Qış babay äkiäte

Boron-boron zamanda bez bik kümäk şayan qar börtöktäre inek. Yuğarıla, küktä, äylänep-äylänep yörönök. Ber töndä yırgä yaua başlanıq. Bötä yır östön qaplap aldıq. Yıl sığıp, tauzar öyöldö, hırıntılar yahaldı. Bezzeñ östä balalar şaulaşıp hırğalaq eyzelär. Dalalağı ağunalar, aq quyandar, bezze soqop, üzzärenä oya yahanılar.
Ber köndö şulay uramda — bında, qalala, tügel, alıs auıl uramında — dürt bala qar bäreşep uynay ine.
Älege dürt balanı haman da häterläyım. Üzemdän sığarıp här berehenä isem dä quştım. Berehe — Yaqşı malay, ikensehe — Yaman malay, berehe — Uñğan qız, ikensehe — Ilaq qız. Ber vaqıt Yaqşı malay:
— Äyzägez, malayzar, qarzan keşe yahaybız, — tine.
— Quy, buştı, — tip qarıştı Yaman malay. — Käräge bar tağı. Qarzan da keşe bulhın, ti, imeş.
Ä bezzeñ keşe bulğıbız bik kilä ine.
Aralarınan Uñğan qız:
— Yahaybız, yahaybız, — tine.
Ilaq qız za uğa quşıldı. Yaman malay nimäler tibep yörönö. Kitep yuğaldı. Qalğan ösöhö eşlärgä kereşte. Täüzä käüzämde yomarlanılar. Käüzämä aqıllı baş ultırttılar. Uñğan qız küzzär quyzı, hizger qolaqtar tişte. Ike eşlekle qul yahanı. Qısqa bulha la, ayaqtarım da bar ine. Yaqşı malay menän Uñğan qız eştäre bulıuğa höyöndö. Min äzäm rätenä ineüyemä şatlandım.
Tik Yaman malay ğına tınğı birmäne. Keşe kürmägändä, qolağımdı quptarıp ala. Qulımdı hındırıp taşlay. Arqama tayaq qazap kitä.
Yaqşı malay menän Uñğan qız mine här vaqıt bälänän qotqaralar.
Nisek kenä bulmahın, min rähät yäşänem. Här şatlıqtıñ sige bula. Könyaqtan yılı yıl iste. Tınım qısıla başlanı. Könöm hanaulı qalğanın hizzem. Bähetkä qarşı, ber töndä qatı hıuıq buldı. Miñä häl inde. Min kitergä buldım. Min şunda uq yulğa sıqtım. Bara torğas, yıl artta torop qaldı. Boz tauzarı yaltırap yatqan ilgä kilep yıttem.
Uñğan qız menän Yaqşı malay mineñ kitkänemde hizmäy zä qaldılar. Ular menän huşlaşıp ölgörmänem. Ularzı bik hağındım. Ular za mine ezläyzär, ti. Häzer küp yıldar ütte. Min qartayzım. Här ber urında min Uñğan qız menän Yaqşı malay keüyek keşelärze yış osratam. Ilaqtar za osray, läkin bik hiräk.
 


1988 yıl