Şiğırzar - Möhämätsälim Ömötbayiv

Ber qalala güzäl kürzem


Ber qalala güzäl mähbüb dilbär kürzem,
Yaz könöndä säbzä menän gölbär kürzem,
Yäşel qanat ästäñdä çihrä kürzem,
Yär bulmaha, häsrät utı ülterer imde.

Buyı-hını, his tä şik yuq, kilbätleler,
Kamzul menän qalpaq keyhä, zinnätleler,
Arlı-birle yörögändä bik himmätleler,
Kürgändärzeñ yändären kisär imde.

Unan huñraq ber zaman ütmeş ine,
Kinät yulım ul yaqtarğa töşmöş ine,
Osqa yıkkän aq yal turı qayırıp kerze, —
Yaqşı attıñ ğäzäte şul tirzär imde.

Ul atımdı yäd ithäm, beleñ vasfın,
Qissalarza kürzegezme Hatim äsben? —
Azna-aylıq yügerer ikän, işet räsmen,
Ul aq tamaq Hatim tayı, tirzär imde.

Bıl aq yaldıñ mäşhür iseme Aqbäkälder,
Bezze belgän ir-attarğa huş mäqälder.
Ike yäyın haz ara kanau barzır,
Yaqın soqoro tuprağı, tirzär imde.

Elgän saqta, yılkener, ti, yöräktärem,
Sapqan saqta, helkener, ti, höyäktärem,
Mengän saqta, qabul ine teläktärem,
Isemä töşhä, ğaqlım firar ula imde.

Yän höygände uylap min atqa aştım,
Ike höygän küñel menän utqa töştöm.
Ber küñeldä ike höyöp, yuqqa sıqtım,
Attan töşöp, yärze almaq käräk imde.

Halqın haray esenä tiz zä kerzem,
His tä kemde kürmäyınsä, gizär inem.
Şul mähbübte genä yänä kürgän inem,
Hälem bötöp, aptırap qaldım imde.

Kitte mineñ äzerlägän häylälärem,
Böttö mineñ ğäyärlektän hänärzärem;
Qıyış buldı basıp torğan izändärem,
Min-minlekkä töşöp, zabun buldım imde.

Hozay unıñ küñelenä rähim haldı,
Bıl mäcnündeñ nasarlığın hizep aldı;
Läylä keüyek şiddätle väğäzä quyzı,
Bıl yıhandı başıma tar qılmış imde.

Tağı la ki min tıñlap, sabır qaldım,
Şayäd bulğay, töştäremdä yaqşı kürzem.
Imde kürhäm, batırıraq bulır inem,
Yıuaşlığıñ fayzahız bulır imde.

Bıl kön miñä ul taraftan ber hat kilde,
Ul, bisara, häsrätenän auırır ine,
Seren tanıp halıq telenän, hağınır ine,
Şuğa ahır bimar-hästä bulmış imde.

Ğärsä unıñ, möhäbbäte bezzeñ yaqta,
Qarağız hez, mäğänähe qayhı yaqqa,
Buyğa yıtep, göl säskä yarğan saqta,
Emeşemde vallah äğläm timeş imde.

Ömötöm bar hatında gölyözömdän,
Höyöü yıse kiläler här hüzenän:
«Hizgerlegen, bulha, yıget, bel üzeñdän,
Hat hikmäte azağı, — timeş imde. —

Aldıbızğa qauışıu könö kiler mikän?
Bıl donyala şatlıq nasip bulır mikän?
Ällä yuqha zifa buyım yögnör mikän?
Nikah, hötbä haulıqqa bulğay imde.

Ay-Hay, yıget, bik vafahız bulmağız hez,
Yapraq keüyek harğayğandı kürhägez hez,
Auırıu başım säbäben belhägez hez,
Ayaqtarıñ basalmay bögölör imde.

His ışanıs qılmayhığız bezzeñ hüzgä,
Mäğänähen hata añlap, hattı bozma.
Täqdir bulha, sara menän bulmas üzgä,
Hez tigändä, sälqumdarım hığılır imde.

Oşo vaqıt hüzendä toror mikän,
Şatlıq menän ğümer hörölör mikän,
Mäğänä belmäy şäylä ükenep yörölör mikän,
Inde şökör, fähem razı hizeler imde...»

Ana şulay, uqıy-uqıy mäğänä arta,
Başqa töşhä, bulalır zihen urta.
Ğalimdıñ da fähemdären hozay yörötä,
Aqıllı keşe tägcil, täüil qılmas imde.

Hat yazırğa qäläm menän däuat käräk,
Yul halırğa qoros menän qanat käräk.
Qabul ithän, äüälendä ber hat käräk,
Moratıña yul yıñel bulğay imde.

Hezgä häcät räua bulha mineñ ismem,
Ahır dürt yul başınan al häref räsmen,
Lafzı sığar, tabırhıñ ahır nisfın:
Päyğämbärzeñ iseme äüäl töşmöş imde.

Yaqın hıuı Ağizel, ile Yomran,
Vacibatı Öfölä buldı däüran.
Morad hasil bulır, dustar, sabır menän,
Täüfiq, bähet yär, yuldaş bulha imde.





Ostazım general Mirsalih
Biksurinğa mäzhiä


Säläm başta hezgä, ey, möğällim,
Zur bähettär bezgä hezzän bıl täğlim.

Käräk ezläüse ğilemdän fayza,
Ğämälhez yaqşılar tormanı payda.

Mindäy ğäflättän hüneüse sıraqtı
Kire yandır, küñel birhä, teläkte.

Irımbur yortona kerhäm, ul şährä
Ni bulğan inde, alham çänd bährä.

Şul ğilem baqsahında hin särri äfraz,
Yarzamıñdı kürhät bezgä, sereñ as.

Zähi kem aldı bährä, buldı çährä,
Mineñ eşem yımeşhez, kitte dährä.




Hağınıu


Yaz könöndä käkük saqıra mikän
Ağizel buyı beyık tiräktä,
Ber kürergä hezze min zar buldım,
Mährüm, mähzün bulıp yıraqta.

Ural tauzarına aşqan saqta,
Borolop-borolop qaray yıgete.
Haq tağalä yazıp, rizıq bulğas,
Küp yırzärgä dähi yöröttö.

Yaz könöndä säskä bik şat saqta,
Göl ağasıñ niñä bögölgän,
Hezzeñ ösön, dusqay, ilay-ilay,
Yapraqtarım mineñ tügelgän.

Ilauzarıñ sauabın min kürzem
Qissalarza näbi Dauıttan.
Giryan bulham, tiyep äytkän bulham,
Äytkänmender, dusqay, zauıqtan.

Halmahana, dusqay, belägeñde,
Taldırahıñ näzek üzäkte.
Uzğan ğümerzärze uylay-uylay,
Äle lä basıp bulmay yöräkte.

Qarzar ğına irep, bozzar kiter,
Timer yuldar bötör halınıp.
Nasip bulha, qaytqan yuldarımda
Göl ağasım kötör hağınıp.



Click or select a word or words to search the definition