Şiğırzar - Söläymän Mullabayiv


***


 Aq qar östöndä
 Törlö ezzär bar.
 Qoştar yazıuı —
 Serle hüzzär bar.
 Kügärsen hänäk
 Tamğahı basqan,
 Harıtüş besnäk
 Quş möyöş huqqan.
 Uqıy belgängä
 Här ber qoş telen,
 Bik tiz töşöndöm
 Ularzıñ ezen.
 


1988 yıl



Bäpkälär


 Moron törtöp
          sıqtılar za
 Yöröyzär sirämlektä.
 Emdär hibep hıylauımdı
 Yarattı ular bik tä.
 Tämle hıyzan auız itkäs,
 Itägemdän tartalar.
 Beläm inde, ular bäpkä
 Ülänen yaratalar.
 Min töşönäm teldärenä,
 Höyönöp: «Bip-bip! —
             tizär, —
 Yäşel küldägeñ ülängä
 Oqşağan bik-bik!» —
                 tizär.

 


1988 yıl


Inä qaz


 Harı matur bäpkälären,
 Berämläp safqa tezep,
 Qaz eyärtep alıp kitte,
 Öyräter ösön yözöp.
 Yar sitenä yıteü menän
 Qañğıldanı: «Ğa-ğa-ğa!..
 Hayza ğına yözögöz», —
                  tip
 Başlap inde yılğağa.
 Bäpkälär zä:
 «Bip-bip-bip!» — tip
 Subırlap hıuğa töştö.
 Täpäyzären işkäk itep,
 Ular bik osta işte.

 


1988 yıl


Köz


 Urman oyop torğanda,
 Ä Ay boyoq torğanda,
 Yäy kitkän ällä qayza,
 Unı kürmägän Ay za.
 Tañ atqansı, tönyaqtan
 Hıuıq kilde huqmaqtan.
 «Min, — tine hıbay hıuıq, —
 Yäyze yıbärzem qıuıp.
 Mengän atım sıbar, — ti, —
 Usal babayım bar, — ti, —
 Ä ul aqbuz atlı, — ti, —
 Sanahı qanatlı, — ti, —
 Mineñ arttan kilä, — ti, —
 El sığarıp yılä», — ti.
 Horo quyan qıuaqtan
 Irğıp torzo hıuıqtan,
 Qolağın ıuıp äytte:
 «Halqın kilep semette.
 Bıl nindäy häl, äsäy! — ti, —
 Qayza yuğalğan yäy?» — ti.
 Mışı ozonğolaqqa:
 «Köz kilde, — ti, — qunaqqa!»

 


1988 yıl



 Almağasqa qunğan qoşsoq
 Qarattı Taşbulattı.
 Rogatkahın bik tiz qorop,
 Uğa tözäp taş attı.
 Botaq helkende, taş teyıp,
 Saq teymäne qoşona.
 Ä alma taş bulıp töştö
 Taşbulattıñ başına.

 


1988 yıl


Tuq buyı


 Altın bişek, tizär hine,
 Tuq buyı — tıuğan yağım.
 Hıu ingändä, säñgeldäktäy
 Tirbätä mine ağım.
 Saf kömöştäy hıuıñ menän
 Tändäremde saflayhıñ.
 Yarıñdağı taştarıñda
 Isememde haqlayhıñ.
 Säskä-üländäreñdä bar
 Meñ-meñ törlö dauahı.
 Şişmäläreñ qımız hımaq,
 Ih, şifalı hauahı.

 


1988 yıl




Click or select a word or words to search the definition