönyaq-könbayış rayondarza ğına tügel, bötä Başqortostanğa tanılğan üzensälekle icadsı respublika kimälendä yuğarıraq bahağa layıq tügelme ikän?


Neftekama qalahı.

Click or select a word or words to search the definition