Küñelenä yatqan şöğöl

Hezmättären uñışlı teüälläp haqlı yalğa sıqqan elekke härbizär, artaban üzzäre ösön sağıştırmasa yat bulğan nindäy genä yañı eşkä totonmahın, yırenä yıtkerep, zur teläk menän başqara. Bıl täü siratta ir-attıñ tistälägän yıl nıqlı tärtipkä öyränep yäşäüyenän, bar nämäne teyışle kimäldä ütäü käräklegenä nıqlap künegeüyenän kiläler. Ularzıñ kübehe, matdi yaqtı ikensel urınğa quyıp, haylağan şöğöldärenän küñeldärenä şatlıq ta ala, buş vaqıttarın fayzalı la itä. Ös tistä yıldan artıq ğümeren härbi hezmätkä arnağan Rinat Väsfi ulınıñ qala şarttarında yort quyandarı asrauı – bığa asıq misal.

Teyışle mömkinlektäre yıterlek bulğandarzıñ, şul isäptän auılda yäşägändärzeñ kübehe baznat itmägän bıl mäşäqätle eşte Rinat Nuretdinov bınan altı yıl elek başlağan. Täüge osor qıyınlıqtarı bögön onotolğan da tiyerlek, yarayhı ğına vaqıt häm iğtibar talap itkän şöğöl unıñ köndälek hästärenä äylängän. Mauığıuı haqında bäyän itkändä veterandıñ küzzärendä osqondar uynay, yözö tağı la yaqtırıp kitkändäy toyola.

– Härbi hezmätte tamamlar aldınan hönärzäşem Rişat Häbibullin menän yaqın kiläsäktäge tormoş haqında höyläşep kittek. Hüzzän hüz sığıp, mäktäptä uqığan yıldarza yort quyandarı totouıbızzı iskä töşörzöm. Atayım eştä saqta ularzı qustım menän ikäüläp qaray inek. Näq oşo häterläüzär qasandır tanış bulğan şöğölgä yañınan qaytarzı la inde...

«Atanan kürgän – uq yunğan», tip yuqqa ğına äytmäyzär bit halıqta. Ğümeren finans ölkähendäge yauaplı vazifalarğa arnağan Väsfi ağay ulınıñ küñelenä matur ölgö halıp qaldırğan bulıp sığa. Qısqahı, qalanıñ yañı bistäläreneñ berehendä üz yortonda yäşäp yatqan ir-uzaman tiz arala mahsus urın äzerläy häm quyandar alıp ta qayta. Häzer ular utız başqa yaqın. Bılay tip äyteüye genä yıñel. Hayuandarzıñ könozono nindäy tärbiä talap itkänen ularzı totousılar üzzäre genä belä. Quyandarı ösön käräk bulğas, Rinat Väsfi ulı qulına salğı alıp besän sabırğa la öyrängän. Qatnaş azığın da, igenen dä aldan hästärläy.

«Härbi pensiyahı yıtmäyme ni unıñ?» – tip äyter bäğzelär. Bar ğillä näq oşonda la inde: üze qarap üstergän quyandarın ber kemgä lä hatmay ikän Rinat Nuretdinov. Mäşäqättäre küñel ösön bulha, yort quyandarınıñ üzensälekle häm fayzalı iten ike qızınıñ ğailähenä, dustarına häm tuğandarına buşlay taratıp birä ul. Älbittä, täü siratta qatını Äliä (äytkändäy, ul da elekke härbi hezmätkär) quyan itenän tämle bäleş häm başqa tör rizıqtar äzerläy. Ularzı bayram tabındarına yıyılğan qärzäştäre maqtap bötä almay.

«Quyandarın qaraştırıp inä lä televizor qarşıhına ultıralır» tigän hüzzär zä Rinat Väsfi ulı haqında tügel. Ğümereneñ yıtense tistähen vaqlağan zapastağı polkovnik qala predpriya­tiyelarınıñ berehendä äle lä yauaplı vazifa başqara, härbi veterandar oyoşmahı eşmäkärlegenän häm başqa yämäğät burıs­tarınan sitläşmäy, törlö kollektiv saralarzıñ gel urtahında bula. Ä yal köndärendä unıñ yorto qızzarı häm keyäüzäreneñ, yıyän-yıyänsärzäreneñ şatlıq­lı tauıştarına kümelä. Olatayzarınıñ quyandarın keskäyzär zä üz itä häzer.


Neftekama qalahı.