Gran-pri — hucalarza


Mäzäniät yılınıñ matur saraları Yañauıl rayonında äüzem dauam itä. Şularzıñ berehe – vokalsılarzıñ Radik Gäräyiv isemendäge asıq konkursı. Bıyıl dürtense tapqır ütkärelgän bäygelä respublikanıñ tuğız rayonı häm ös qalahınan 14-tän 62 yäşkä tiklemge ös tistänän aşıu yırsı qatnaştı.

Yañauılda tıuıp üsep, Başqortostanda ğına tügel, unan sittä lä kiñ tanılıu alğan bihisap mäzäniät häm sänğät ähele arahında bıl talantlı häm üzensälekle opera häm estrada yırsıhı ayırım urındı alıp tora. Küp hanlı halıq-ara, Soyuz häm Räsäy kimälendäge konkurstar, Ğ. Säläm isemendäge respublika yäştär premiyahı laureatı, Räsäyzeñ häm Başqortostandıñ halıq artisı Radik Gäräyivteñ icadi mirasın propagandalau häm taratıu rayon hakimiäte tarafınan oyoştorolğan bäygeneñ töp maqsatı itep bildälängän. Şuğa la här konkursanttıñ bahalau komissiyahı qaramağına täqdim itkän ike äsäreneñ berehe – halıq yırı, ikensehe motlaq Radik Gäräyiv repertuarınan bulırğa teyış. Üzeşmäkär sänğättä qatnaşıusılar, balalar muzıka häm sänğät mäktäptärendä şöğölläneüselär, oşo yünäleştäge uçilişelarza uqıusılar arahınan talantlı başqarıusılarzı asıuzı, ularzıñ artabanğı hönäri üseşenä bulışlıq iteüze lä küz uñında tota oyoştorousılar.

Törlö taraftan yıyılğan yırsılar ös törkömgä bülenep, 12 – 16, 17 – 35 yäşlektär, 36 yäştän ölkändär sığış yahanı. Ularzıñ ostalığın Öfö däülät sänğät akademiyahı professorı, Başqortostandıñ halıq artisı Elvira Ğäyfullina räyıslegendäge cyuri bildäläne. Bahalausılar arahında respublikabızzıñ tanılğan sähnä ostaları Fänäüi Sälihov menän Yämil Äbdelmänov häm Radik Gäräyivteñ tormoş iptäşe Näciä Möhämät qızı la bar ine. Törlö nominatsiyala laureat bulğandar häm bäyge yıñeüseläre rayon mäzäniät harayında ütkän gala-kontsertta iğlan itelde. Sara barışında yañauıldarzıñ Baltas rayonınan «Başqortostandıñ mäzäni baş qalahı» marafonı ştandartın qabul itep alıuı, büläkläü barışına häm iñ osta vokalsılarzıñ sığışına üzensälekle tös östäp, unı ısın yır häm sänğät bayramına äyländerze.

Bäyge yomğaqtarı buyınsa 100 meñ hum külämendäge gran-pri ber tauıştan yıñeüse tip tabılğan Yañauıl rayonı väkile Liliä Ğayazovağa tapşırıldı. Mäzäniät yortonda metodist bulıp eşlägän ike bala äsähe bäläkäyzän yır-moñğa ğaşiq, bıyıl täüge tapqır üzen hınap qararğa baznat itkän, hözömtälä gran-pri — unıqı!

16 yäşkä tiklemge yırsılar arahınan berense urındı – Ağizel qalahınan Elmira Şäripova, ikensene – Neftekamanan Tamerlan Hälitov, ösönsö urındı Öfö yıgete Almas Sireüsin yaulanı. 17 – 35 yäşlektärzän I – III däräcä diplomdarğa Öfönän Nazgöl Ibrahimova, Yañauıl rayonınan Ayzar Ähiärov, Öfö qalahınan Ilnur Işembayiv häm Dinara Hafizova layıq buldı. 36 yäştän oloraqtar arahında Täteşle rayonı yırsıhı Rämil Häsänov I däräcä diplom alha, Yañauıl rayonınan Hälisä Näsibullinağa – ikense, Krasnokama väkildäre Gölsäsäk Yosopova menän Danil Hucinğa ösönsö däräcä diplomdar tapşırıldı.

Radik Gäräyiv repertuarına ingän yırzı iñ yaqşı başqarıusı tip Öfö qalahınan Aytuğan Ğäyzullin tabıldı. Halıq yırın iñ osta başqarıusı bularaq Asqın rayonınan Äfğät Asqarov bildälände, äytkändäy, ul bäygeneñ iñ ölkän qatnaşıusıhı la ikän.

Salauat rayonınan Rädif Zaripov «Üzensälekle başqarıusı» isemenä layıq bulha, Öfönän Salauat Möhämätyärov – «Sähnä ostalığı», Ilmir Birğälin «Hiräk başqarılğan yır» nominatsiyalarında yıñeü yaulanı.

Arabızzan bik irtä kitkän talantlı kompozitor Salauat Nizametdinovtıñ uqıusıhı, üze lä küreü hälätenän mährüm Häybulla yıgete Azat Isqucinğa «Tamaşası höyöüye» prizı tapşırılğanda zal köslö alqıştarğa kümelde. Haua şarttarına qaramay, 800 saqrım aranı ber ni itmäy, Başqortostandıñ könyaq-könsığış siktärendä yatqan Häybulla rayonınan tönyaq siktäge Yañauılğa kileü üze genä lä hoqlanırlıq bit! Azattı bäygelä qatnaşırğa därtländergän häm unı ozatıp yörögän rayon mäzäniät harayı hezmätkäre Gölfiä Häläfetdinova menän yırsınıñ akkompaniatorı, mömkinlektäre siklängän üsmerzärzeñ «Nur» klubında muzıkal yıtäkse bulıp eşläüse Ural Aqyulov, his şikhez, olo maqtauğa layıq. Radik Gäräyiv icadına bulğan ihtiram häm höyöü etärgän bınday qıyıu azımğa häybullalarzı.

Vokalsınıñ yartı uñışı akkompaniatorğa bäyle, şuğa la ular ösön ayırım nominatsiya buldırılğaynı. Öfönän Rimma Sadiqova, Yañauıl rayonınan — Yuris Bäzretdinov, Mişkänän — Danil Äslämov häm Ileş rayonınan Ayvar Miñleğolov iñ yaqşılar tip bildälände.

Mäşhür sänğät ostahı Radik Gäräyiv isemendäge yırsılar bäygeheneñ sirattağıhı tamamlandı. Unıñ yıñeüseläre genä tügel, barlıq qatnaşıusıları la icad ösön yañı därt-darman alıp taralıştı.


Elvira Ğäyfullina, bahalau komissiyahı räyıse:

– Konkursanttarzıñ başqarıu ostalığı yıldan-yıl üsä barıuı şatlandıra. Bıyılğıhına yırsılar bik yıtdi äzerlänep kilgän, repertuarzarı la bayıraq. Kiläsäktä sığıştarzı töplöräk bahalau yähätenän nominatsiyalar tezmähen tulılandırıu käräk. Oyoştorouğa kilgändä inde, bıl sara yıl da bik matur ütä. Rayon hakimiäte başlığı Ilşat Väziğätov häm unıñ qul astında eşläüse barlıq hezmätkärzär, täü siratta mäzäniät bülege bäygene ütkäreügä bik yıtdi qaray.

Rinat Ibrahimov, Yañauıl rayonı hakimiäteneñ mäzäniät bülege yıtäksehe:

– Mäşhür yaqtaşıbız isemen yörötkän konkurstıñ dürtensehen ütkärzek. Ularzıñ här qayhıhı qabatlanmaslıq, kamil. Şulay za bäygeneñ geografiyahın kiñäytep, unıñ ısınlap ta asıq konkurs ikänen kürhäteü ösön eşläyhe bar äle. Qatnaşıusılarzıñ bıltırğınan azıraq bulıuı uylanırğa mäcbür itte.


Yañauıl rayonı.

Click or select a word or words to search the definition