Tön timäy, kön timäy tärtip hağında toralar

Aldan yaqın tanışlıq bulmağas, höyläşeü qıyınıraq bulır inde... «Enäyät tikşereü bülege yıtäksehe Ilvir Säğitov» tigän yazıulı işekte şundayıraq şik menän asıp indem. Kem ikänlegemde häm säfäremdeñ säbäben äyteügä, bülmä hucahınıñ yözön ihlas yılmayıu yaqtırttı. Ber nisä minuttan äñgämäsem menän tulıhınsa urtaq tel taptıq. Täcribäle operativ hezmätkär ber ük vaqıtta itäğätle tıñlausı la, fekerzären matur itep höyläüse lä bulıp sıqtı...


– Bezzeñ köndälek eş halıqqa kürenmäy, uçastka inspektorzarı här saq keşe arahında – ularzı yazırğa käräk, — tip hüz başlağan Ilvir Ildaf ulı üze yıtäklägän bülek eşmä­kärlegenä küskäs, bigeräk tä yänlänep kitte. Qulı astında eşlägän hezmätkärzär turahında yı­lı bäyän iteüye genä lä yañı tanı­şımdıñ ısın mäğänähendä hönärenä birelgän, ğümeren häm yazmışın unan başqa küz aldına kiltermägän ofitser ikänen asıp haldı.

Enäyät tikşereü bülegeneñ eşe, operativ eşmäkärlek haqında nindäyzer kimäldä häbärzar bulham da, politsiya podpolkovnigı höylägä­nen küñel birep tıñlanım. Eske eştär organdarınıñ yınäyätselekkä qarşı köräşen oyoştorouza töp üzäk bulğan bülektä ike tistä yılğa yaqın eşlägän, ä huñğı vaqıtta unıñ köndälek eşmäkärlegenä uñışlı yıtäkselek iteüseneñ här hüzendä üz hezmäte ösön olo ğorurlıq, ütägän burıstarzıñ möhimlegen töptän añlau hızattarı sağıldı. Yınäyätte tiz häm tulıhınsa asıu, keşe, yämğiät häm däülät aldında ğäyıple bulğandarzı ğäzel hökömgä tarttırıu, qanundı bozouzı faşlau operativ hezmätkärzärzeñ kollektiv eşe bula­raq küz aldına bastı. Bıl turalağı mäğlümät, ğäzättä, «operativ-ezläneü eştäre hözömtähe» tip iğlan itelä. Oşo hüzzärzeñ mäğänähen tulı kimäldä añlap yıtmähäk tä, ular artında hoquq haqlau organdarınıñ operativ hezmätkärzäre torğanın beläbez.

Detektiv äzäbiättä häm film­darza yınäyätte faşlau başlısa bik tiz häm yaylı kilep sığa. Bınday uñışqa iltkän qatmarlı huqmaqtar­zı kösörgäneşle köndär häm yoqohoz töndär ütkärgän operativ hezmätkär­zär üzzäre genä belä. Hönärgä tulı­hınsa birelgänlek, şähsi tormoştoñ ikense planda torouı – ular ösön qäzimge küreneş. Yuğarı hezmät haqı häm taşlamalı pensiya ösön genä yöröüselär yuq ular arahında. Ilvir Ildaf ulı, bülegendä eşlägändär turahında olo ğorurlıq menän höyläp, küptären «fekerzäştärem» tip atanı.

Eske eştär organdarındağı hezmä­ten uzğan bıuattıñ qatmarlı 90-sı yıldarı urtahında yabay patrul-post militsionerı bulıp başlağan bögöngö politsiya podpolkovnigı. Ber nisä yıldan üzenä olo ışanıs kürhätep, yınäyätselekkä qarşı köräşteñ iñ yauaplı yünä­leşenä eşkä täqdim itkän täüge yıtäkseläre Rafail Divayiv, Änis Minhacev, Fänis Rähmätullin, Sergey Şennikov häm Vladimir Tihonovtı, şulay uq bögön Räsäy Eske eştär ministrlığınıñ «Neftekama» munitsipal-ara bülege­neñ yıtäksehe däräcähenä kütärelgän politsiya polkovnigı Rafiq Häkimov­tı hörmät häm ihtiram menän telgä aldı. Ä operativ hezmätkär hönäre­neñ neskälektäre menän urtaqlaşıp, bıl eşkä toğroloq häm höyöü tärbiälägän Oleg Ähmätyänov — Ilvir Ildaf ulı ösön ğümerlek ürnäk. Yauaplı burıstı ütägändä yınäyätselär qulınan häläk bulğan täüge ostazınıñ fotohüräte unıñ eş bülmähendä här saq küz aldında tora...

Hoquq haqlau organdarınıñ operativ hezmätkärzäre haqında höylägändä, ğäzättä, nindäyzer macaralı vaqiğa misalğa kilterelä. Şul uq vaqıtta, yaulanğan uñıştıñ nigeze bulıp ta, sit küzgä bötönläy kürenmägän, küp kös, nıqışmalılıq häm tırışlıq talap itkän köndälek mäşäqättär iğtibarzan sittä qala. Quyılğan maqsatqa iltkän yulda ularğa ikensel däräcäläge häm küp vaqıttı alğan bihisap eştärze, huñğı hözömtägä bötönläy tiyerlek qağılışı bulmağan hanhız dokument yazıuzı la östähäñ, operativ hezmät­kärzär iñenä töşkän yöktöñ auırlı­ğın yaqınsa samalarğa bula.

Köndälek hezmäten yäşäü räüyeşe itep qabul itkän ısın hönärmändär ösön ber eşteñ dä auırlığı yuq. Qalala yınäyätselekkä qarşı köräş­teñ urtahında torğan bülekte yıtäklä­gän politsiya podpolkovnigı Ilvir Säğitov – näq şundayzar rätendä.


Neftekama qalahı.