Gäräyivteñ mirası haqlana


Mostay Kärim «Respublikabızzıñ tönyaq qapqahı» tip narıqlağan Yañauıl – Başqortostanda ğına tügel, unan sittä lä kiñ tanılıu alğan bihisap arzaqlı şähestärzeñ tıuğan töyäge. Törlö yıldarza halıq hucalığınıñ küp tarmaqtarında şöhrät häm dan qazanğan hezmätkärzär, härbizär, şağir häm yazıusılar, mäzäniät häm sänğät äheldäre – yaqtaştarınıñ olo ğorurlığı.

Ular arahında Räsäyzeñ häm Başqortostandıñ halıq artisı Radik Gäräyiv ayırım urın biläy. Qısqa ğına icadi ğümerendä «Qızıl qänäfer» halıq-ara yır festivalendä Gran-pri yaulap ölgörgän, Bötä Soyuz häm Räsäy kimälendäge küp konkurstarzıñ laureatı bulğan, Ğälimov Säläm ise­mendäge respublika yäştär pre­miyahın alğan, başqort yır sän­ğäten ilebezzän sittä lä tanıtqan Radik Arıslan ulınıñ yaqtı istä­legen yaqtaştarı qäzerläp haqlay. Yañauıldağı mäktäp häm uramğa unıñ iseme birelgän, vokalsı­larzıñ Radik Gäräyiv isemendäge asıq konkursı ütkärelä. Unıñ sirattağı bişensehe üzensä­lekle opera häm estrada yırsı­hınıñ tıuıuına altmış yıl tulğan köndä ütte.

Bäygelä respublikanıñ un rayonı häm higez qalahınan 12 yäştän 78 yäşkä tiklem 50 professional häm üzeşmäkär yırsı qatnaştı. Talantlı başqarıusılarzı asıu­zı, yır-moñğa ğaşiqtarzıñ arta­banğı hönäri üseşenä bulışlıq iteüze küz uñında totqan kon­kurstıñ tağı ber maqsatı – Radik Gäräyivteñ icadi mirasın propagandalau häm taratıu. Şuğa la, aldan bildälängän şarttarğa yaraşlı, här qatnaşıusınıñ bahalausılar qaramağına täqdim itkän ike äsä­reneñ berehe halıq yırı, ikensehe motlaq R. Gäräyiv repertuarınan bulırğa teyış.

Törlö taraftan yıyılğan konkursanttar ös törkömgä bülenep, 12 yäştän 16-ğa häm 17-nän 35 yäşkä tiklemdär, 36 yäştän ololar üz­zäreneñ mahirlığın kürhätte. Ularzıñ başqarıu ostalığın Zahir Ismäğilev isemendäge Öfö däülät sänğät akademiyahınıñ vokal sänğäte kafedrahı mödire, Rä­säy­zeñ häm Başqortostandıñ atqa­zanğan sänğät eşmäkäre Färzänä Säğitova räyıslegendäge komissiya ağzaları bildäläne. Törlö nominatsiyala laureat bulıusılarzıñ häm bäygelä yıñeüselärzeñ iseme rayon mäzäniät harayındağı gala-kontsertta iğlan itelde. Bıl sara ısın mäğänähendä Radik Gäräyivte hörmätläp iskä alıu kisähenä äylände. Halıq artisınıñ portretı elengän sähnänän ostazdarı häm icadın yaratıusılar isemenän Färzänä Säğitovanıñ uğa üz yubileyında qatnaşıusı bularaq öndäşeüye bigeräk tä üzensälekle yañğıranı. Vaqıthız vafatınan huñ ike tistä yıl üteügä tağı la tosoraq toyolğan maqtau hüzzären, äyterheñ dä, yırsı turanan-tura üze işette, küñel töpkölönän kilgän yılı histärze tulıhınsa qabul itte. Radik Gäräyiv başqarıuında yırzar yañğırauı, unıñ hönär­zäş­täreneñ, ağahı Rimdeñ istälektäre tamaşasılar häm, älbittä, konkursanttar häterendä ozaq haqlanır.

Aldağı bäygelärzän ayırmalı, bıyıl yıñeüselär professional häm üzeşmäkär yırsılar arahında ayırım bildälände. Konkurs yomğaqtarı buyınsa Gran-pri hucaları tip Öfö qalahınan kilgän yırsı Radmir Häsänov häm Börö häüäskäre Stanislav Baturin iğlan itelde, ularğa 50-şär meñ humğa sertifikat häm istälekle suvenir tapşırıldı.

I däräcä laureat isemenä Iglin rayonınan Fähim Toqombätov, Öfönän Almas Sirusin menän Karina Häsänova, Yañauıl rayonınan Ruşan Qälämov menän Anastasiya Sämetdinova layıq buldı. Äyt­kändäy, baş qala väkile Almas bınan aldağı bäygelä 16 yäşkä tik­lemgelär arahında 3-sö urın yaulağaynı. Äle üzeneñ yäşe menän ostalığı la üsä barıuın nıqlı dälilläne. Fähimgä kilgändä inde, ul iñ küp büläktärze yaulanı: äytelgängä östäp tağı la halıq yırın häm Radik Gäräyiv repertuarınan ingän yırzı iñ yaqşı baş­qarğanı ösön tağı la ike nominatsiyala diplomdar menän büläk­lände.

Törlö nominatsiyala iñ osta tip bildälängändär, sähnägä sığıp, tamaşasılarzı ilahi yır-moñ ilenä säyähätkä äyzäne, kiñ bildäle «Uralım» menän bergä zamanında Radik Gäräyiv başqarıuında donya­nıñ küp qitğalarında populyar yır­zarzı yañ­ğırat­tı. Ularzı küñeldäre aşa ütkärep, zaldağılar şatlanıp ta, moñhou­lanıp ta üzzäreneñ yäş­lek yıldarına qaytıp äylände...

Yañauıl rayonı hakimiäte baş­lığı Ilşat Väziğätov danlıqlı yaqtaştarı hörmätenä tağı la ber yıldan huñ uzğarılasaq bäygegä mahirzarzı ihlas saqırzı. Ularzı mäşhür yırsınıñ qoros hını la qarşılayasaq.

Bahalausı komissiya ağzaları bulğan sähnä äheldäre – Räsäyzeñ atqazanğan häm Başqortostandıñ halıq artisı Fänäüi Sälihov menän Räsäyzeñ häm Başqort­ostandıñ atqazanğan artisı Yämil Äbdelmänov — bildäläüyensä, konkurs yıl hayın geografiyahın kiñäytä, qatnaşıusılarzıñ baş­qarıu ostalığı kütärelä bara. Konkursanttar ihä qunaq qarşılauğa osta yañauıldarzıñ huş küñelle­legen, saranıñ yuğarı kimäldä oyoştorolouın bildäläne. Qıs­qahı, talantlı yırsı isemen yörötkän bäyge barıhında la ıñğay histär genä uyata: yırsılarzı yañı icadi uñıştarğa äyzäy, tama­şasılarğa köndälek eştär ösön därt-darman östäy.


Yañauıl rayonı.

Click or select a word or words to search the definition