Şiğırzar - Röstäm Nurıyiv


* * *



Sufıy babay bülähe
Ulına bäyıt äytkäne,
Yazıp aldı işetkände
Röstäm Nurıy yıyäne.

Yañı bıuat bäyıte

Möğcizälär menän tulı fani donya,
Telhezzär zä telmär tota bulıp darya.
Tormağandar atlap kitä, Hozay quşha,
Äytkänemde yazıp bar tip, miñä quşa.
…Er yözö bit ber möğcizä - şul yauaptır,
Farazlayzar ul barlığın meñ bıuattar.
Bihisaphız mählük yäşäy täbiğättä,
Işanmay tik keşe genä täğlimätkä.
Üzen üze bötörörgä gel baş vata,
Hineñ halqıñ yahamay tik unday hata.
Etkerergä uğa şuğa ütenesem:
Sabır bul hin häm bul hin, telsem.


Sabır bul hin, sabırlıqtıñ töbö - altın.
Boronğolar yuqqa ğına äytmägändär.
Oltanlıqtı soltanlıqtan östön kürep,
Üz ilendä sabır ğına kön itkändär.
Ämir, batşa häm başqalar kilgän-kitkän,
Zamanında Altın Urza hatta bötkän.
Tik yäşägän ırıu-ırıu aq babalar,
Üstergändär hineñ keüyek ir balalar.
Käräk bulha, ilen yaqlap yau sabırlıq,
Forsat sıqha, yıren danlap moñ halırlıq.
Batşalarğa baş eymägän hineñ ırıu,
Sabır bul hin häm bul hin ğorur.


Yänbirze menän Yänbikäneñ balaları
Meñ bıuattar töyäk itte Ural taşın.
Hıyzırğanda üz yanına başqalarzı
Hömhörön qoyop yıyırmanı babañ qaşın.
Ğorurlığın ber vaqıtta yuğaltmanı.
Huca buldı, donyalarzı tarqatmanı.
Añlağandar babañdıñ bıl säyäsäten
Almaştırzı uğa qarap üz yähäten.
Qabul itte ırıu totqan ğöröftärze,
Ä halqıña tağı bik küp bäs östälde.
Ulıña la yıtker mineñ äykände, ay,
Sabır bul hin häm bul hin atay.


Kämhetälär mine, tip, här vaqıt ta,
Yäberlämä hin üzeñde ber saqta la.
Yülärlektän östön bulğan keşe genä
Böyök häm saf küñelle bula ala.
Yaylap qına üzeñä tiñ dus-iş hayla,
Duslıq bezzeñ mäñgelek, tip oran halma.
Allah qına mäñgelek bit bıl donyala
Başqa nämä tarih sañı bulıp qala.
Donya basqan däülättär zä tarqalalar,
Bäğze halıq qızıu bulıp yuq bulalar.
Kürşe bulğan ğuz häm hazar bığa misal
Sabır bul hin häm bul hin usal.


Berzäy qaray könsığışqa, könbayışqa ike başı,
Hine arbap tarih yaza sämer qoşo.
Fähemle tip, uqıma tik ber kitaptı,
Ezlä, tap, sağıştır bar sığanaqtı.
Ata-babañ bulmışı küp şäreqtä lä,
Onothon tip, bäğze beräü telähä lä.
Ike tapqır härefeñde almaştırğan
Ösöhön dä öyrän, hin otolmashıñ.
Bınday bähet ber kemgä lä tätemägän.
Zäki babañ Boharala küp ezlängän.
Ul tapqandı tağı la hin nığıraq bayıt,
Sabır bul hin häm bul hin talip.


Belhen ösön barsa ğäläm barıhın da,
Isbatlansı yän isäbe barışında.
Burzar «Hin bur», tip tamaq yara, aptırama,
Haramdıqı haram inde, esen qıra.
Häläl genä här vaqıtta köstä qala,
Ber tibärheñ undayzarzıñ art hanına.
Ata-babañ häref tanıp namaz qıldı.
Nazan ğına, «nazandar», tip hörän haldı.
Uqımışlı buldı här saq barsa halqıñ,
Şul kimälde kütärergä barsı haqıñ.
Uqı, ulım, yarzam itäm, kilä hälem,
Sabır bul hin häm bul hin ğalim.


Mongol menän kilgände lä hin qursala,
Unı la bit kese ayıu qısıp bara.
Küp min, tip bögöngö kön mahayha la,
Yota almas mişärze lä, maylaha la.
Yäş bit äle, ul da añlar bara-bara,
Qızıu halıq tiz tarqala bıl donyala.
Dıuamaldar alğan saqta läzzät tapha,
Olpatlılar quyğas qına yännät qıla.
Yuq bit unıñ hıyınırlıq yıre başqa,
Añlağanı hiñä qarap küzen bağa.
Rähmätlehe bik küp ular arahında,
Sabır bul hin häm bul hin uğa ağa.


Qoyaşta bit ütä qızıl - bik tiz uña,
Qızıu keşe här vaqıtta bozzay tuña.
Ğalimdar za küptän inde isbat itkän
Näfse tigän yaman sirze, şuğa ikän.
Ütkän bıuat bar donyanı der helketkän,
Ayıuzıñ da bögön kilep häle bötkän.
Başlağandı Barıy batşa ütkänendä
Tamalarzar hinän başqa üzzäre lä.
Yöz yıl elek sufıy babañ yazıp quyğan,
Ulandarım, sabır bulıñ, kiler zaman.
Şul yazmanı alır ösön bögön uqıy,
Sabır bul hin häm bul hin sufıy.


Qara altın bäse kiter bazarzarza,
Qap qorhaqtar bet ürseter ul sağında.
Erle genä yırzä qatı basıp toror,
Kemlegeñde barhı kürer şul saqtarza.
Ata-babañ yırze totqan ırıu menän
Şuğa tağın bögöngö kön yayı kilgän,
Qabıq huğıp, säükä qıuıp dau kütärmä,
Qanun menän al qulıña üz yıreñde.
Ata la ul, äsä lä ul - yıreñ haqla,
Bazar haqı tekä tip, unı hatma,
Ereñ bulha, balalarıñ kürmäs nuca,
Sabır bul hin häm bul hin huca.


Baylıq tip, qıualama donya atın,
Kürhäter ul, qabalanhañ, hiñä artın.
Haulıqtan da qimmäteräk yuq donyala,
Qıyılmahın keşe ğümere ber zayağa.
Üzgäreştär bula ala qanhız ğına,
Nizağ eştär häl itelhä sabır ğına,
Här ber nizağ tamamlana soloh menän,
Ayırmahı qorban itkän däümäl ikän.
Tuğan menän tapqanıñdı toğro büleş,
Qılığıñdan ränyımähen kürşe-beleş.
Etkerergä üz halqıña bınday säläm,
Sabır bul hin häm bul hin säsän.


Aqıl menän eş itergä här zamanda
Vasıyat itä sufıy babañ yazmahında.
Köslönökö köslö genä bulğan saqta
Aqıllınıñ ike ille östön yata.
Zıyalılar yıyılışıp käñäş itär,
Yulıñ uñır halqıñ menän, ilse yıbär
Millättärze berläştergän oyoşmağa,
Ul tarafta köslö lä bit qoyolop qala.
Kiler zaman, inşaAllah, küp qalmağan,
Ul yusıqqa bäğze halıq huqmaq halğan.
Donyala la yañı bıuat inde häzer
Sabır bul hin häm bul hin äzer…


2010

Click or select a word or words to search the definition