Büre bastırğan

Azamattı atahı auıl osondağı timerlekkä yomoşqa yıbärergä buldı. Kön kislätep kilä, hepertep kenä buran sığırğa tora ine.
— Atay, irtägä barırmın,— tip kirelände Azamat.
— Yuq, ulım, min kisä kürşe Sälimä äbeyzeñ samauırın yünätterergä alıp barıp qaldırğaynım, morono iregäyne. Äzerzer inde. Irtägä timerse ağayzıñ yal könö, ä Sälimä äbeyzeñ samauırhız yäşäy almağanın beläheñ.
— Şulay şul, säyhur äbey bit ul,— tip kileşte Azamat. Säy esergä yaratqan keşene ularzıñ auılında şulay tip yörötälär.
Bäläkäy sana höyräp kitte malay auıl osona. Auıl oso tigäs tä, ber saqrım samahı atlarğa äle ul. Qarañğı quyıra töştö, buran kösäygändäy buldı. Auıl öyzäre alıslaşıuğa Azamattıñ küñelenä şom inde. Kemder oloy, şıñşıy hımaq. Buran şulay itäme ikän! Uf, anau ike qarasqı nimä ul, kem ul? Büreme ällä?!
— Büre-e-e!— malay qoto osop qısqırıp yıbärze lä auıl yağına qaray saptı. Ällä nisä borolop qaranı, tege qarasqılar unı haman bastıra ine.
Ahıldap öygä kilep inde lä hörän haldı:
— Atay, timerlek yağında büre kürzem, ike büre, ey bastırzılar, saq qasıp qotoldom.
— Auıl osonda uynap yörögän ettärzer äle,— tine atahı.- Büre bulha, qıuıp yıter ine...
— Min şäp yügerzem şul,— tine Azamat,— ular nıq artta torop qaldı.
— Sanañ qayza?-— tip horanı atahı, üze aşığıp keyınergä totondo.
— Sana qayğıhımı ni büre bastırğanda,— tine Azamat, tanauın mış-mış tartıp.
Inde atahı menän kittelär timerlek yağına. Isınlap ta, barıp yıtäräk ike qarasqı kürende. Tik ular gel ber urında ğına tora, quzğalmay ine.
— Oşomo ni inde hine bastırğan tege bürelär?— tine atahı aq qarzan qap-qara bulıp heräyıp sığıp torğan ike töphägä kürhätep.
Azamat oyalışınan nişlärgä belmäne. Atahı kölöp, tağı östäp quyzı, yıtmähä:
— Ana, bında ber ayıu za yata, ul bastırırğa totonha nişlärheñ, ulım, ä!
Ayıu tip, Azamattıñ qaldırıp qasqan sanahın äytä inde.


1996 yıl

Click or select a word or words to search the definition