Izge eşkä olo yöräk käräk

Halqıbızzıñ «Ir-eget ağas ultırtırğa, ul tärbiälärgä häm öy halırğa teyış» tigän bildäle häqiqäten şäfqätle häm matur eştäre menän isbatlausılar arabızza bihisap. Hüzem şularzıñ berehe – Rämil NÄBIULLIN haqında. Yörägendä kese vatanına sikhez höyöü, küñelendä ata-babalarınıñ yaqtı istälegenä olo hörmät yörötkän uzaman yaqtaştarın izgelektäre menän qıuandırzı: tıuğan töyäge tarihına bağışlanğan külämle kitap bastırzı häm fekerzäştäre menän berlektä auılında Böyök Vatan huğışında qatnaşqandar hörmätenä häykäl astı.

Här saq yañılıq ezläü, küptär totonorğa baznat itmägän mäşäqättärgä yıgelep, ularzı uñışlı atqarıp sığıuğa ıntılış altınsı tistähenä yaqınlağan Rämil Bäğdänur ulın ğümer buyına ozatıp kilä. Mäktäp yıldarında la, Başqort däülät universitetında uqığanda la habaqtaştarı arahında bar yaqtan äüzemlege menän ayırılıp torzo. 1979 yılda BDU-nı tamamlap, yünältmä nigezendä Börö däülät pedagogiya institutında eş başlağan yäş belges az ğına vaqıt esendä üzenä bağlanğan ömöttö aqlauğa ölgäşte. Ğailä qorop, al da göl yäşäp alıp kitte, ike ulı tıuzı. 1984 yılda, Salauat qalahına küsenep, ber zä yıñel bulmağan häm tınğıhız hezmätte üz yazmışı itte: militsiya ölkän leytenantı formahın keyıp, qalanıñ eske eştär bülegendä yabay inspektor vazifahın ütärgä totondo. Burıstarın namıs menän başqarıp, küp maqtauzarğa layıq bulıp, eske eştär idaralığı yıtäksehe urınbasarı däräcähenä tiklem kütärelde. Aldınğı täcribähe bar respublikağa ölgö itep quyılğan haqlı yaldağı polkovnik Rämil Näbiullindıñ militsiyalağı ös tistä yılğa yaqın hezmäte ozon yazmağa toroşlo. Tik älegä hüzebez unıñ yaqtaştarı ösön başqarğan izge eştäre haqında ğına.

Qayza ğına yäşähäñ dä, bala saq ezzäre haqlanğan yır onotolmay, kese ataysalğa bulğan höyöü ğümerlek. Şulay za tıuğan töyäge haqında kitap sığarıusılar küp tügel arabızza. Ber zä yıñel bulmağan bıl eşkä totonou ğına la olo maqtauğa layıq.

– Tıuğan auılım Abdullanıñ (ikense iseme – Kösökbay) boronğo ikänen ololarzan işetep belä inem, – ti Rämil Bäğdänur ulı. – Üz näselemde öyränä başlap, arhivtarza ezläneüyem hözömtähendä auıl turahında mäğlümättär yarayhı ğına yıyılıp kitte.

Auılda yäşäüselär turahında istälek-hätirälär tuplanğan, törlö osor fotoları menän bizälgän 350 bitlek hezmäten Rämil Näbiullin 2012 yılda tıuğan töyägenä nigez halınıuğa 230 yıl tulıu ayqanlı näşer itkän.

Bäläkäy genä Abdulla auılınan 63 ir-eget Böyök Vatan huğışına kitkän, ularzıñ 42-he Tıuğan il azatlığı ösön başın halğan. Danlı Yıñeüzeñ 70 yıllığı ayqanlı oşo yaugirzärzeñ isem-şärife istälekle märmär taqtataşta mäñgeläşterelde. Ular hörmätenä park buldırıp, obelisk quyıuzı Rämil Bäğdänur ulı başlap yörönö, küp oyoştorou mäşäqäten üz iñenä aldı. Häykälde asıu tantanahında rayon hakimiäte başlığı Boris Nurislamov izge eş ösön küp tırışlıq halğan uzamanğa Maqtau hatı tapşırıp, bıl haqta ayırım äytep ütte.

Äle kürkäm yubileyın bildälägän häläl yıfete, haqlı yaldağı uqıtıusı Elvira Isatay qızı menän bergäläp bihisap ağas ultırtqan, uldarın üzallı tormoşqa sığarğan zamandaşıbız, yıyän-eyänsärzärenä qıuanıp, üze telägänsä halğan zamansa yortonda bähetle ğümer kiserä. Älbittä, qul qauşırıp ultırmay, qala predpriyatiyelarınıñ berehendä yauaplı vazifa başqara. Veterandar oyoşmahı eşendä qatnaşırğa la, habaqtaştarı menän osraşıuzar oyoştororğa la vaqıtın taba ul.


Boray rayonı.