Burıstarın teüäl ütäyzär

Sovet osoronda härbi eşkä här yaqlap iğtibar köslö buldı. Bığa asıq misal — Neftekama qala itep iğlan iteleügä ike ay tigändä, 1963 yıldıñ 8 aprelendä, härbi komissariat ta oyoştorola.

— Oşo köndärzä yartı bıuatlıq yubileyıbızzı bildäläybez, — tip höyläy respublika Härbi komissariatınıñ Neftekama qalahındağı bülege yıtäksehe Valeriy Anisimov. — Berläşterelgän komissariat başta Krasnokama rayonı üzäge Nikolo-Berezovka auılında urınlaşa häm, Neftekamanan tış, Qaltası, Krasnokama, Täteşle häm Yañauıl rayondarın da hezmätländerä. Tağı ike yıldan ul qalağa küsä. Täüge köndärzän alıp hezmätkärzär burıstarın uñışlı atqarıp kilä. Bögön ular, härbi köstärgä saqırıuzı oyoştorou, zapastağı haldat häm ofitserzarzıñ, qala bilämähendäge tehnika isäben alıp barıu menän ber rättän, urındağı üzidara organdarı menän berlektä sotsial yünäleştäge saralarzı boyomğa aşıra.

İlebezzä huñğı ike tistä yılda kiñ yäyılderelgän reformalar härbi komissariattarzı la urap ütmäne. 2009 yıldan ular Oborona ministrlığı qaramağındağı härbi bulmağan uçrecdeniyeğa äylände, ştattarında bögön pogonlılar bötönläy yuq tihäñ dä bula. Neftekama qalahındağı bülektä elek eşlägän dürt büleksä urınına ikäü genä qaldırılğan. Ularzıñ täügehe gracdandarzı härbi hezmätkä saqırıuğa qağılğan eştärze başqarha, ikensehe mobilizatsiya ösön täğäyınlängän keşe häm mahsus tehnika resurstarın äzerläy, ularzıñ isäben alıp bara. Döyöm alğanda, Oborona ministrlığınıñ halıq menän bäyläneşen tämin itkän elekke härbi komissariattarzıñ barlıq funktsiyahı bülektä üzgäreşhez tormoşqa aşırıla.

— Bınday şarttarza quyılğan burıstarzı uñışlı atqarıp sığıu ösön täüşart — hezmätkärzärzeñ yauaplılığı, — tip dauam itä Valeriy Anisimov. — Kollektivtıñ töp ölöşön qatın-qız täşkil itä. Mäsälän, Svetlana Tulnikova häm Zifa Mirzahitova 40 yıl esendä hezmätteñ bar neskälegen üzläştergän. Vera Kalinina menän Nina Dakalovalarzıñ eş stacdarı 30 yıldan aşqan, Olga Guselnikova, Venera Gäräyiva, Lyubov Çerepanova, Natalya Tyurina, Alhıu Hälimova häm Natalya İvanova — barıhı la härbi komissariat tarmağında ike tistä yıldan aşıu eşläp, yäştär ösön ölgö bulıp tora.

Bülekteñ ir-yıgettäre lä hınatmay. Zapastağı podpolkovnik Räşit Häyretdinov inde 24 yıl yäştärze härbi hezmätkä saqırıu bülegendä uñışlı eşläy, küp yıldar unıñ yıtäksehe bulğan. Yarzamsıhı otstavkalağı ölkän praporşik Pavel Suhanov ta 20 yıldan aşıu ğümeren oşo yauaplı eşkä arnağan. Zapastağı podpolkovnik Radik Arıslanov 15 yıl inde härbi burıslı gracdandarzıñ häm mahsus täğäyınläneşle tehnikanı isäpkä alıu mäsälälären häl itä. Bülekteñ bögöngö yıtäksehe zapastağı polkovnik Valeriy Anisimov 2002 yıldan hezmäten Neftekamala dauam itä.

Üz vaqıtında Neftekama qala härbi komissariatında hezmät itkän ofitserzar arahında yuğarı vazifalarğa täğäyınläneüselär zä baytaq häm ular menän haqlı räüyeştä ğorurlanırğa bula. 1986—1992 yıldarzağı härbi komissar Rim Musin huñınan respublika härbi komissarı urınbasarı buldı, 1992-1994 yıldarzağı härbi komissar Anatoliy Samsonov ozaq yıldar Mari İle Respublikahınıñ härbi komissariatına yıtäkselek itte, zapastağı general-mayor. 1994—2000 yıldarza härbi komissar bulğan otstavkalağı polkovnik Rinat Höyöndökov Poçet ordenı kavalerı, Başqortostan Respublikahınıñ Poçet gramotahı menän nagradlanğan, bögön qala härbi komissariatı tarihına arnalğan kitap östöndä eşläy. Elekke hezmätkärzärzän İgor Gatov, Eduard Mirqälämov, Albert Höyöndökov respublika qala häm rayondarında härbi komissar vazifahın başqarzı, zapastağı podpolkovnik Rim Äslähov yäştärgä härbi-patriotik tärbiä bireüzä bögön dä äüzem eşläy. 50 yıllıq yubileyın bildälägän bülek kiläsäktä lä quyılğan burıstarzı uñışlı ütärgä äzer.


Neftekama qalahı.